Qanunsuz qida əlavəsini ölkəyə gətirən şəxs saxlanıldı
Hava Nəqliyyatında Baş Gömrük İdarəsinin əməkdaşları külli miqdarda qida əlavəsinin gömrük sərhədindən bəyan etmədən, qaçaqmalçılıq yolu ilə keçirilməsi cəhdinin qarşısını alıblar.
Dövlət Gömrük Komitəsinin mətbuat xidmətindən "Ölkə.Az"a bildirilib ki, bu fakt Urumçi-Bakı aviareysi ilə gələn Azərbaycan Respublikası vətəndaşının əl yükünə gömrük nəzarəti zamanı qeydə alınıb. Həmin baqajda invoysda göstərilməyən və gömrük orqanına bəyan edilməyən 18 min 322 ədəd qida əlavəsi aşkarlanıb.
Faktla bağlı araşdırma aparılır.
