Qanlı Yanvar gecəsi tarix daha bir dəhşətə şahidlik etdi

Qanlı Yanvar gecəsi tarix daha bir dəhşətə şahidlik etdi
13:07
20.01.2019
27130
Mədəniyyət
A
“Qanlı Yanvar hadisələri zamanı birinci kurs tələbəsi idim. Hadisələrdən əvvəl küçələrdə nümayişlər keçirilirdi, xalqımız azadlıq uğrunda mübarizə aparırdı. Mən də gənc olmağıma baxmayaraq, nümayişlərdə iştirak edirdim. 1990-cı il yanvarın 19-dan 20-nə keçən gecə tarix daha bir dəhşətə şahidlik etdi. Əsrlər boyu düşmənləri tərəfindən vəhşiliklərə məruz qalan xalqımız növbəti qətliamla üzləşdi. Həmin gecə Azərbaycan televiziyasının enerji bloku partladıldı, respublikada televiziya verilişləri dayandırıldı, sovet qoşunları fövqəladə vəziyyət elan edilməsindən xəbərsiz olan dinc əhaliyə amansız divan tutdu... Səhəri gün hər kəs o dəhşətli hadisədən xəbərdar oldu. Tələbə yoldaşlarımızdan bir neçəsi Qanlı Yanvar gecəsində şəhidlik zirvəsinə ucaldı. Lakin tökülən qanlar xalqımızı öz mübarizəsindən döndərmədi və müstəqilliyimizi əldə etdik. Biz bu gün yaşadığımız bu müstəqil dövlət üçün şəhidlərimizə borcluyuq”.

“Ölkə.Az” AZƏRTAC-a istinadən xəbər verir ki, bu sözləri yanvarın 20-də Şəhidlər xiyabanını ziyarətə gələn Gənc Tamaşaçılar Teatrının aktyoru, Əməkdar artist Nofəl Vəliyev deyib.

Aktyor yanvarın 20-nin həm kədərli, həm də şərəfli gün olduğunu bildirib və şəhidlərə Allahdan rəhmət diləyib.

Ölkə.Az

ŞƏRH YAZ
0

Məhərrəm Qurbanov sabah dəfn ediləcək

Məhərrəm Qurbanov sabah dəfn ediləcək
21:57
21.08.2019
3881
Mədəniyyət
A
Aktyor Məhərrəm Qurbanovla vida mərasimi avqustun 22-i saat 11:00-da "Təzə Pir" məscidində olacaq.

“Ölkə.Az” xəbər verir ki, bu barədə APA-ya aktyorun qızı Aytən Qurbanova məlumat verib.

Mərhum Yasamal qəbiristanlığında dəfn olunacaq.

Qeyd edək ki, avqustun 19-da beyin insultu diaqnozu ilə xəstəxanaya yerləşdirilən aktyor M.Qurbanov bu gün vəfat edib.

Xatırladaq ki, M.Qurbanov 1959-cü ildə Gəncədə anadan olub. Uzun müddət Azərbaycan Dövlət Akademik Musiqili Teatrda fəaliyyət göstərib. Geniş tamaşaçı kütləsi Məhərrəm Qurbanovu “İmtahan” serialının Eldarı kimi tanıyır. Aktyor “Qız Qalası”, “Ərazi” filmlərində də çəkilib.

Allah rəhmət eləsin.

Ölkə.Az

ŞƏRH YAZ
0

Tanınmış azərbaycanlı aktyor VƏFAT ETDİ — SON DƏQİQƏ

Tanınmış azərbaycanlı aktyor VƏFAT ETDİ
17:56
21.08.2019
5722
Mədəniyyət
A
Dövlət Musiqili Teatrının aktyoru Məhərrəm Qurbanov vafat edib.

 Bu barədə "Ölkə.Az"-a aktyorun dostu Elçin İmanov məlumat verib. Qeyd edək ki, Qurbanov 2 gün öncə insult keçirərək, komaya düşmüşdü.  Allah rəhmət eləsin!

Ölkə.Az

ŞƏRH YAZ
0
BAĞLA