Qadının rəhbər olduğu cinayətkar dəstənin məhkəməsi başladı

Qadının rəhbər olduğu cinayətkar dəstənin məhkəməsi başladı
10:37
16.04.2018
2060
Hadisə
A
Xətai rayon məhkəməsində qumarxana saxlayan 4 nəfərdən ibarət dəstənin məhkəməsi başlayıb.

“Ölkə.Az”ın  məlumatına görə, qadının rəhbər olduğu dəstənin məhkəmə prosesinə Xətai Rayon Məhkəməsinin hakimi İbrahim İbrahimli sədrlik edəcək. Saxlanılan Əliyeva Çinarə Yusif qızı, Əhmədov Midhəd Rauf oğlu, Seyfullayev Tehran Qaraxan oğlu və Səlimov Rövşən Maarif oğlu cinayət məcəlləsinin  244-1.2.2-ci (qabaqcadan əlbir olan bir qrup şəxs tərəfindən qumar oyunlarının keçirilməsi üçün yer təşkil etmə və ya saxlama) maddəsi ilə ittiham edilirlər. Hazırlıq iclasında hər dörd şəxsin anket məlumatları dəqiqləşdirilib. Bu maddənin sanksiyası ilə saxlanılan şəxsləri üç ildən altı ilədək müddətə azadlıqdan məhrum etmə cəzası gözləyir.

Xatırladaq ki, dəstə bu ilin yanvar ayında saxlanılıb. Belə ki, Daxili İşlər Nazirliyinin (DİN) mətbuat xidmətindən bildirilib ki, nazirliyin Baş Mütəşəkkil Cinayətkarlıqla Mübarizə İdarəsinə paytaxtın Xətai rayonu ərazisində yerləşən çay evlərindən birində onlayn yolla kazino oyunlarının təşkil edilməsi barədə əməliyyat məlumatı daxil olub.

Keçirilən təxirəsalınmaz əməliyyat tədbirləri nəticəsində qeyd edilən obyekt nəzarətə götürülüb və toplanan materiallar əsasında həmin obyektdə kazino oyunlarının həyata keçirildiyi sübuta yetirilib.

Əməliyyat-axtarış tədbiri nəticəsində həmin obyektdə onlayn kazino təşkil etməkdə şübhəli bilinən Şəki şəhər sakini Midhəd Əhmədov, Lənkəran şəhər sakini Tehran Seyfullayev və Yevlax şəhər sakini Rövşən Səlimov polis əməkdaşları tərəfindən saxlanılıblar.

Həmin obyektdə qumar oynayan şəxslər də müəyyən edilərək barələrində qanunvericiliyə uyğun müvafiq tədbir görülüb.

Çay evinə baxış keçirilən zaman onlayn kazino proqramlarında qeydiyyatdan keçmək üçün nəzərdə tutulan elektron avadanlıqlar, noutbuklar, kompüterlər, müştərilər tərəfindən oynanılan kuponlar, pul vəsaitləri, eləcə də iş üçün maraq kəsb edən digər maddi sübutlar aşkar edilərək götürülüb.
 

ŞƏRH YAZ
0

Bərdədə avtobus minik avtomobili ilə toqquşdu — Ölən var

Bərdədə avtobus minik avtomobili ilə toqquşdu
14:10
Bu gün
436
Hadisə
A
Bərdədə ölümlə nəticələnən yol nəqliyyat hadisəsi baş verib.

"Ölkə.Az"ın APA-ya istinadən verdiyi xəbərinə görə, hadisə rayonun Alaçadırlı kəndində baş verib. Kənd sakini,  1946-ci il təvəllüdlü Heydərov Maarif Fərəc oğlunun idarə etdiyi  “VAZ” 2107 markalı, 09 BH 987 dövlət nömrə nişanlı avtomobil qarşıdan gələn “Mercedes” markalı  sərnişin avtobusu ilə toqquşub. Zərbənin təsirindən "VAZ" markalı avtomobil yol kənarındakı elektrik xəttinin beton dirəyinə çırpılıb. Avtomobilin sürücüsü M.Heydərov hadisə yerində ölüb.

Faktla bağlı araşdırma aparılır.

ŞƏRH YAZ
0

Ögey oğlunu öldürən ata tutuldu — Rəsmi açıqlama / VİDEO

Ögey oğlunu öldürən ata tutuldu
12:52
Bu gün
526
Hadisə
A
Daxili İşlər Nazirliyi (DİN) Kürdəmirdə uşağın ögey atası tərəfindən öldürülməsi hadisəsi barədə rəsmi məlumat yayıb.

DİN-in Mətbuat xidmətindən “Ölkə.Az”a bildirilib ki, Kürdəmir rayonunun Pirili kəndi ərazisindəki fermaların birində iyulun 16-da 5 yaşlı Murad Bayramovun atdan yıxılması, aldığı xəsarət nəticəsində iyulun 21-də öldüyü barədə Rayon Polis Şöbəsinə məlumat daxil olub.

Polis və prokurorluq orqanlarının əməkdaşları tərəfindən həyata keçirilmiş istintaq və əməliyyat tədbirləri nəticəsində uşağın ögey atası, fermada yaşayan və işləyən, əvvəllər məhkum olunmuş Abdulla Abdullayev tərəfindən iyulun 16-da ağac parçası ilə döyülməsi və aldığı xəsarətlərdən ölməsi müəyyən edilib.

Görülmüş tədbirlərlə A.Abdullayev tutulub.

Faktla əlaqədar Cinayət Məcəlləsinin 126.3-cü (Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. 

ŞƏRH YAZ
0
BAĞLA