Qanunsuz ov edən 12 nəfər saxlanılıb

Qanunsuz ov edən 12 nəfər saxlanılıb
19:17
22.01.2018
3157
Ölkə
A
Polis orqanları tərəfindən qanunsuz ovun, mülki silahın daşınması qaydalarının pozulması hallarının qarşısının alınması, həmçinin qanunsuz saxlanılan silah-sursatın aşkar edilərək götürülməsi, eyni zamanda könüllü təhvil verilməsi məqsədilə uğurlu əməliyyat-axtarış və profilaktiki tədbirlər davam etdirilir.

Bu barədə "Ölkə.Az"a DİN-in mətbuat xidmətindən məlumat verilib.

Məlumata görə, Şəki və Ağsu rayonlarında keçirilən belə tədbirlər zamanı 4 nəfər saxlanılıb, onlardan 2 ədəd ov silahı götürülüb.

Belə ki, Şəki rayonunun Çeşməli kəndinin ərazisindəki “Qarasu” adlanan meşə zolağında qanunsuz ov edən Laçın rayon sakini Elman Rəhimov, Kəlbəcər rayon sakinləri Səfər Salmanov və qardaşı Coşqun polis əməkdaşları tərəfindən saxlanılıblar. C.Salmanovdan müvafiq sənədləri olmayan “İJ-16” markalı ov tüfəngi götürülüb.

Ağsu Rayon Polis Şöbəsinin əməkdaşları tərəfindən şəhər sakini Saməddin Kazımov Ülgüc kəndi ərazisində qanunsuz ov etdiyi üçün saxlanılıb. Ondan müvafiq sənədləri olmayan “TOZ” markalı ov tüfəngi götürülüb.

Saatlı RPŞ-nin əməkdaşları Dədə Qorqud kənd sakini Ramin Hacıyevdən “İJ-16” markalı ov tüfəngi və 11 ədəd patron, Sabirabad RPŞ-nin əməkdaşları rayon sakinləri Sabir Lətifovdan və Namus Niftiyevdən müvafiq sənədləri olmayan “TULA” və “İJ-58” markalı ov tüfəngləri götürülüb.

Zərdab rayonunun Çallı kənd sakini Eyvaz Osmanov müvafiq sənədləri olmayan “İJ-17” markalı ov tüfəngini könüllü olaraq Rayon Polis Şöbəsinə təhvil verib.

ŞƏRH YAZ
0

Bu yol nişanlarında dəyişiklik edilir — DİQQƏT!

Bu yol nişanlarında dəyişiklik edilir
20:15
Bu gün
450
Ölkə
A
Qanunsuz parklanmaya intelektual nəzarət sisteminin kameralarının fəaliyyət göstərdiyi küçə və prospektlərdə dayanma və durma qaydalarının pozulması hallarında azalmalar müşahidə edilməkdədir.

Bakı Nəqliyyat Agentliyindən "Ölkə.Az"a verilən məlumata görə, bir çox mərkəzi yollarda nəqliyyat axını normallaşıb, hərəkətin intensivliyi artıb.

Bunu nəzərə alaraq dayanma və durmanın qadağan olunan yerlərdə yenidən 3.27 nişanının tələbinin günün saatlarına və həftənin iş və qeyri-iş günlərinə uyğun qüvvədə olması, onun qüvvədə olduğu sahənin dəqiqləşdirilməsi, bəzi yerlərdə həmin nişanın durmanı qadağan edən 3.28 nişanı ilə əvəz edilməsi ilə bağlı məsələlər nəzərdən keçirilir.

Növbəti ayda təhlillərin nəticəsində məqsədəuyğun hesab edilən yerlərdə mövcud nişanlarda qanunvericiliyin tələbinə uyğun dəyişikliklər ediləcəkdir.

Ölkə.Az

ŞƏRH YAZ
0

Çaylarda suyun səviyyəsi artıb

Çaylarda suyun səviyyəsi artıb
19:17
Bu gün
1462
Ölkə
A
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 100-150, Kiçik Qafqazın çaylarında 40-90, Lənkəran-Astara bölgəsi çaylarında isə 90-130 faizini təşkil edir.

Departamentdən "Ölkə.Az"a bildiriblər ki, yanvarın 18-də Kür çayının Qıraqkəsəmən məntəqəsində suyun səviyyəsi 1 santimetr artıb. Hazırda məntəqədə su sərfi saniyədə 125 kubmetr olmaqla ongünlük normanın 78 faizini təşkil edir. 

Qanıx çayının Əyriçay məntəqəsində suyun səviyyəsində 3 santimetr artım müşahidə olunub. Hazırda məntəqədə su sərfi saniyədə 57 kubmetr təşkil etməklə ongünlük normanın 85 faizinə bərabərdir. 

Yanvarın 18-də Kür çayının aşağı axınında suyun səviyyəsində artım qeydə alınıb. Belə ki, suyun səviyyəsi Kür çayının Surra və Salyan məntəqələrində 6, Şirvan və Araz çayının Novruzlu məntəqələrində 4, Bankədə 8 santimetr artıb. 

Hazırda suyun səviyyəsi Surra məntəqəsində 434, Şirvanda 303, Salyanda 278, Bankədə 253, Araz çayının Novruzlu məntəqəsində isə 153 santimetrə bərabərdir. 

ŞƏRH YAZ
0
BAĞLA