KORONAVİRUSA YOLUXANLARIN SAYI - CANLI STATİSTİKA

Qara olduğuna görə efirə buraxmaq istəmirmişlər — Hacıbaba Hüseynovun 100 illiyi qeyd edildi - FOTOLAR

Qara olduğuna görə efirə buraxmaq istəmirmişlər
13:33
30.10.2019
10839
Mədəniyyət
A
Ötən gün unudulmaz muğam ustası, Xalq artisti Hacıbaba Hüseynovun 100 illik yubileyi keçirilib.

“Ölkə.Az” xəbər verir ki, bununla bağlı Müslüm Maqomayev adına Azərbaycan Dövlət Akademik Filarmoniyasında geniş konsert proqramı təşkil edilib.

Konsertin aparıcısı,  millət vəkili, akademik Rafael Hüseynov Hacıbaba Hüseynovun Azərbaycan muğamına verdiyi əvəzsiz töhvələrdən söz açıb, sənətkarın yazdığı qəzəlləri səciyyələndirib. Gecədə ustad sənətkar haqqında xoş xatirələr, onun musiqiləri, qəzəlləri səsləndirilib.

Məclisdə Azərbaycan mədəniyyətinin, siyasətinin ən görkəmli nümayəndələri çıxış edərək, onunla bağlı xatirələrini bölüşüb, unudulmaz sənətkarın muğam sənətimizdə öz dəst-xətti olduğunu vurğulayıblar.

Konserti Xalq artisti Möhlət Müslümovun bədii rəhbərliyi ilə Əhməd Bakıxanov adına Xalq Çalğı Alətləri Ansamblı  müşayiət edib.

Daha sonra söz bəstəkar Tofiq Bakıxanova verilib. O, atası Əhməd Bakıxanovun ilk dəfə Hacıbaba Hüseynovu efirə çıxarmağından söhbət açıb. 

“İlk dəfə atam Hacıbaba müəllimi efirə çıxarmaq üçün, televiziya şurasına təqdim edib. Elə ilk baxışdan şura bu xanəndəni efirə çıxara bilməyəcəyini söyləyib. Tofiq Baxıxanov bunun səbəbini soruşduqda xanəndənin rənginin qara olmasını bəhanə ediblər. Sözsüz ki, atam buna çox əsəbləşib. Lakin sonradan o, şuranı Hacıbaba Hüseynovun  səsinə qulaq asmağa razı sala bilib. Beləliklə, Hacıbaba ilk dəfə efirə çıxıb”.

Konsert proqramı gənc xanəndələr Mirələm Mirələmov və Kamilə Əliyevanın ifaları ilə davam edib.

Xalq atristi, xanəndə  Arif Babayev də öz növbəsində Hacıbaba Hüseynovla bağlı xatirələrindən söhbət açıb.

Daha sonra xalq artistləri Səkinə İsmayılova və Alim Qasımov, əməkdar artist Fərqanə Qasımova ifalarını təqdim ediblər.
 
Rafael Hüseynov ustad xanəndənin Alim Qasımova münasibətindən söhbət açıb.

“Hacıbaba Hüseynov üçün Alim Qasımovun bir başqa yeri vardı. Hər zaman mənimlə söhbətində o, bunu xüsusilə vurğulayardı. Ustad deyirdi ki, gördüyümüz bu dövrün xanəndələri bir yana, Alim mənim üçün bir başqadır. Heç kəs onun ifasını, etdiyi xırdalıqları təkrarlaya bilməz”.

Daha sonra ustad xanəndə haqqında söz millət vəkili Ziyad Səmədzadəyə verilib. O, xanəndənin 100 illik yubileyinin Azərbaycan xalqı üçün bayram olduğunu qeyd edib.

“Biz ölkə olaraq iqtisadi baxımdan güclü dövlət olsaq belə, əgər bizim xalq musiqimiz və müğamımız olmasaydı, bir dövlət kimi var ola bilməzdik. Bizi xalq musiqimiz Hacıbaba Hüseynov kimi xanəndələrimizi, musiqiçilərimiz yaşadır”,- deyə o, qeyd edib.

Rafael Hüseynov ustad xanəndənin tələbələrindən biri olan Əməkdar incəsənət xadimi, Milli Konservatoriyanın xanəndəlik kafedrasının baş müəllimi, xanəndə Aqil Məlikovu dəvət edib.

Gecənin aparıcısı ustad xanəndənin Aqil Məlikova həsr etdiyi şeiri səsləndirərək, onun tələbələrindən yalnız ona ithafən şeir yazdığını vurğulayıb.
Daha sonra Məlikov Hacıbaba  Hüseynovun repertuarından gözəl bir muğam ifa edib.

Bundan başqa gecədə, onun Cənubi Azərbaycandan olan tələbəsi Məbud, Xalq artisti Mələkxanım Eyyubova çıxış edib.

Konsertin sonunda  Hacıbaba Hüseynovun son tələbəsi olmuş Xalq artisti Zabit Nəbizadə çıxış edərək bildirib ki, sənətkardan bir il dərs almasına baxmayaraq, ondan çox şey öyrənib: “Baxmayaraq ki, ustad xanəndənin 1 il tələbəsi olmuşam, ancaq bu mənə 10 il kimi gəlib”,- deyə bildirib. Daha sonra Nəbizadə Hacıbaba Hüseynovun repertuarından gözəl bir muğamla konserti yekunlaşdırıb.

Qeyd edək ki, Prezident İlham Əliyev Hacıbaba Hüseynovun 100 illik yubileyinin qeyd edilməsi haqqında sərəncam imzalayıb.

Vüsalə Balayeva 
Ölkə.Az

ŞƏRH YAZ
0

Azərbaycanın məşhur əməkdar artisti VƏFAT ETDİ — FOTO- SON DƏQİQƏ

Azərbaycanın məşhur əməkdar artisti VƏFAT ETDİ
21:05
05.07.2020
6162
Mədəniyyət
A
Akademik Milli Dram Teatrının aktyoru, əməkdar artist Tofiq Hüseynov vəfat edib.

“Ölkə.Az” xəbər verir ki, bu barədə aktrisa Rada Nəsibova “Facebook” səhifəsində məlumat verib.

“Daha bir sənətkarımız dünyasını dəyişdi. Nə deyim, gözəl insan, söz tapa bilmirəm. Sizdən zərrə qədər incikliyimiz olmadı. Yeriniz hər zaman görünəcək. Çox heyif. Nur içində yatın”.

Qeyd edək ki, Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb.

Xatırladaq ki, Tofiq Hüseynov xərçəng xəstəliyindən əziyyət çəkirdi.

ŞƏRH YAZ
0

Əməkdar artistin bacısı — KORONAVİRUSA yoluxdu

Əməkdar artistin bacısı
21:33
03.07.2020
4261
Mədəniyyət
A
"Koronavirus bizim ailədən də yan keçmədi. Bacım virusa yoluxub, indi ev şəraitində müalicə alır".

"Ölkə.Az" xəbər verir ki, bunu Əməkdar artist Gülüstan Əliyeva deyib.

Müğənni bacısına görə narahat olduğunu bildirib: "Bacımın vəziyyəti əvvəl ağır idi, indi səhhəti düzəlib. Evdə müalicələrini davam etdirir. Neçə vaxtdır ki, başımız ona qarışıb. Mən özüm də qorunuram.

Tibbi maska taxıram, əlcək geyirəm. Spirt həmişə çantamda olur. Doğrudur, bacımın koronavirusa yoluxması əhvalımıza təsir edib.

Amma son günlər sağalma müşahidə edilir, bu səbəbdən tezliklə əvvəlki vəziyyətə qayıdacağına ümid edirik". //Showxeber.az

ŞƏRH YAZ
0
BAĞLA