Qalmaqallı uşaq nağılının müəllifi: \"İlyas Tapdıq və Vaqif Yusifliylə məsləhətləşmişdim\"

"Ölkə.Az"-ın məlumatına görə, xanım yazar sözügedən nağılı on beş il öncə qələmə aldığını deyib:

"Mənə çatan xəbərə görə yazdığım "İlanlı dərənin sirri" nağılım kimsə tərəfindən müzakirəyə qoyulub.  Nəzərinizə çatdırıram ki, nağılı 15 il bundan əvvəl yazmışam. Tarixi nağıl olduğuna görə və Türk xaqanlığından bəhs edildiyinə görə onu 10 il bundan əvvəl tanınmış professor Qara Namazovla, ondan sonra uşaq yazıçısı İlyas Tapdıqla və sonra da tanınmış tənqidçi Vaqif Yusifoğlu ilə məsləhətləşəndən sonra kitab şəklində çap etdirmişəm. 
Nağıl böyüklər üçün nəzərdə tutulub. Burda xainlik, şər-böhtan, yalan, fitnə var. Sonda isə bütün nağıllarda olduğu kimi şər məhv olur, xeyir qalib gəlir. 
Mən Təhsil Nazirliyi ilə əlaqə saxlamadım. Amma əminliklə deyə bilərəm ki, onlar heç vaxt böyüklər üçün yazılmış bir nağılı ibtidai siniflərə tövsiyə etməzlər.
Gəlin, hər ətrafa qara yayan, kədər səpən adamlara görə əhvalımızı pozmayaq. Yaxşısı budur ki, yaratdığım "Sehrli dünya" jurnalının Yutub səhifəsinə girək, orda 4 300 000 min uşaqla, böyüklə birgə sevinək!".

Xatırladaq ki, sözügedən nağılın məhz bu hissəsi tənqidlərə səbəb olmuşdu: "Oğlan yorğanı qaldırdı ki. altına girsin. Orada nə görsə, yaxşıdır. Analığı anadan necə doğulmuşdusa, eləcə çılpaq uzanmışdı onun yatağında. Özü də elə gözəldi, elə gözəldi, elə bil mələkdir".

Ölkə.Az