Qadınlarda xərçəngin 12 qeyri-adi ƏLAMƏTİ

Qadınlarda xərçəngin 12 qeyri-adi ƏLAMƏTİ
18:14
21.11.2019
20184
Maraqlı
A
Son illərin ən böyük bəlası xərçəng xəstəliyidir. İl ərzində milyonlarla insan bu sağalmaz dərdin qurbanı olur.

“Ölkə.Az” bu gün oxuculara qadınlarda üzə çıxan xərçəng xəstəliyinin əlamətlərindən danışacaq.

Qadın orqanizmində daimi dəyişikliklər baş verir. Qadının yaşı artdıqca, bədənindəki dəyişikliklər də çoxalır.

Əfsuslar olsun ki, qadın orqanizmində baş verən bəzi dəyişikliklər ilk baxışdan adı bir hal kimi qəbul edilə bilər, amma əslində bu belə deyil. Bəzi hallarda bu, xərçəngin əlamətləri ola bilər. Bu əlamətlər barədə hamı, xüsusilə də qadınlar məlumatlı olmalıdırlar.

Buna görə də qadın üçün orqanizmində baş verən dəyişikliklərə nəzarət etmək çox vacibdir. Çünki bədən nəyinsə səhv getdiyini işarə verməyə qadirdir. Yeni əlaməti və ya yeni dəyişikliyi gördükdə buna mütləq fikir verilməli və həkimə müraciət olunmalıdır.

Qadınların əksəriyyəti xərçəngin aşağıda göstərilən əlamətlərinə əhəmiyyət vermir:

 

 

Qıcqırma

Qıcqırmaya səbəb, yağlı, şirin və ya alkoqolun həddindən artıq istifadəsi ola bilər. Bu cür qıcqırma çox davam etmir. Lakin qıcqırma keçmirsə və ya daha da artırsa, bu mədənin, yumurtalıqların və ya boğaz xərçənginin əlaməti ola bilər. Bundan savayı, daimi qıcqırma qida borusunun divarlarının zədələnməsinə səbəb olur və bu boğaz xərçənginin inkişafının riskını artırır.

 

Ağız boşluğundakı  dəyişikliklər

Siqaret çəkən qadınların ağız boşluğunda ağ, sarı və ya boz ləkələr əmələ gəlir. Həmin ləkələr getdikcə yaralara çevrilib, arta bilir və bu da nəticədə ağız boşluğunun xərçənginə səbəb olur.

 


Sinədə dəyişikliklər
Bilmək vacibdir ki, əksər hallarda sinədə yaranan düyün  heç də xərçəng demək deyil. Lakin, süd vəzilərində bərkimə müşahidə etdikdə, həkim məsləhəti mütləqdir. Əgər döş gilələrində ifrazat əmələ gəlibsə, gilələr geri çəkilib, qızarıb, qabığı soyulur və ya ölçüsünü dəyişibsə, bütün bunları mütləq şəkildə həkimə bildirmək lazımdır.

 


Qarın köpü

“NYU Langone” tibb mərkəzinin onkoloqu Marlen Mayersin sözlərinə görə, qadınlar tez-tez qarın köpündən şikayət edirlər. Amma köpmə keçməyib, çəki itkisi və ya qanaxma ilə müşayiət edilirsə, bu həyəcan siqnalına səbəb olmalıdır. Qarnın daimi köpməsi xərçəngin əlamətlərindən biri ola bilər. Bu yoğun bağırsaqın, yumurtalıqların, həzm yolunun və ya mədəaltı vəzinin xərçəngi ola bilər. 

 

Aybaşı arasında olan qanaxmalar

Əgər aybaşılar arasında qanaxmalar baş verirsə, mütləq şəkildə həkimə müraciət etmək lazımdır. Aybaşına aid olmayan hər hansı qanaxmanın müxtəlif səbəbləri ola bilər. Bu adi ovulyasiya əlaməti olduğu kimi, həmçinin uşaqlıqın, uşaqlıq yolunun, uşaqlıq boyuncuğunun xərçənginin simptomları da ola bilər.

 

Dırnaqlarda dəyişiklik
Hər hansı dırnağın üzərində böyük olmayan, qəhvəyi, şaquli zolaq, melanomanın əlaməti ola bilər. Doktor Riçin sözlərinə görə, çətin hallarda bu kutikul sahəsinə və ya dırnaq ətrafı dəriyə yayıla bilər. Bu simptom, xərçəngin inkişafı və yayılması haqqında məlumat verir”.

 

Sidik və nəcisdə qan
Əksər hallarda sidik və nəcisin tərkibində qanın mövcud olmasına, babasil səbəb olur. Lakin, bu həmçinin yoğun bağırsaq xərçənginin əlaməti də ola bilər. Belə bir qanaxmanı aşkar etdikdə, həkimə müraciət etmək mütləqdir. Xüsusilə, əgər bu qanaxma iki gündən artıq davam edirsə, gecikməyin.

 

Limfatik düyünlərin dəyişiklikləri
Əksər hallarda limfatik düyünlər orqanizmdə iltihab prosesi baş verəndə dəyişikliyə məruz qalırlar. Adətən infeksiyaların ziyanı olmur və orqanizm onlara qarşı müvəffəqiyyətlə mübarizə aparır. Lakin, leykemiya və limfoma kimi xəstəliklərdə, belə infeksiyalar limfatik düyünlərin şişməsinə səbəb olur. Bir ay ərzində şişkinlik keçmirsə, endokrinoloqun qəbuluna yazılmağın vaxtıdır.

 

Udma zamanı çətinlik
Bəzən udma zamanı çətinliklər yaranır. Lakin, bu tez-tez baş verirsə və həmçinin qusma və çəkinin itirilməsi ilə müşayiət edilirsə, əlamətlər boğaz və ya mədənin xərçəngi haqqında xəbər verə bilər. Bu əlamətlər bir həftədən sonra keçmirsə, həkimə müraciət etmək lazımdır.

 

Qəfil çəki azalması
Çox qadının arzusu yüngül yolla arıqlamaqdır. Lakin, çəki hər hansı idman və pəhriz olmadan əriyirsə, o halda bu, orqanizmdə ciddi problemlərin baş verməsinin əlaməti ola bilər. Əksər hallarda çəkinin qəfildən itirilməsinə əsəb gərginliyinin keçirilməsi səbəb olur. Amma, bəzi hallarda bu mədəaltı vəzi və ya yoğun bağırsaqın xərçəngi ola bilər.

 

Qızdırmanın irəliləməsi
İnsanlar soyuqdəymə və ya qrip ilə xəstələnəndə, bir neçə gün davam edən qızdırma təbii haldır. Lakin, bir həftədən çox davam edən və səngiməyən qızdırma, bədəndə baş verən bir sıra patologiyalar haqqında xəbər verə bilər. Xüsusilə, qızdırmanın səbəbi leykemiya və qan xərçənginin digər növləri ola bilər.

 

Öskürək
Əksər insanlarda öskürək dörd həftə ərzində keçib gedir. Bir aydan çox davam edən hər hansı öskürəyə əhəmiyyət verməmək olmaz. Siqaret çəkmə və təngnəfəslik öskürəyi artırır və çətinləşdirir. Öskürək, ağ ciyər xərçənginin ən çox yayılmış əlamətlərindən biridir.

Vüsalə Balayeva
Ölkə.Az

ŞƏRH YAZ
0

Azər Həsrət Dadaşlinskinin qonağı oldu

Azər Həsrət Dadaşlinskinin qonağı oldu
14:51
Bu gün
652
Maraqlı
A
İTV-də yayımlanan "3D" verilişinin növbəti qonağı əməkdar jurnalist Azər Həsrət olub.

''Ölkə.Az'' xəbər verir ki, proqramda bəzi məqamlara toxunan jurnalist maraqlı fikirlər səsləndirib.

Dadaşlinskinin rusdilli insanlarla və əyləncə ilə bağlı verdiyi suala jurnalist belə cavab verib.

''Son illərdə müəyyən şərtlərə görə əyləncə məkanlarına gedə bilmirəm. Lakin  bara yox diskotekaya gedən vaxtlarım olub. Əyləncəni sevən biriyəm. Dediyim diskotekalara Bakıda yox, xarici ölkələrdə getmişəm''. 

Dadaşlinskinin ''Siz keçən il əyləncə mərkəzlərində olan gənclərin əksəriyyətini rus dillilər təşkil edir demişdiniz. Əgər Bakıda belə yerlərə getmirdinizsə bunu hardan bilirdiz?'' sualına o belə cavab verib.

''Mən ümumilikdə əyləncə məkanlarını nəzərdə tutub bu haqda danışmışam. Diskoteka yeganə əyləncə məkanı sayılmır. Ticarət mərkəzlərində də əylənmək üçün kifayət qədər yer var''. 

Azər Həsrət sonda onu bu fikrinə görə səhv anlayan və tənqid edən insanlardan üzr istədiyini də bildirib. 

Nərmin Nuru

Ölkə.Az

ŞƏRH YAZ
0

Dünyanın ən məşhur SOUSLARI — SİYAHI

Dünyanın ən məşhur SOUSLARI
07:00
Bu gün
1361
Maraqlı
A
Sous istənilən əsas yemək və ya qarnir üçün nəzərdə tutulan duru ədviyyatdır. Əvvəllər souslar qidaya duzlu ədviyyat kimi qatılırdı. Məsələm Yaponiyada soy sousunu duz əvəzinə istifadə edirlər. Sousları təkcə hazır yeməklərdə deyil, ərzaqların bişirlməsi zamanıda istifadə etmək olar.

"Ölkə.Az" medicina.az-a istinadən bildirir ki, bir çox ərzaqları sousda qızardırlar, sous altında bişirirlər. Adətən sousların tərkibinə tərəvəzlər, bulyonlar, ədviyyatlar olur.

Souslar dadına, rənginə və hazırlanma qaydasına görə fərqlənirlər. Onlar əsasən tərkibində olan əsas komponentə görə adlanırlar (soğanlı, şokoladlı, xardallı, portağallı və s.) Hər bir ölkənin özünə məxsus sousu var. Məsələn gürcü tkemalisi, yunan dzazikisi, həmçinin bütün dünyada tanınan xardal və mayonez və s.

Həmin souslardan ən məşhuru və onların yaranması ilə bağlı maraqlı faktları təqdim edirik:

Ketçup
Təəcüblü olsa da, ketçupun vətəni Çin hesab olunur. Məhz buradan sous İngiltərəyə gətirilib. İlk əvvəl ketçupun tərkibi ançouslar, göbələk, lobya və qozdan ibarət olub. Yalnız iki əsir sonra naməlu aşbaz sousa pomidor əlavə edərək onu müasir ketçupa yaxın edir. Zamanla pomidorlar ketçupun digər inqrediyentləri sıxışdırıb. Müasir ketçupun tərkibi isə alman emiqrant Henri Haynsa məxsusdur. O sousa kraxmal və ədviyyatlar əlavə edib.

Mayonez
Demək olar ki, dünyada ən məşhur souslardan biridir. Onun adını Mayon şəhəri ilə əlaqəndirirlər.Rəvayətə görə, şəhərin mühasirəyə alındığı vaxt ərzaqlar tükənib və yeməyin dadını fərqli etmək üçün hersoq Rişelye nə isə yeni bir şey hazırlamaq qərarına gəlib. O yumurta sarılarını şəkər tozu, duz və limon şirəsi ilə qarışdırıb ora zeytun yağı əlavə edir. Beləcə şəhərin şərəfinə adlanan orijinal dada malik sous əldə edib.

Tabasko
Tabaskonun vətəni Amerika, Eyveri Aylend adalardır. Sous üçün yerli mədənlərdən çıxarılan duzdan və acı qırmızı tabasko bibərindən istifadə olunur. Hindu dilindən tərcümədə "Tabasko" "nəm torpaq ölkəsi" deməkdir. Əsil tabasko üçün duz bu gün də Eyveri Aylend mədənlərindən götürülür. Bibərlər xüsusi istixanalarda becərdilir, məhsul əllə yığılır. Bibər və duzu qarışdırırlar və 3 il ərzində ağ palıddan olan çəlləklərdə saxlayırlar. Daha sonra sous bibər tumlarından və qabıqdan təmizlənir və bir ay ərzində ağ sirkə ilə qarışdırılır. Nəticədə acı bibərli sous alınır. "Tabasko" təkcə Amerikada deyil, həmçinin İngiltərədə də populyardır. Hətta kraliça Yelizaveta bu sousu çox sevir. Tabasko həmçinin "Qanlı Meri" kokteylinin əsas inqrediyentlərindəndir.

Tkemali
Balıq, ət və quş yeməkləri ilə istifadə olunan ən məşhur sousdur.Bu həmçinin kartof və makaron məmulatları ilə də yaxşı uyğunlaşır. Tkemali gürcüstanın rəmzləırindən biri olan gəvalıdan hazırlanır. Gəvalıdan başqa tkemalinin tərkibinə sarımsaq və müxtəlif göyərtilər daxildir. Sous çox sadə hazırlanır.Gəvalının tkemali növü tumsuz və qabıqsız bişirilir, qaydadığı suda əzilir və qarışdırılı. Əzilmiş sarımsaq, göyərti, düz, istiot əlavə olunur və qaynadılır. Soyuyandan sonra sous hazır hesab edilir.

Quakamole
Meksika mətbəxinə aid və tərkibinə görə sousu xatırladan yemək. Ənənəvi olaraq sous avokado, limon şirəsi və duzdan ibarət olur. Adətən bura pomidor, istiot və digər ədviyyatlar əlavə olunur. Quakamole sözü atsteklərin dilindən götürülüb, bu sous əsasən Meksika və İspaniyada məşhurdur. Quakamole qarğıdalı çipsləri ilə yeyilir və istənilən yeməyin yanında təqdim edilə bilər. Bu sosus çox faydalı hesab edilir və əsasən vegetarianlar, sağlam həyat tərzinə üstünlük verənlər tərəfindən sevilir.

Bolonzey
İtaliya pastası üçün nəzərdə tutulan Bolonyez sousunun vətəni Bolonyadır. Makaron məmulatları üçün ən gözəl sous olan Bolonyezin ənənəvi tərkib hissələri - ət, bekon, soğan, kök, kərəviz, tomat pastası, ət bulyonu və qırmızı çaxırdır. Sousa süd və ya qaymaq da əlavə etmək olar.

Beşamel
Beşamel məşhur fransız sousudur. Süd, un və yağdan haırlanır. Lazanya, julyen və suflenin hazırlanmasında əvəzolunmazdır.

Pestro
Pesto italyan dilindən tərcümədə "əzmək" deməkdir. İtaliya mətbəxinin ən populyar sousu olan pestonu zeytun yağı, reyhan və pendirdən hazırlıyırlar. Təzə reyhanı qozla birgə əzillər və zeytun yağı, sarımsaq, rəndələnmiş parmezanla qarışdırırlar. Sous spagetti, balıq və brusketta üçün ideal əlavədir.

Soya sousu
Soya sousundan çinlilər artıq 3000 ildir ki istifadə edirlər. Həmin zamandan onun hazırlanma texnologiyası dəyişməyib: soy lobyaları suda qaynadılır və unla qarışdırılıb duzlanır. Sonra sousu uzun müddət ərzində acıdırlar: 40 gündən- 2-3 ilədək. Lobiyaların buraxdığı şirə zamanla qaralır. Soy sousu orqanizmin üçün çox faydalıdır, çünkü tərkibində dəmir, sink, B qrupuna aid vitaminlər və çox aminturşuları var.

Tartar
Fransada "Tatar sayağı sous" (Tartar sözü belə tərcümə edilir) adı altında qaynadalmış yumurta sarısı, göy soğan və bitki yağından ibarət məhlula deyilir.Adətən bu sous balıq və dəniz məhsulları yeməkləri, steyk, soyuq ət ilə yeyilir.Tartarı hazırlama üçün əvvlcə yumurta sarısı duz, qara istiot, limon şirəsi və üzüm sirkəsi ilə qarışdırılır. Sonra məhlula damcı damcı zeytun yağı əlavə edilərək qarışdırılır. Doğranılmış göy soğan ən sonda əlavə olunur. Daha sadə reseptdə yumurta sarısı göy soğanla qarışdırılır və mayonez əlavə olunur. Sousu acılı etmək üçün duzlu xıyar, soğan və sarımsaq əlavə etmək olar.

ŞƏRH YAZ
0
BAĞLA