“Qanla qazanılmış müstəqillik: 20 Yanvar Bakı qətliamı” — İstanbulda konfrans

“Qanla qazanılmış müstəqillik: 20 Yanvar Bakı qətliamı”
11:41
20.01.2019
8929
Siyasət
A
Türkiyənin İstanbul Universitetində 20 Yanvar hadisələrinin 29-cu ildönümünə həsr olunmuş konfrans keçirilib.

“Ölkə.Az”xəbər verir ki, “Qanla qazanılmış müstəqillik: 20 Yanvar Bakı qətliamı” adlı konfrans İstanbul Universitetində Azərbaycan Mədəniyyət və Həmrəylik Birliyi və “Hazarfem” Azərbaycan-Türkiyə dostluq cəmiyyətinin birgə təşkilatçılığı ilə baş tutub.

Tədbirdə Azərbaycanın İstanbuldakı konsulluğunun nümayəndələri, siyasət, elm və mədəniyyət xadimləri, tələbələr iştirak ediblər.

Konfransda əvvəlcə hər iki qardaş ölkənin şəhidlərinin xatirələri bir dəqiqəlik sükutla yad edilib, dövlət himnləri səsləndirilib. Qanlı Yanvar faciəsindən bəhs edən videoçarx nümayiş etdirilib.

Azərbaycan Mədəniyyət və Həmrəylik Birliyinin başqanı Rəşid Həsən Mustafazadə çıxış edərək 20 Yanvar faciəsinin Azərbaycan tarixinin kədərli səhifəsi, eyni zamanda, qəhrəmanlıq dastanı olduğunu dilə gətirib.

“Hazarfem” Azərbaycan-Türkiyə dostluq cəmiyyətinin rəhbəri Nuran Acar, Qanlı Yanvar faciəsi şəhidlərinin əziz xatirəsinin türk xalqının qəlbində daim yaşayacağını bildirib.

Dünya Azərbaycanlılarını Əlaqələndirmə Şurasının üzvü, professor Aygün Attarın mövzu ilə əlaqədar məruzəsi dinlənilib. A.Attar çıxışında iştirakçıları 20 Yanvar faciəsinin səbəbləri və nəticələri barədə təfərrüatlı şəkildə bilgiləndirib. O qeyd edib ki, 20 Yanvar hadisəsi Azərbaycanın müstəqillik yolunda əsl dönüş nöqtəsi rolunu oynayıb. Tədbirdə A.Attarın müəllifi olduğu, erməni vəhşiliklərini ifşa edən "Erməniçilik müasir dövrün problemi kimi” kitabı haqqında məlumat verilib.

Daha sonra konfrans iştirakçılarını maraqlandıran suallar cavablandırılıb.

İstanbul Universitetində ilk dəfə olaraq fəaliyyətə başlayan birliyin əsas məqsədi azərbaycan kökənli gənclərə dəstək vermək və özlərini daha yaxşı ifadə etmələrinə yardımçı olmaq, yerli və xarici tələbələrə Azərbaycan mədəniyyəti, ədəbiyyatı və tarixini düzgün şəkildə tanıtmaq, “Bir millət, iki dövlət” şüarını əsas tutaraq qardaş ölkə gənclərinin əməkdaşlığını, qaynaşmasını təmin etməkdir.

Qeyd edək ki, İstanbul Universiteti Türkiyənin ən qədim universiteti olmaqla yanaşı, dünyanın ən yaxşı 500 universiteti siyahısına daxil olmuş (2006) ilk Türkiyə universitetidir və eyni zamanda Asiyanın ən yaxşı 100 universiteti sırasındadır. Universitet iki Nobel mükafatçısını yetişdirib.

Ölkə.Az

ŞƏRH YAZ
0

Zakir Həsənov Braziliyanın Azərbaycandakı yeni səfiri ilə görüşüb-

Zakir Həsənov Braziliyanın Azərbaycandakı yeni səfiri ilə görüşüb-
21:09
Bu gün
2994
Siyasət
A
Azərbaycanın müdafiə naziri, general-polkovnik Zakir Həsənov Braziliya Federativ Respublikasının ölkədə yeni təyin olunmuş fövqəladə və səlahiyyətli səfiri Manuel Adalberto Karlos Monteneqro Lopes da Kruz ilə görüşüb.

Müdafiə Nazirliyindən “Ölkə.Az” a verilən məlumata görə, tərəflər ölkələrimiz arasındakı münasibətlər, regional problemlər və bölgədəki hərbi-siyasi vəziyyət, eləcə də ikitərəfli hərbi əməkdaşlığın perspektivləri barədə fikir mübadiləsi aparıblar.

Ölkə.Az

ŞƏRH YAZ
0

Azərbaycanla Aİ arasında danışıqların növbəti raundu keçirilib

Azərbaycanla Aİ arasında danışıqların növbəti raundu keçirilib
20:42
Bu gün
1863
Siyasət
A
Azərbaycan və Avropa İttifaqı (Aİ) arasında strateji tərəfdaşlıq münasibətlərinin hüquqi əsasını təşkil edəcək yeni Saziş layihəsi üzrə danışıqların siyasi və təhlükəsizlik, eləcə də ticarət istiqamətləri üzrə davam etdirilməsi məqsədi ilə Avropa İttifaqının nümayəndə heyətləri ölkəmizə səfər edib.

Xarici İşlər Nazirliyindən “Ölkə.Az”a verilən məlumata görə, Aİ tərəfindən Saziş üzrə əsas danışıqçı, Avropa Xarici Fəaliyət Xidmətinin Şərqi Avropa və Mərkəzi Asiya üzrə icraçı direktorunun müavini Lyuk Dövinin rəhbərlik etdiyi nümayəndə heyəti ilə AR Xarici İşlər Nazirliyində siyasi və təhlükəsizlik məsələləri üzrə danışıqların növbəti raundu baş tutub.

Aİ nümayəndə heyəti, həmçinin xarici işlər naziri Elmar Məmmədyarov tərəfindən qəbul edilib.

Aİ-nin Ticarət üzrə Baş Direktorluğunun nümayəndəsi Petros Sourmelisin rəhbərlik etdiyi nümayəndə heyəti Azərbaycan tərəfi ilə Saziş layihəsinin ticarət sahəsi üzrə danışıqlarını bu ilin 15-20 fevral tarixlərində Bakıda davam etdirib.

Ölkə.Az

ŞƏRH YAZ
0
BAĞLA