Qadınları kişilərdən soyudan 10 səbəb

Qadınları kişilərdən soyudan 10 səbəb
23:01
19.03.2017
42
Maraqlı
A
Kişilər, diqqət! Bu səhvləri edirsinizsə, xanımınız sizdən soyuya bilər.

Ölkə.AzAilem.az-a istinadən qadınları kişilərdən soyudan 10 davranışı təqdim edir.

Baxımsızlıq

Kişi çox içki içir və siqaret çəkirsə, ətrafa pis qoxu yayırsa, gigiyenik təmizliyə əvvəlki qədər önəm vermirsə, qadın bundan narahat olub ona toxunmaq və sekslə məşğul olmaq istəməz. 

Çox qısqanclıq

Qadınlara qarşı çox qısqanclıq və çox sahiblənmək duyğusu əvvəl-əvvəl yaxşı təsir yarada bilər. Ancaq bu davranışlar şiddətə dönüşürsə, qadında mənfi təsir oyadar.

Təzyiq göstərmək

Qadının da, kişinin də öz dünyası var. Əgər kişi təzyiq göstərərək öz dünyasını qadına qəbul etdirmək istəyərsə, sonda iki dünya toqquşar. Hər iki insanın dünyasının fərqli olduğunu qəbul etmək lazımdır. Əks halda qadın psixoloji olaraq kişidən soyumağa başlayar.

Diqqətsiz yanaşmaq

Sevgili olduğu zamanda kişi qadına qarşı daha diqqətcil, sevgi, qayğı dolu münasibət göstərsə də, ailə qurduqdan sonra zaman keçdikcə kişinin bu davranışlarının dəyişməsi qadını itirməyin qısa yoludur. Qarşılıqlı sevgi və qayğı həmişə canlı tutulmalıdır.

Eqoistlik

Həssas olan, həmişə diqqət istəyən tərəf qadındır əslində. Ancaq kişinin özünü diqqət mərkəzinə yerləşdirmək istəməsi sonda mənfiləri özü ilə bir gətirir.

Tələskən olmaq

Qadınlar cinsəllik başda olmaqla digər məsələlərdə də kişilərin tələskən olmasından narahat olurlar. Münasibət səbr və hörməti gərəkdirən dövrdür.

Uzun müddət sekslə məşğul olmamaq

Xeyli müddət cinsəllikdən uzaq durmaq cinsi istəkləri azaldır. Cinsi həyatı fantaziya, həyəcanla kasad olan cütlük zamanla bir-birindən uzaqlaşır. Qadın istəməsə belə, kişilər ona toxunub, erotik masaj etməlidirlər.

Qadının istəmədiyi davranışlarda təkid etmək

Qadının istəmədiyi davranışlarda təkid etmək onu qəzəbləndirır və qəzəbli qadın ərindən soyuya bilər.

Cinsi performans təkidi

Cinsəllik sevgi və hörmətlə birgə yaşanmalıdır. Cinsəllik sadəcə cinsi orqanların birləşməsi deyil. Tərəflər hər yaşda cinsəllik zamanı sevgi və güvən duyğularını paylaşmalıdır.

Qadının bədənini bəyənməmək

Qadınlar bədənlərinin necə göründüyünə çox əhəmiyyət verərlər. Buna görə sevdiyi insanın onun bədəni haqqında düşüncəsini çox önəmsəyirlər. Əgər kişi ona tərif deməsə, bəyəndiyini və arzuladığını qadına hiss etdirməsə, qadın özgüvənini itirər və kişidən soyuyar.

ŞƏRH YAZ
0

Bürclər — 22 NOYABR

Bürclər
00:25
Bu gün
162
Maraqlı
A
Ölkə.Az Milli.Az-a istinadən bu günün qoroskopunu təqdim edir:

Qoç - zəifliklərinizə müqavimət göstərin. Onlar çoxsaylı və müxtəlifdir, ancaq bunlara sinə gərmək üçün kifayət qədər gücünüz var. Unutmayın, bugünkü bütün hərəkətləriniz gec, ya da tez hər kəsə bəyan olacaq - odur ki, sonra utanacağınız bir addım atmayın. Sənədlərin hazırlanması, dövlət orqanlarının nümayəndələri ilə təmaslar üçün münasib gündür. Vacib məlumatı vaxtında alacaq və ondan lazımi qaydada istifadə edəcəksiniz. Unutmayın, şəxsi işlərinizdə tələskənlik və həddən artıq qətiyyət göstərməyiniz hər şey korlaya bilər, götür-qoy etməlisiniz.

Buğa - uzun müddət sizi irəliləməyə qoymayan emosional problemləri həll etməyin zamanı gəldi. Bu asan olmayacaq, ancaq səylərinizin nəticəsindən məmnun qalacaqsınız. İdmanla, fiziki işlə məşğul olmaq üçün münasib gündür - bu, həm kefinizi qaldırır, həm də pozitiv əhvala köklənməyə imkan yaradır. Ətrafınızdakılara qarşı gerçək marağınız yeni tanışlıqlar qurmağa imkan verir: münasibətlər o qədər sürətli inkişaf edir ki, bəzən hətta özünüzü də qorxudur. Ancaq perspektivlər heç də pis deyil.

Əkizlər - çox uğurlu gündür. Ancaq çox şey düşəcəyiniz mühitdən asılıdır. Hər şeyi qara tonlarda görməyə adət etmiş insanlardan kənar gəzin, onların təsiri altına düşə bilərsiniz. Nikbin adamlarla ünsiyyət isə kefinizi açacaq və bu əhval uzun müddət davam edəcək. Təşəbbüs göstərmək, istənilən xarakterli tədbirlərin təşkili üçün yaxşı gündür. Köhnə, lazımsız əşyalardan canınızı qurtarın: ətrafınızda yer açın, o zaman həyat sizə xoş sürpriz bəxş edəcək.  

Xərçəng - ünsiyyət üçün əla gündür, istənilən xarakterli görüş təyin edə bilərsiniz. İntuitiv olaraq özünüzü necə aparmağı, söhbət üçün hansı tonu seçməyi, insanı maraqlandırmaq üçün ona nə təqdim etməyi gözəl bilirsiniz. Bir çox Xərçənglər insanları idarəetmə bacarıqlarını kəşf edəcək və əvvəllər bu xüsusiyyətlərinin fərqinə varmadıqlarına təəccüblənəcəklər. Maliyyə baxımından çox uğurlu gündür. İşlərə düzgün tərəfdən yanaşmaqla gəlirlərinizi xeyli artıra bilərsiniz. Qısa səfərlər uğurlu, uzunmüddətlilər isə yorucu olacaq.

Şir - bu günün hadisələri bir çox Şirləri sevindirəcək. Yeni işə başlaya, iş yerinizi dəyişə, uzunmüddətli əməkdaşlıq barədə danışıqlar apara bilərsiniz. Qarşınızda açılan perspektivlər çox gözəldir: bütün imkanlardan yararlanmaq üçün azacıq cəsarət gərəkdir. Maraqlı görüşlər mümkündür. Yaradıcı potensialınız artır. Bu gün başqalarının sizdən gözlədiyi hərəkətləri etmir və yaxşı nəticələr qazanırsınız. Hər kəs sizə heyrandır. Özünüzlə qürrələnə bilərsiniz.

Qız - mürəkkəb məsələlərin həlli, birmənalı olmayan şəraitdən çıxış yolunun tapılması üçün münasib gündür. Bu gün ağlınıza gələn ideyalar həm təzəliyi, həm də gecikmədən reallaşdırıla bilmələri ilə diqqət çəkəcək. Vaxtınızı boşa verməyin, müsbət tendensiyaların təsiri hələ ki, güclüdür, dayanmayın, hərəkətə keçin. İşgüzar səfərlər uğurlu olacaq, çox mümkündür ki, belə səfərlər zamanı maraqlı, eyni zamanda romantik xarakterli tanışlıqlar olsun. Bu gün aşiq olmaq, həmçinin başqalarını özünüzə valeh etmək çox asandır.

Tərəzi - ətrafınızdakı vurnuxma və qarışıqlığa rəğmən sakitliyinizi qoruyub saxlayırsınız. Bu, diqqət və səliqə tələb olunan işlərdə müvəffəqiyyət qazanmağınıza imkan yaradır. Həmfikirlərinizlə aranızda fikir ayrılığı yarana bilər, ancaq haqlı olduğunuza dair sanballı dəlillər tapacaqsınız. Başqalarının günahı üzündən pozulmuş istənilən cür münasibətləri bərpa etməyin tam zamanıdır. Müdrik və təcrübəli insanların məsləhətlərini dinləyin. O zaman başqalarının səhvlərini təkrarlamazsınız.

Əqrəb - gün gözlənilməzliklərlə doludur. Bu, sizi çox sevindirəcək. Baş verən hadisələr həyata baxışınızı və planlarınızı dəyişməyə sizi vadar edəcək. Yeni başlayacağınız layihə qarşınızda yeni peşəkar perspektivlər açacaq. Romantik münasibətlərin inkişafını öz üzərinizə götürün: indi təşəbbüs göstərmək, əvvəllər cəsarət etmədiklərinizi etmək lazımdır. Risk etməkdən qorxmayın.

Oxatan -  diqqətinizi gördüyünüz işə yönəltsəniz, emosiyaları bir kənara qoyaraq ağlınıza güvənsəniz, gününüz əla keçəcək. Əhvalınız dəyişkən, arzularınız isə təzadlıdır. Zəifliklərinizə sinə gərin: qətiyyətiniz və məqsədyönlülüyünüzə görə peşman olmayacaqsınız. Səfərlər üçün münasib gündür, şərait dəyişikliyi faydalı olacaq. Yeni tanışlıqlar qura bilərsiniz, ancaq diqqətli olun: təəssüf ki, bu gün sizə can atanlar arasında layiqlilərin sayı çox azdır.

Oğlaq - həyatınızda dəyişikliklər istəyirsiniz? Nə durmusunuz, hərəkət edin! Təşəbbüs göstərmək, yeni layihələrə başlamaq zamanıdır. Heç bir çətinlik çəkmədən tərəfdaş tapır, nüfuzlu insanların dəstəyini qazanırsınız. Çoxdankı iş ortaqlarınız yenidən peyda olacaqlar, özü də əliboş gəlməyəcəklər, onlardan maraqlı iş təklifləri gözləyin. İdmanla, fiziki işlə məşğul olmaq üçün münasib gündür. Sağlamlaşdırıcı və kosmetik prosedurlar çox effektlidir. Həm özünüzə, həm də yaxın adamınıza geyim və zinət əşyası ala bilərsiniz, seçiminiz doğru olacaq.

Dolça - Çoxdan arzuladığınız bir işi həyata keçirə bilərsiniz, tərəddüd etməyin, uğur sizinlə olacaq. Şəraitin uğurlu istiqamətdə dəyişməsi çoxdankı bir ideyanızı reallaşdırmağınıza imkan verəcək. Yeni olan hər şeyə, öyrənilməyən və tədqiq olunmayanlara marağınız artır. Qeyd etmək lazımdır ki, bu gün bir çoxları dəqiq elmlərdənsə mistikaya, ezoterikaya maraq göstərirlər. Bu gün romantik münasibətlər başlayarsa, işiniz çətindir: sonrakı dövrdə anlaşılmazlıqlar, gizlinliklər sizi hövsələdən çıxara bilər. 

Balıqlar - xasiyyətinizin ən gözəl tərəflərini nümayiş etdirmək üçün əla gündür. Cəsarət, qətiyyət, fəhm həm qarşınıza qoyduğunuz məqsədə çatmağınıza, həm də biganə qala bilmədiyiniz bir insanı valeh etməyinizə imkan verəcək. Yaşlı qohumlarınızla münasibətlərinizi yaxşılaşdıra, çoxdankı münaqişələri həll edə bilərsiniz. Həyatınızda dəyişikliklər edə bilərsiniz. Yalnız bu zaman məqsədlərinizi və istəklərinizi dəqiqləşdirməlisiniz. Əks halda, davranışınız xaotik, nəticələri isə xoşagəlməz olacaq. 

ŞƏRH YAZ
0

Yaxşı yuxu üçün qəbul edilməli — QİDALARIN SİYAHISI

Yaxşı yuxu üçün qəbul edilməli
15:25
21.11.2017
1581
Maraqlı
A
Yuxusuzluq müasir insanın ən çox qarşılaşdığı problemlərdən biridir.

Bu məsələdə əsas günah payı stresin üzərinə düşür. Məhz stress insana dərin yuxuya dalmağa mane olur. Alimlər müəyyən ediblər ki, əgər düzgün qidalansaq, yuxusuzluq probleminin öhdəsindən gələ bilərik. 

"Ölkə.Az" bu gün yuxudan əvvəl qəbul etməli olduğumuz qidaların siyahısını təqdim edir.
"National Geographic  Food" jurnalı bildirir ki, yuxusuzluğa qarşı mübarizə aparmaq üçün ilk növbədə şirniyyat də yağlı qidaları, kofein və spirtli içkiləri azaltmalıyıq.

Hind quşu əti
Hind quşunun əti yağlı olsa da, tərkibində triptofanın miqdarı kifayət qədər yüksəkdir. Bu maddə daha tez və sakit yatmağa kömək edir. Bu yaxınlarda aparılan tədqiqatın nəticələri məlum edib ki, cəmi 85 qram hind quşu əti dərin yuxuya getməyi təmin edir. Təbii ki, söhbət gec yeyilən şam yeməyindən gedir. Hind quşu əti kiçik və buğda bişirilən olmalıdır. Təbii ki, xörək duzundan istifadə etməyin. Çünki duz susuzluğa səbəb olur və yuxunu pozur.

Banan

Bananın tərkibində maqniumun miqadrı çoxdur. "Jurnal of Research and Medical Scienes" jurnalının məlumatına əsasən, yuxusuzluğa qarşı effektiv mübarizə aparır. Amma bananın kalorili qida olduğunu unutmayın. Əgər şam yeməyi əvəzinə banan qəbul etməyə qərar vermisinizsə, bunu yuxudan 1.5-2 saat əvvəl edin.

Tünd şokolad
Alimlər tünd şokoladın insan əhvalına müsbət təsir etdiyini çoxdan aşkar ediblər. Bu səbəbdən yuxudan əvvəl tünd şokolad qəbul etmək yaxşı yuxu görməyə səbəb olur. Amma yuxu ilə bağlı ciddi probleminiz varsa, başqa üsullardan istifadə edin. Çünki kofein yuxunu pozur. Kofein isə təkcə qəhvənin yox, çayın, kolanın və şokoladın tərkibində var.

Kivi
Məlum olub ki, bu meyvə belə məsələlərdə diqqətdən kənarda qalıb. Tədqiqatlar zamanı məlum olub ki, yuxudan 1 saat əvvəl iki kivi yeyən insanlar digərlərinə nisbətən daha tez yuxuya gedirlər (faiz miqdarı 35).

Məsələ burasındadır ki, kivinin tərkibində antioksidant, karotinoid, C və E vitaminlərindən başqa serotonin var. Bu maddə xoşbəxtlik hormonu adı ilə də tanınır və yuxusuzluq riskini azaldır.

Kəsmik
Yuxudan əvvəl yeməkdən imtina etmək sadəcə faydasız yox, eyni zamanda artıq çəkidən qurtulmağa çalışanlar üçün ziyanlıdır. Boş mədə ilə yatağa uzanmaqdansa, bir az kəsmik yemək daha məsləhətlidir. Birincisi, kəsmiyin tərkibində kazein var. Bu maddə gecə aclığından xilas edir. İkincisi, tərkibinə triptofan maddəsi var. Bu maddə isə tez və yaxşı yuxuya getməyə şərait yaradır.


Hikmət Həsənov
Ölkə.Az

ŞƏRH YAZ
0
BAĞLA