"Qadın yataqda bir az sərbəst olan kimi, kişi soruşur ki, bunu kimdən öyrənmisən?" — XANIM PSİXOLOQDAN QALMAQALLI AÇIQLAMALAR

09:50
07.12.2017
44164
Ölkə
A
Adətən psixoloqları sirr qutusu hesab edirlər. Çünki bir çox peşə sahiblərindən fərqli olaraq psixoloqlar həm də sirr saxlamağa məcburdular. Xüsusən də ailə psixoloqları.

Bəs görəsən son vaxtlar adi hala çevrilmiş ailə münaqişələrinin və boşanmaların əsl səbəbləri nədir? Doğrudanmı qeyd edildiyi kimi, əksər hallarda boşanmalara səbəb ailənin maddi durumunun aşağı olmasıdır?

"Ölkə.Az"-ın bu və digər suallarını tanınmış ailə psixoloqu Sevinc Baxışova cavablandırır.

- Sevinc xanım, istərdim əvvəlcə ailələrdəki psixoloji durumdan danışaq. Psixoloq kimi kənardan baxanda orta statistik Azərbaycan ailəsinin psixoloji durumu nə yerdədir?

- Nə yerdə olduğu məlum məsələdir. Boşanmaların sayı, baş verən hadisələr göstərir ki, əslində, durum heç də yaxşı deyil. Bunun da müxtəlif səbəbləri var. Adətən, məhkəmə çəkişmələrində boşanmaların səbəbi kimi maddiyyat göstərilir. Ər ailəyə yaxşı baxmırdı, övladlarının sosial rifahını təmin edə bilmirdi və sair. Ancaq əsl səbəb maddiyyat deyil. Bunun tam gizli tərəfi var ki boşanarkən heç bir tərəf bunu açıq-aşkar deyə bilmir.

- Məsələn?

- Dediyim gizli səbəblərin başında intim münasibət uyğunsuzluğu gəlir.

- İntim uyğunsuzluq daha çox rast gəlinən ailələr bölgələrdədir, yoxsa paytaxtda?

- Həm bölgələrdə, həm şəhərlərimizdə bu kimi hallar var. Sadəcə, şəhərdə bu kimi uyğunsuzluğu tərəflərdən hansısa müəyyən dərəcədə büruzə verirlər. Bölgələrdə isə heç vaxt belə səbəblər dilə gətirilmir.

- Sizcə belə halların yaşanmasına səbəb toy kasetindən qız bəyənib evlənmək kimi "adətlər" deyilmi? Yəni, gənclər bir-birinin xarakterini, düşüncəsini öyrənmədən, uyğunlaşmadan ailə qururlar və nəticədə belə problemlər yaranır.

- Siz dedikləriniz də doğrudur. Ancaq bir məqama xüsusi diqqət yetirmək lazımdır. Əvvəl də ailələrin məsləhətiylə evlənənlər çox idi. Amma həmin ailələrin 50-60 il ömrü olur. İndiki virtual danışıqlar, sonra görüşmələrdən yaranan evliliklər var ki bir neçə aydan sonra uyğunsuzluğu səbəb gətirərək boşanırlar. Fikrimcə, ailə məsləhətiylə qurulan ailələr daha davamlıdır.

- Uyğunsuzluqdan daha çox qadınlar şikayət edir, yoxsa kişilər?

- Deyərdim ki, daha çox qadınlar şikayət edir. Ailə psixoloqu kimi müraciət edənlərin anonimliyi təbii ki, qorunur. Amma ümumi mənzərəni göz önünə gətirərək deyə bilərəm ki, qadınlar uyğunsuzluqdan daha çox narazıdırlar. Bizdə mentalitet deyilən bir şey var da. Nə qədər cəhd etsək də, intim münasibətlərdə tam sərbəst ola bilmirik. Qadının yataqda sərbəst davranışı kişinin pis mənada diqqətinə səbəb olur və dərhal sual olunur ki, bunu haradan öyrənmisən? Amma düşünmür ki, indi hamının hər şeydən xəbəri olduğu zamandır.

- Böyük yaş fərqliylə qurulan ailələrdə bu mənada vəziyyət necədir? Yəni, böyük yaş fərqiylə ailə qurmaq da səbəbdirmi?

- Yaş fərqi elə də problem sayılmır.

- Məsələn, gənc subay qız və yaşlı, həm də ailəli kişi münasibətləri davamlı ola bilirmi? Söhbət təbii ki, rəsmi münasibətdən getmir.

- Tanıdığım 18 yaşlı qız 52 yaşlı kişiylə görüşür.

- Sizcə qız sevir, yoxsa bu, maddi təmənnadan irəli gəlir?

- Həmin qız atasız böyüyüb, kişi isə onun bütün sosial problemlərini həll edir. Qız deyir ki, mən ondan özümə qarşı böyük dəstək, güvən hiss edirəm.

- Bəs həyat yoldaşına xəyanət edən qadınlar səbəbi necə izah edirlər?

- Cinsi uyğunsuzluğu əsas gətirirlər. Xəyanət elə-belə addım deyil. Deməli, ciddi səbəb var ki, qadın xəyanət edir. Məsələn, qadının həyat yoldaşıyla evliliyi yalnız kağız üzərindədir, həkim isə tövsiyyə edir ki, mütləq intim münasibət yaşamalısan. Bəs xanım nə etməlidir?

- Yəqin ki, məşhur insanlar və onların ailələri də sizə müraciət edirlər.

- Bəli, belə müraciətlər də çox olur. Amma deyim ki, insanın hissləri kasıba, varlıya, məmura, fəhləyə baxmır. Təbii ki, ad çəkməyəcəyəm.

- Bəs həm maddi durumu yerində olan, həm həyat yoldaşından lazımi diqqəti görən qadınlar sizə müraciət edirmi? Yəni, sırf macəra naminə xəyanət edən qadınları nəzərdə tuturam. Bəs onlar hansı səbəbi göstərirlər?

- Bəli, elə pasientlərim də var. Bax bu hal qəbulolunmazdır. Onlara da izah edirəm ki, doğru yolda deyilsiniz. Əgər qadın maddi və fiziki mənada təmin olunursa, diqqət və qayğı görürsə, eyni zamanda xəyanət edirsə, bunun adı macəra axtarmaqdır. Elə ailələr tanıyıram ki, çox kasıbdılar. Amma kənardan baxanda hiss edirsən ki, yüksək səviyyədə anlaşma var. Çünki sırf təmiz sevgi üzərində ailə qurublar.

- Deyirlər ki, xəyanət etməyən kişi yoxdur. Sizcə doğru deyimdir?


- Bəli, doğru deyimdir. Bu, kişilərə təbiətdən gələn bir xüsusiyyətdir. Amma kişi bunu ailədə büruzə verirsə, təbii ki, doğru deyil.

- Sizcə kişilərin xəyanət etməsində zahiri amil rol oynayırmı?

- Xeyr, ola bilər ki, kişinin həyat yoldaşı dünyanın ən gözəl qadınıdır. 

- Bəs vəziyyətdən çıxış yolu nədədir? Əgər ailədə xırda anlaşılmazlıq varsa, tərəflər hansı addımı atmalıdırlar ki, məsələ böyüməsin?

- Bəzən münasibətlər heç nədən pozula bilər. Bunu oturub danışmaq, problemin kökünü araşdırmaq və çözmək lazımdır. Və indi deyəcəyim məqam xüsusən vacibdir. Kişi ailədə kişiliyini bildirməli, dominantlıq etməlidir. Ailədə dominantlığı bacaran kişilərin ailələri bütöv olur.

İntiqam VALEHOĞLU
Ölkə.Az

ŞƏRH YAZ
0

"İlham Əliyevin təbriki Azərbaycan-Türkiyə qardaşlığının ifadəsidir" — Deputat

21:27
19.08.2018
2546
Ölkə
A
Baş nazirin müavini, Yeni Azərbaycan Partiyasının (YAP) sədr müavini və icra katibi Əli Əhmədovun başçılıq nümayəndə heyəti Türkiyənin hakim Ədalət və İnkişaf Partiyasının (AKP) növbədənkənar VI Qurultayında iştirak edib.

"Ölkə.Az" xəbər verir ki, bu haqda Oxu.Az-a məlumat verən millət vəkili Məlahət İbrahimqızı bildirib ki, nümayəndə heyətində həmçinin parlamentin Azərbaycan-Türkiyə Parlamentlərarası Dostluq Qrupunun üzvləri - Milli Məclisin (MM) komitə sədrləri Eldar İbrahimovla Əhliman Əmiraslanov təmsil olunublar.

Azərbaycanla Türkiyənin dost və qardaş ölkə olduğunu deyən M. İbrahimqızı, eyni zamanda, hər iki ölkənin hakim partiyalarının - YAP-la AKP-nin də dost və müttəffiq partiyalara çevrildiyini söyləyib.

Onun sözlərinə görə, artıq neçə illərdir ki, iki partiya arasında sıx əməkdaşlıq mövcuddur və hər bir siyasi  təşkilat da bundan məmnunluq duyur:

“Bu günə kimi də biz onların bir neçə toplantısına qatılmşııq, onlar da bizim bir çox tədbirlərimizdə iştirak ediblər.

Budəfəki qurultayda da iştirak etməyimizdən çox mənunuq. Çox önəmli və əhəmiyyətli bir qurultay idi.

Çünki növbədənkənar 24 iyun seçkilərindən sonra keçirilən qurultayı idi. Qurultayda partiyanın qurucusu və lideri, AKP genəl başqanı və Türkiyə prezidenti Rəcəb Tayyib Ərdoğan tərəfindən həm partiya, həm Türkiyə,  həm region, həm də dünya ilə bağlı önəmli, vacib mesajlar səsləndirildi”.

Millət vəkili hesab edir ki, son qurultay AKP-nin fəaliyyətində yeni mərhələnin başlanğıcı olacaq:

“Artıq neçə vaxt idi ki, partiyada dəyişikliklər, yenilənmələr aparılırdı.

Qurultay zamanı da dəyişikliklərin, yenilənmələrin vacibliyi bir daha vurğulandı və partiyanın rəhbər orqanlarına seçkilərdə də, bu, özünü bir daha göstərdi.

İstər AKP, istərsə də YAP hər zaman yeniliklərə, dəyişikliklərə açıq partiyalardır. Hər dəfə də bu partiyalar qurultaylardan daha güclü şəkildə çıxıblar, daha monolit olublar.

Hesab edirəm ki, hər iki partiyanın uğurlarında da bu məqam, yəni,  monolitlik, lider ətrafında sıx birləşmə öz sözünü deyir.

Odur ki, bu qurultay həm də AKP ilə YAP arasında münasibətlərin gələcək dönəmində yeni mərhələ olacaq”.

M. İbrahimqızı həmçinin, Azərbaycan prezidenti, YAP sədri İlham Əliyevin ilk dövlət başçısı olaraq R. T. Ərdoğanı yenidən AKP genəl başqanı seçilməsi münasibəti ilə təbrik etdiyini bildirib və bunu Azərbaycan-Türkiyə dostluğunun, qardaşlığının növbəti nümunəsi kimi dəyərləndirib.

Ölkə.Az

ŞƏRH YAZ
0

"Beyinlərin yuyulmasına ehtiyac var" — Tahir Rzayev

21:09
19.08.2018
2159
Ölkə
A
Valideynlər maarifləndirilməli, onlarla geniş təbliğat-izahat işləri aparılmalı, şüurlar təzələnməli, təmizlənməlidir.

"Ölkə.Az" xəbər verir ki, bunu Oxu.Az-a açıqlamasında millət vəkili Tahir Rzayev bildirib.

Onun sözlərinə görə, çünki bu gün bir çox valideynlərin, ata-anaların, ailələrin səhv və yanlış qərarları üzündən Azərbaycanda erkən nikahların və nəticədə də boşanmaların, uğursuz ailələrin, ailə-məişət zorakılıqlarının sayı həddindən çox artıb:

“Çox-çox təəssüflər ki, böyük ailə mədəniyyətinə, gözəl ailə institituna sahib olan Azərbaycanda son illər erkən nikahların və onların da nəticəsində uğursuz taleli ailələrin, evliliklərin, boşanmaların sayı sürətlə artmaqdadır.

Bu, hər birimizi ciddi və dərindən narahat edən bir məsələdir.

Bir çox valideynlər övladlarının sabahını, gələcəyini düşünmədən, ağına-bozuna baxmadan onların yerinə qərar verirlər, oğul və qız övladlarını tələm-tələsik erkən nikahlara məcbur edirlər.

Sanki dallarınca düşən, qaçan var bunların?!

Xüsusilə də, ölkənin Cənub bölgəsində qızların çox erkən yaşlarında- 14, 15, 16 yaşlarında ərə verilməsi “dəb” halını alıb.

Hamı sanki bəhsəbəsə girib ki, görək kim qızını tez ərə verəcək və ya kim oğlunu hamıdan qabaq evləndirəcək...

Bu hal artıq ölkənin digər bölgələrinə də sirayət etməkdədir” .

T. Rzayeb deyib ki, bu, çox ağrılı və təhlükəli bir tendensiyadır.

“Axı, ailə, övlad məsuliyyəti nə demək olduğunu hələ qavramayan, anlamayan 14, 15, 16 yaşlı qızı necə ailə qurmaya, ərə getməyə təhrik, vadar, məcbur etmək olar?

Biz hansı dövrdə, hansı zəmanədə yaşayırıq?

Niyə ailələr, valideynlər “qonşudan dala qalma” kimi zərərli düşüncə tərzinin əsirinə çevrilib övladlarını bədbəxt, mənəvi cəhətdən şikəst edirlər?

Vacibdirmi ki, qızları və ya oğlanları erkən yaşda ailə qursunlar, sonra da ailə çətinliklərinin yükünü çiyinlərində daşıya bilməyib, boşanmaq, parçalanmaq, dağılmaq məcburiyyətində qalsınlar?

Filankəsin atası varlıdır, gedim onun qızını oğluma alım, filankəs vəzifəlidir, qızımı onun oğluna verim, filan oğlan yaxşı vəzifədə işləyir, qızımı onunla evləndirim və sair, axı, bununla, bu düşüncə tərzi ilə hara gedirik, valideynlər niyə övladlarının qəsdinə durublar?

Ailə bəyəm oyun-oyunacaqdır?

Bunlar yolverilməz və qəbuledilməzdir.

Bu gün də ən çox boşanmalar məhz erkən nihaklara daxil olan cütlüklər arasında müşahidə olunur.

Nəticədə də gənc qızlar, gəlinlər, dünyaya yenicə gəlmiş körpələr bundan əziyyət, zərər çəkirlər.

Bir çoxları küçələrə atılır, valideynləri belə onlara yaxın durmur. Gənc qızlar, uşaqlar taleyin amansız ümidinə buraxılırlar.

Üstəlik intiharlar, təcavüzə, zorakılğıa məruz qalmalar, cinsi, fiziki istismarlar, insan alverinin qurbanına çevrilmələr və sair...

Bunlar vicdanı, qəlbi olan hər biri kəsi ağrıdır və ağrıtmalıdır.

Hətta, qanunvericiliyə edilmiş dəyişikliklər, ailə-məşişət zorakılığı ilə bağlı təkmil qanunvericilik belə bu cür halların qarşısının alınmasında bəzən acizdir.

Nə edirsən, et, xeyri yoxdur.

Qanunları nə qədər sətləşdirsək belə, yenə xeyri olmayacaq.

Çünki çoxlarının beyini yuyulmalı, şüurları təmizlənməli və təzələnməlidir.

Valideynlər arasında, xüsusuilə, də övladlarını evləndirməyə hazırlaşan ata-anlar arasında ciddi maarifləndirmə, təbliğat, izahat işləri aparılmalıdır.

Onlar yanlış və zərərli davranşılarından, övladlarının taley ilə oynamaqdan artıq geri çəkindirilməlidirlər.

Həmçinin, gənclər, ailə qurmağa hazırlaşan gənc cütlüklər arasında maarifləndirməyə, ailə, evlilik, övlad sahibi olmaq nədir, onlar barəsində həmin gəncləri bilgiləndirməyə böyük ehtiyac var.

Bunlar edilməsə, sonumuz heç yaxşı görünmür...”-deyə, millət vəkili sonda sözlərinə əlavə edib.

Ölkə.Az

ŞƏRH YAZ
0
BAĞLA