Qanunsuz dərman alveri ilə məşğul olan iranlılar saxlanılıb

Qanunsuz dərman alveri ilə məşğul olan iranlılar saxlanılıb
13:07
16.05.2018
779
Hadisə
A
Bakı Ağır Cinayətlər Məhkəməsində qanunsuz dərman qaçaqmalçılığı ilə məşğul olan İran İslam Respublikasının vətəndaşları saxlanılıb.

“Ölkə.Az”ın xəbərinə görə, cinayət məcəlləsinin 206.3.2-ci maddəsi ilə təqsirləndirilən Ghahremani Hafez Habib və Jahani Hiveh Chi Hamid Mohammadin məhkəmə prosesi may ayının 18-də hakim Azər Paşayevin sədrliyi ilə keçiriləcək. 

Belə ki, mart ayında dərman vasitələrinin qanunsuz dövriyyəsi ilə məşğul olan İran vətəndaşlarının əməlləri ifşa edilib. Bu barədə Azərbaycan Baş Prokurorluğu məlumat yayıb.

Aparılmış ilkin istintaq-əməliyyat tədbirləri ilə İran İslam Respublikasının vətəndaşları Jahani Hiveh Chi Hamid və Ghahremani Hafez Habibin Bakı şəhərində yaşadıqları ünvanlar müəyyən edilərək onlara baxış keçirilərkən, bu qəbildən qanuna zidd əməlləri ifşa olunmuşdur.

Belə ki, Jahani Hiveh Chi Hamidin yaşadığı ünvanda keçirilmiş baxış zamanı üzərində “Canotix 50 units” sözləri yazılmış və satış qiyməti 80 manat təşkil edən 52 ədəd dərman preparatları, “Canotix 100 units” sözləri yazılmış və qiyməti 110 manat təşkil edən 66 ədəd dərman vasitələri və üzərində hər hansı etiket olmayan 196 ədəd olmaqla, ümumilikdə 314 ədəd şüşə konteynerdə qablaşdırılmış dərman vasitəsi, habelə həmin qablaşdırmaların üzərinə yerləşdirmək üçün üçün istifadə olunan yapışqan etiketlər və digər bu kimi dərman preparatları aşkar edilərək götürülüb.

İstintaq-əməliyyat tədbirləri ilə müəyyən edilmişdir ki, hər iki şəxs qeyd edilən dərman vasitələrini gömrük orqanlarına bəyan etmədən ölkə ərazisinə gətirmişlər.

Bundan başqa,  Jahani Hiveh Chi Hamid kuryer xidmətlərindən istifadə etdiyi qohumu-Bakı şəhər sakini Qədirov İlqar Variş oğlunun 99-KP-072 dövlət qeydiyyat nişanlı “Chevrolet Cruze” markalı avtomobilinə baxış keçirilərkən üzərində “Canotix 50 units” sözləri yazılmış 8 ədəd və “Canotix 100 units” sözləri yazılmış 7 ədəd dərman preparatları aşkar edilərək götürülüb.

Aparılmış istintaqla həmçinin müəyyən edilmişdir ki, İran İslam Respublikasının vətəndaşı Ghahremani Hafez Habib “Dərman Vasitələri haqqında” Azərbaycan Respublikası Qanununun 6.1-ci maddəsinin tələbinə əsasən, dərman vasitələrinin Azərbaycan Respublikasına idxalına, Azərbaycan Respublikası ərazisində istehsalına, satışına və istifadəsinə yalnız Səhiyyə Nazirliyi və ya onun səlahiyyət verdiyi qurum tərəfindən dövlət qeydiyyatına alındıqdan sonra yol verildiyi halda, qanunun həmin tələbini pozub.

O, Tehran-Bakı-Tehran marşrutu üzrə idarə etdiyi “Scania” markalı 86b666-10 qeydiyyat nişanlı sərnişin avtobusu ilə 21 fevral 2018-ci il tarixdə saat 11 radələrində İran İslam Respublikasından Azərbaycan Respublikasına Astara Gömrük keçid məntəqəsindən külli miqdarda malları-100 ədəd “Canotix 50 units” dərman preparatını sellofan torbaya bükərək avtobusun salonunda gizlədib gömrük nəzarətindən gizli keçirməklə qaçaqmalçılıq edib.

Qeyd edilən faktlarla Jahani Hiveh  Chi Hamid və Ghahremani Hafez Habib dərman vasitələrinin külli miqdarda qanunsuz dövriyyəsi ilə məşğul olmaqla və  Azərbaycan Respublikasının gömrük sərhədindən gömrük nəzarətindən kənar və ya ondan gizli, yaxud sənədlərdən və ya gömrük eyniləşdirilməsi vasitələrindən aldatma yolu ilə istifadə etməklə, yaxud bəyan etməməklə və ya düzgün bəyan etməməklə malların və digər əşyaların külli miqdarda keçmələrinə şübhələr üçün əsaslar müəyyən edildiyindən Cinayət Məcəlləsinin qeyd edilən maddələri ilə ittiham  elan olunub.

ŞƏRH YAZ
0

Bakı-Ələt yolunda maşın aşdı, bir ailənin 4 üzvü yaralandı

Bakı-Ələt yolunda maşın aşdı, bir ailənin 4 üzvü yaralandı
17:40
Bu gün
1203
Hadisə
A
Bu gün səhər Bakı-Ələt yolunda qəza baş verib.

“Ölkə.Az” Trend-ə istinadən xəbər verir ki, hadisə yolun Qaradağ rayon Səngəçal qəsəbəsi ərazisindən keçən hissəsində olub.

Bakı istiqamətində hərəkət edən “Mercedes” markalı avtomobilin sürücüsü idarəetməni itirərək yoldan çıxıb və maşın aşıb.

Qəza nəticəsində xəsarət alanlar Təcili tibbi yardım briqadasının köməyi ilə 1 saylı Kliniki Tibbi Mərkəzə yerləşdirilib.

Xəsarət alanlar bir ailənin üzvləridir. Onlardan üçü müayinə olunaraq evə buraxılıb, 1954-cü il təvəllüdlü Həsənova Rəvşəndə isə reanimasiya şöbəsinə yerləşdirilib. Vəziyyəti ortadır.

Xəsarət alanların hamısı Ağcabədi rayonunun sakinləridir.

Faktla bağlı araşdırma aparılır.

Ölkə.Az

 

ŞƏRH YAZ
1

Ağcabədidə qadın öz evindən qızılı oğurladı, sevgilisinə verdi

Ağcabədidə qadın öz evindən qızılı oğurladı, sevgilisinə verdi
16:38
Bu gün
1277
Hadisə
A
Qadın öz evindən qızılları götürərək tanışına verib. Sonra isə polisə məlumat verərək oğurlandığını bildirib.

“Ölkə.Az” Xəzər TV-yə istinadən xəbər verir ki, Ağcabədidə rayonunda polisə oğurluq hadisəsi barədə yalan məlumat verən gənc qadın saxlanılıb. Rayon sakini Könül Aslanova polisə müraciət edərək bildirib ki, ona məxsus evdən qızıl-zinət əşyaları oğurlanıb.

Polisin keçirdiyi əməliyyat istintaq tədbirləri nəticəsində məlum olub ki, 1500 manat dəyərində qızıl-zinət əşyalarını Könül Aslanova özü başqa bir şəxsə hədiyyə olaraq verib. Hadisəni ailə üzvlərindən gizlətmək üçün polisə yalan məlumat verib.

Faktla bağlı rayon polis şöbəsində araşdırmalar davam etdirilir.

Ağcabədidə digər ogurluq hadisəsi də olub.Rayon sakini Məhruzə Kazımova rayon polis şöbəsinə müraciət edərək bildirib ki, ona məxsus mənzildən 3 min manat dəyərində məişət əşyaları oğurlanıb.

Müəyyən edilib ki, oğurluq hadisəsi rayon sakinləri Roman Əsədov, Röyal Hüseynov və Əlimərdan İsmayılov tərəfindən törədilib.

İstintaq tədbirləri nəticəsində oğurlanan əşyaların bir hissəsi maddi sübut kimi götürülüb.

Faktla bağlı rayon polis şöbəsində araşdırma aparılır.

Ölkə.Az

 

ŞƏRH YAZ
0
BAĞLA