Qadından qandonduran əməl: 300 körpəni öldürür, onları çaya atır…

Qadından qandonduran əməl: 300 körpəni öldürür, onları çaya atır…
20:46
03.12.2017
5034
Maraqlı
A
Seriyalı qatillər tarixdə öz dəhşətli əməlləri ilə iz qoyublar. Onlardan Ameliya Dayer adlı qadın var ki, "xeyirxah niyyətlərlə" örtülərək, bir neçə yüz körpə uşağı həyatdan məhrum edib...

Onun təcrübəsi sübut edir ki, yaxşılıq adı altında bəzən qeyri-insani qəddarlıq, daşürəklilik və psixikanın açıq nasazlığı gizlənir. Və uşaqları dayəyə etibar edərkən bir daha ciddi düşünməyə əsas verir.

Ölkə.Az körpə uşaqların qatili, sonda ifşa olunaraq edam edilən Ameliya Dayer haqda oxucuları məlumatlandırır.

Ameliya Dayer - viktorian dövrünün ən amansız qatili.

Ameliya çoxuşaqlı ailədə - Bristol şəhərində doğulub. Uşaqlıqdan onun payına ağır sınaqlar düşüb - o, 4 kiçik qardaş və bacısının və ağıldan məhrum olmuş anasının qayğısına qalmağa məcbur idi.

Böyüyüb, Ameliya tibb bacısı kurslarını bitirir və kəbinsiz uşaq dünyaya gətirən qızlara kömək etməyə başlayır. Ameliya yeni doğulmuş körpələri öz himayəsinə götürməyi təklif edir, bununla da qızlara biabırçılıqdan qurtulmağa şərait yaradırdı.

Ameliya ingilislərin təbirincə desək, "beybi-fermer" idi - bildiyimiz dayəliyin bir forması. O, əsasən kəbinsiz doğulan uşaqların ailələrinə guya yardım etmək məqsədilə körpələri öz qəyyumluğu altına alırdı. Əslində isə, onun əlinə düşmüş müdafiəsiz körpələri öldürür, cəsədlərini Temzaya atırdı.

Ameliya Dayer ölüm cəzasına məhkum edildi.

Öldürülərək çaya atılmış bir uşağın örtüyündə qatilin diqqətindən yayılaraq zərf qalır. Tapılmış bu dəlil müstəntiqləri Ameliya Dayerə gətirib çıxarır.
Bütovlükdə, "beybi-fermer"lik Britaniyada geniş yayılmışdı. Buna səbəblər var idi: birincisi, bir çox qızlar biabırçılıqdan çəkinirdilər, ikincisi, hamiləliyə qarşı dərman hələ ixtira edilməmişdi, üçüncüsü, qanun kişilərə öz kəbinsiz uşaqlarını saxlamağa imkan vermirdi. Bu baxımdan, təsadüfi münasibətlərdən doğulan uşaqları böyütmək üçün həmişəlik dayələrə verirdilər.
Qonşular şübhələnməsinlər deyə, o, tez-tez yaşayış yerini dəyişir, yerli qəzetlərdə elan yerləşdirərək yeni uşaqlar yığırdı. Uşaqlardan birinin cəsədinin Redinq şəhərinin ətrafında çayda tapılmasından sonra qanlı qatilin izinə düşüldü.
Ameliyanın evində axtarış zamanı tapılan dəlillər onu göstərirdi ki, cinayətləri məhz o törədib. Həmçinin evdə qəzetlərdə yerləşdirilmiş elanların ödənişi üçün qəbzlər aşkar edildi. İzləri dolaşdırmaq üçün Ameliya, elanlarda uydurulmuş adlardan istifadə edirdi.
Bütün cinayətlər 1860-cı illərin ortalarında törədilmişdi ki, bu zaman Ameliya 27-28 yaşında idi.

Qatil haqqında bütün Britaniya qəzetləri yazırdı.

İstintaq həm də onu göstərdi ki, Ameliya müştərilərlə saxta müqavilələr imzalayırdı. O, söz verirdi ki, uşağın heç nəyə ehtiyacı olmayacaq və yaxşı şəraitdə yaşayacaq, amma körpə onun əlinə düşən kimi, onu ölüncəyə qədər ac saxlayırdı...
Uşaqlar daha az kapriz etsinlər deyə, Ameliya onlara tiryək preparatları verirdi. İlk illərdə mənfur qatil uşaqların ölümlərini qanun üzrə qeydə alırdı. Guya müxtəlif xəstəliklərdən dünyasını dəyişiblər. Ancaq onun əməkdaşlıq etdiyi həkim şübhələnməyə başlayanda, ehtiyat edərək o, cəsədlərdən müstəqil olaraq qurtulmağa başladı.
Bəzi qiymətləndirmələrə görə, Ameliya 300-dən çox uşaq öldürüb. Onun işi polisə düşəndən sonra, hökumət "beybi-fermerlər"in fəaliyyətinə ciddi nəzarət etməyə başladı.
Mənfur qatil 1896-cı ildə ölüm cəzasına məhkum edildi. İttiham o qədər ciddi idi ki, qərardan şikayət vermək nəzərdə tutulmurdu. Qərar dərhal icraya yönləndirildi. (publika.az)

ŞƏRH YAZ
0

Pozitiv olun, kiçik problemləri böyütməyin — Günün qoroskopu

Pozitiv olun, kiçik problemləri böyütməyin
01:28
Bu gün
103
Maraqlı
A
"Ölkə.Az" milli.az-a istinadla günün ulduz falını təqdim edir:

Qoç - Səhər saatlarından etibarən əhvalınız pisləşməsin. Bədbinliyə qapılmayın. Ötən günlərdə yaşanan hadisələr indiki proseslərə bilavasitə təsir edir.
Günün ikinci yarısında hansısa işə həddən artıq vaxt və qüvvə sərf etsəniz, yaşam tonusu səviyyəsinin aşağı düşməsi qaçılmazdır. Pozitiv olun, kiçik problemləri böyütməyin. Yaxınlarınızla ünsiyyətdə səmimi olun. Aqressiv davranmayın.

Buğa - Fəaliyyətinizdə harmoniyaya nail olun. Təfərrüatlarına bələd olmadığınız, detallarını dəqiqləşdirmədiyiniz işə başlamayın. Belədə, yarıyolda zəiflədiyinizi, imkanlarınızın tükəndiyini hiss edə bilərsiniz.
Başladığınız işi bitirin.
Günün ikinci yarısında yaxınlarınızla münasibətlərdə sərinləşməyə imkan verməyin. Emosional olmayın. 
Yaxın ətrafınızdakı insanların dediklərinə aqressiv münasibət bəsləməyin.

Əkizlər - Adi, yeknəsəq günlərdən biridir. Hisslərə yox, məntiqə əsaslanaraq hərəkət edin. Belədə, fəaliyyətinizdə və dəyər verdiyiniz insanlarla münasibətlərdə xoşagəlməz sürprizlərlə qarşılaşmayacaqsınız.
Günün ikinci yarısında qəfil istəklər, çılğın ideyalar istisna deyil. Yeni layihəni və ya istəyi reallaşdırmaq fikrinə düşməzdən əvvəl motivləri ayırd etməyə can atın. 
Axşam saatlarında ailə üzvləri və qohumlarla münasibətləri intensivləşdirin. Xoş emosiyalı anlar olacaq.

Xərçəng - Ətrafınızda baş verən hadisələrə təkan verən səbəbləri aydınlaşdırın. Şəxsi münasibətlər, istəklər və arzularla yanaşı, tərəfdaşlarla şəriklərin planları da önəmlidir. Çalışdığınız kollektivdə mübahisə etməsəniz, hər şey yaxşı olacaq.
Günün ikinci yarısında əhvalınızda ciddi dəyişikliklər olacaq. Ani çətinliklər sizdə durğunluq yaratmasın. Şübhələr planların gerçəkləşdirilməsinə mane ola bilər.
Axşam saatlarında normal istirahət edin.

Şir - Mühüm qərarlar üçün yaxşı gündür. Tələsməyin, yaxşıca düşünüb qərar verin. Yaşamınızın sahibi ola bilərsiniz. Peşəkar mövqelərinizi səbatlaşdırın.
İşlə bağlı yeni münasibətlərin başlanması, sərfəli əməkdaşlıq istisna deyil.
Günün ikinci yarısında sizi xoş sürpriz gözləyir. Qəfil hədiyyə, dəvət və ya romantik görüş ola bilər.
Səfər və ya səyahəti planlaşdıra bilərsiniz. Yaşam arealının dəyişdirilməsi faydalıdır, əhval-ruhiyyənizi yaxşılaşdıra bilər.
Yaşam potensialı səviyyəsi yüksəkdir.

Qız - Kiçik problemlərin çözülməsi, cari məsələlərin həlli üçün uğurlu gündür. Ciddi və ağır işlərə başlamayın. Səhv etmədən onları başa vurmaq asan deyil. Təmaslarda diqqətli, sərrast olun. Yeni tanışlıq, nüfuzlu insanın dəstəyi və ya yardımı istisna deyil.
İşdə rəhbərliklə problemləri müzakirə etmək, yeni layihəni nəzərdən keçirmək olar.
Günün ikinci yarısı bilik, informasiya bazasını genişləndirmək, yeni təcrübə əldə etmək üçün əlverişlidir. Alınmış məlumatların mübadiləsində xeyir var. Mühüm qərarlar qəbul etməyə tələsməyin.
Şəxsi münasibətlərdə diqqətli və həssas olun. İndi emosiyaların təsiri altında yanlış addım ata bilərsiniz.

Tərəzi -  Şəraitin formalaşdırdığı məqamlardan yararlanın. Hər olaydan xeyir tapmaq olar. Yeni tərəfdaşlarla işgüzar əməkdaşlığa başlamağın zamanıdır.
İşinizdə faydalı ola biləcək praktik məlumat və bilgilər əldə edin.
Sənədləşdirmə, icazə və rüsxətlərin alınması, məmurlarla görüş, sizin üçün mühüm məsələlərin həllinin asılı olduğu adamlarla danışıqlar üçün yaxşı zamandır. Dostlar sizi xoş xəbərlərlə sevindirəcəklər.
Yaxınlarınızda sizin üçün maraqlı xəbərlər var.

Əqrəb -  Maraqlı tanışlıqlar vəd edən gündür. Diqqətə layiq olan insanlar sizinlə maraqlanacaqlar. İstənilən görüş yaxşı keçəcək. İşgüzar fəaliyyət və maliyyə ilə bağlı məsələləri qeyri-formal şəraitdə müzakirə etmək olar. Kommersiya fəaliyyəti gəlir verəcək.
Köhnə dostları yada salın. Onlardan birində faydalı məlumat və ya maraqlı təklif ola bilər.
Günün ikinci yarısında alış-veriş etmək olar.
İdmanla məşğul olmağı unutmayın.
Aktiv və gümrah olmağa çalışın.

Oxatan - Səhər saatlarında alacağınız məlumat və gələcək informasiyanı dəqiqləşdirin. İlkin təəssüratlar hansısa olay və ya konkret şəxs barədə fikir yürütmək üçün yetərli deyil.
Təmkinli olun, soyuqqanlı davranın.
Günün ikinci yarısında cari problemlərin çözülməsi ilə məşğul olun. İllüziyalara qapılmayın, boş vədlərə aldanmayın. Mümkün uğursuzluq qorxusu əlinizi işdən soyutmamalıdır.
Yaxınlarınızı anlamağa meylli olun.

Oğlaq - Yaxın ətrafınızdakı insanlarla münasibətlərinizi gərginləşdirməyin. Səmimi, anlayışlı insan təsiri bağışlayın. Həmkarlar, tərəfdaşlar, müştərilər və iş yoldaşları ilə təmaslarda praqmat olun.
Rəqiblərin sizi üstələməsinə imkan verməyin.
Günün ikinci yarısında qəfil hücuma məruz qala bilərsiniz. Aqressiyanın qarşısını dərhal alın. Amma bunu düşünülmüş şəkildə edin. Sevdiyiniz insanla ünsiyyətdə köhnə umu-küsünü xatırlamayın, müzakirə etməyin.

Dolça - Çətin, qarışıq, xaosu xatırladan gündür. Əsla gözləmədiyiniz hadisələr baş verəcək. Hadisələrin məcrası nəzərdə tutmadığınız istiqamətə yönələ bilər. Nəzərdə tutduğunuz planları reallaşdırmaq üçün var qüvvənizlə çalışın.
Gününi ikinci yarısında əvvəlki səhvlərin fəsadlarını, yanlışlıqların nəticələrini aradan qaldırın. Texniki nasazlıq əlavə zəhmət tələb edir.
Həmkarlarla anlaşılmazlıqları çözün. 
Dəyər verdiyiniz insanla münasibətlərdə qarşılıqlı etimad xüsusi əhəmiyyət kəsb edir.

Balıqlar - Tənbəl, astagəl, ətalətli olmayın. Diqqətiniz dağınıq olmasın. İlk baxışdan əhəmiyyətsiz təsir bağışlayan məsələlərin əslində ciddi əhəmiyyəti var.
Boş müzakirələr, mənasız söhbətlərdən uzaq olun.
Günün ikinci yarısında ən mühüm problemlərin həllinə başlayın. İkinci dərəcəli məsələləri müvəqqəti olaraq təxirə salın.
Danışmaqla bahəm, qulaq asmağı da bacarsanız, yaxşıdır.

Ölkə.Az

ŞƏRH YAZ
0

Kirpiklərimiz niyə tökülür?

Kirpiklərimiz niyə tökülür?
20:45
15.10.2018
2559
Maraqlı
A
Göz qapaqlarının dərisi üzlə oxşar olsa da, daha incədir və tez yaralana bilir. Qapaqlar tez sağalmağa meyillidir. Bu müsbət cəhət onların qoruyucu vəzifəsini artırır. Kirpiklər gözəllik rəmzi olsa da, onların fərqli vəzifələri var. Ana bətnindəki dölün kirpikləri hamiləliyin 22-26 həftəsində əmələ gəlməyə başlayır.

"Ölkə.Az" xəbər verir ki, bu sözləri AzərTac-a müsahibəsində oftalmoloq Leyla Qəhrəmanova deyib.

Bildirilib ki, mexaniki epilyasiyadan sonra kirpiklərin uzanmasına ayrılan vaxt 7-8 həftədir: “Bəli, iki ay vaxt lazımdır ki, tökülən kirpiklər bərpa olunsun. Saçlarda olduğu kimi, kirpiklərin də uzanması üç fazadan ibarətdir. Bəzi alimlər isə bu uzanmanın daha gec olmasını qeyd edir. Üst göz qapağında 90-150-ə qədər kirpik olur. Alt qapaqda isə bu say 70-80-ə çatır. Kirpiklərin uzunluğu 10 mm qədər çata bilər. Göz qapaqlarında kirpiklərin köklərindən başqa bəzi piy vəziləri də yerləşir. Bu vəzilərin vəzifəsi kirpiklərin kökünü, qapaqların kənarını, həmçinin buynuz qişanın səthində yağlamaq ilə çox mühüm vəzifə daşımaqdadır. Kirpiklər qapaqla birgə bu piy qatını buynuz qişanın səthində tam bərabər yayılmasına kömək edir. Biz yaşa dolduqca kirpiklərimiz tökülərək azalır və onların kökü məhv olur. Piy vəziləri də yaşın təsiri altında dəyişməyə məruz qalır. Siz qocalarımızın dəsmalla gözlərini sildiyini dəfələrlə görmüsünüz. Buna səbəb göz yaşı vəzinin ifraz etdiyi göz yaşının yetməməsi göstərilir. Bunun nəticəsi olaraq, yaş vəzilərin gözü təkbaşına quruluqdan qoruması çətinləşir. Kirpiksiz göz qapaqlarının necə qəribə göründüyünün və qalınlaşmasının yəqin ki, şahidi olmusunuz. Dediklərimizdən belə nəticəyə gəlmək olar ki, kirpiklərimiz və göz qapaqlarımızı qorumaq dişlərin qorunması qədər mühümdür. Kirpiklərimizin tökülməsi çox xəstəliyin işarət də ola bilər. Bu siyahı dəri xəstəliklərindən tutmuş sifilisə qədər uzanır. Kirpiklərdə parazitlər, gənələr belə yaşaya bilir. Qaşınma isə bu xəstəliyin çox vaxt yeganə əlamətidir. Kirpiklərimizin rənginin dəyişməsi, uzanması da yaxşı əlamət deyil. Buna səbəb keyfiyyətsiz kosmetika və ətraf mühit də səbəb ola bilər. Biz dişlərimizi gündə iki dəfə fırçalamalıyıqsa, göz qapaqlarımızın gigiyenasına da bir o qədər fikir verməliyik. Külli miqdarda şampun və dərman vasitələri alıcıların istifadəsinə təqdim edilir. Əslində, göz qapaqlarının və kirpiklərin öz şampunu olmalıdır. Kirpikləri qorumaq vacibdir. Onların tökülməsi, uzanması, rənginin dəyişməsi halları baş verdikdə həkimə müraciət etmək mütləqdir”.

Ölkə.Az

ŞƏRH YAZ
0
BAĞLA