“Qalatasaray” qapıçısız qaldı
“Qalatasaray”ın birdən-birə 3 futbolçusu zədələnib.
Ölkə.Az xəbər verir ki, işin ən pis tərəfi hər üç oyunçunun qapıçı olmasıdır.
Belə ki, Türkiyə kuboku çərçivəsində “Tuzlaspor”la matçda zədələnən Cenk Gönenin əməliyyat olunduğu məlum idisə, bu gün məşqdə əsas qapıçı Fernando Muslera da sıradan çıxıb.
Komandanın demək olar ki, ən vacib oyunçusu olan uruqvaylı qapıçının sol əlinin kiçik barmağı qırılıb.
Ancaq “sarı-qırmızılar”ın dərdi bununla bitmir. Günorta məşqi “cimbom” üçün növbəti bəd xəbərlə yadda qalıb. Üçüncü qapıçı Əray İşçan əzələsini dartıb.