KORONAVİRUSA YOLUXANLARIN SAYI - CANLI STATİSTİKA

...DƏHŞƏTLİ ETİRAF — "Məni meşədə zorlamaq istəyirdi"

...DƏHŞƏTLİ ETİRAF
21:58
22.08.2019
58397
Dünya
A
“Qafqaz əsiri” filminin baş qəhrəmanı Natalya Varley başına gələn hadisə barədə danışıb.

"Ölkə.Az" Rusiya mətbuatına istinadən xəbər verir ki,  bir dəfə onu  taksi ilə oğrulayaraq, dağlara aparıb zorlamaq istəyiblər:

"Bu, filmdən süjet deyil, həqiqətən başıma gələn hadisədir. Hər dəfə bu anı xatırlayarkən hələ də dəhşətli anlar yaşayıram. Bu, yuxu deyil, həyatda başıma gələn real hadisədir. Məni həqiqətən oğurladılar”.

Hadisənin Rusiyanın Kislovodsk şəhərində baş verdiyini qeyd edən aktrisa deyib ki, çəkilişdən gec çıxıb və hadisə də bundan sonra baş verib:

“Gec olduğundan dayanacaqda avtobus yox idi. Qarşıda polisin dayandığını görüb ona yaxınlaşdım və “Narzan” otelinə necə gedə biləcəyimi soruşdum. Post-patrul xidmətinin əməkdaşı dedi ki, elə də uzaq deyil. O yaxınlıqdakı taksi sürücüsünə "Valeriy xanımı apar da..." dedi. 

Taksi sürücüsü çox hörmət-izzətlə “Volqa”nın ön qapısını açaraq “Buyurun!” söylədi. Mən çox razı halda əyləşərək öz-özümə dedim ki, necə də nəzakətli insanlardır! Və taksi yerindən tərpəndi”.

Aktrisa deyib ki, yorğun olduğundan onu yuxu aparıb: “Bir də taksi dayananda ayıldım. Ətrafa baxıram, hər tərəf dağ, meşə. Mən öz çantamdan möhkəmcə yapışdım. Fikirləşdim ki, məndən pul tələb edəcək. Ancaq onun fikrinin başqa olduğunu gördüm.

O məni zorlamaq istəyirdi və mən də ona müqavimət göstərirdim. O dedi ki, onsuz da səni zorlayıb, öldürəcəyəm. Bu barədə heç kimin xəbəri də olmayacaq. O əlimdəki çantanı alıb içindəkilərə baxmağa başladı. Dedi ki, görüm möhkəmcə əlində tutduğun çantada nə var?  Orada mənim pasportum var idi və onu açıb baxdı: “Ax, mən axmaq Valeriy?! Aktrisa?! “Qafqaz əsiri”?! bunu deyib öz əli ilə özünü döyəcləyirdi. Necə oldu ki, mən səni tanımadım. Bağışla! Bağışla! Mən də qorxudan bir söz deyə bilmədiyimdəm ancaq başımı yellələyirdim. O məni otelə gətirdi. Özümə ancaq otel otağında gəldim. İstədim ki, polisə zəng edim. Ancaq bir az öncə baş verən hadisəni yadıma saldım. Dedim axı, məni taksiyə məgər polis əyləşdirmədimi? Düşündüm ki, taksi sürücüsü Valerinin polisdə yetərincə tanışı var və onlar ona aradan çıxmağa yardım edəcəklər. Fikirləşdim və fikrimdən vaz keçdim. Düşündüm ki, sağ qalmışam, yetər. Odur-budur tanımadığım taksiyə minmirəm”.

Ölkə.Az

ŞƏRH YAZ
0

İranın nüvə obyektinə hücumu İsrail təşkil edib

İranın nüvə obyektinə hücumu İsrail təşkil edib
19:45
06.07.2020
1114
Dünya
A
ABŞ mediası İranın nüvə obyektinə hücumu İsrailin təşkil etdiyi iddia edir.

 “Ölkə.Az” “The New York Times”ə istinadən xəbər verir ki, İsrail iyulun əvvəlində İranın İsfahan əyalətinin Netenz şəhərindəki  nüvə obyektinə genişmiqyaslı əməliyyat hazırlayıb. Nəticədə orada partlayış və yanğın baş verib. Bu barədə qəzetə etibarlı mənbə məlumat verib. Məlumatı eyni zamanda  kəşfiyyatının adını çəkilməyən  nümayəndəsi də təsdiqləyib.  Həmin şəxs bildirib ki, Netenzedə güclü partlayıcı qurğudan istifadə olunub. Baş verən partlayış Tehranın  nüvə proqramı inkişafını aylarla gecikdirəcək.

Qeyd edək ki, İranın nüvə obyektində partlayış iyulun 2-də baş verib. Həmin nüvə obyektində uran 4,5 faizədək zənginləşdirilir.

Ölkə.Az

ŞƏRH YAZ
0

Məşhur repçi ABŞ prezidenti olmaq istəyir

Məşhur repçi ABŞ prezidenti olmaq istəyir
09:28
06.07.2020
1830
Dünya
A
Amerikalı məşhur repçi Kanye Uest ABŞ prezidentliyinə namizədliyini irəli sürmək niyyətində olduğunu bəyan edib.

"Ölkə.Az" axsam.az-a istinadən xəbər verir ki, bu barədə repçi Tvitter səhifəsində yazıb.

Uest hansı partiyanın maraqlarını təmsil edəcəyini və hansı ildə seçkilərə qatılacağı haqqında isə məlumat verməyib. Ancaq repçi indiyə qədər hakim partiyaya və prezident Donald Trampa olan rəğbətini gizlətməyib.

Qeyd edək ki, bu il milyarder status qazanan Kanye bir neçə dəfə prezident olmaq istədiyini bildirmişdi.

Ölkə.Az

ŞƏRH YAZ
0
BAĞLA