Qalaktikada qapqara planetin görüntüləri yayıldı
Qalaktikada tapılan qara planetin video görüntüləri yayılıb.
“Ölkə.Az” xəbər verir ki, görüntülər dünya mediasında və sosial şəbəkələrdə böyük marağa səbəb olub.
Qeyd edək ki, Kanadadakı Makgil Universitetinin alimləri Günəş sisteminin xaricində işığı əks etdirməyən səthə malik "qara" planet aşkarladıqlarını açıqlayıblar. "WASP-12b" planet hələ 2008-ci ildən məlum idi. Bu planet "WASP-12" ulduzunun ətrafında dövr edir.
Alimlər ulduzun arxasına tam keçən planetin səthində əks olunan işıqların sayını ölçə biliblər. "Habll" teleskopundan əldə edilən fotoların analizi göstərib ki, tutulmadan əvvəl və sonra işıqlanma eyni olub. Bu isə o deməkdir ki, planet tamamilə qaradır. Onun səthi düşən işığın cəmi 1%-ini əks etdirir.
Hazırda alimlər planetin tərkibini öyrənməyə çalışırlar.
Ziya Səccad
Ölkə.Az
