Qara sarkofaq, ağ kəllə-İskəndəriyyədə nəhəng sərdabə
İskəndəriyyədə arxeoloqlar möhtəşəm kəşfə imza atıblar.
“Ölkə.Az” xəbər verir ki, arxeoloji qazıntılar zamanı qara mərmərdən hazırlanmış 30 tonluq sarkofaq tapılıb. Onun yanında isə nəhəng heykəlin alebastradan hazırlanmış kəlləsi olub.
İskəndəriyyədə yerli sakinlər çox vaxt evlərində qiymətli əşya tapmaq məqsədi ilə qazıntılar aparırlar. Çünki bir neçə metr dərinlikdə Makedoniyalı İskəndər tərəfindən salınmış qədim İskəndəriyyə şəhəri var. Bu şəhər Ptolemey dövründə Misirin mirvarisi sayılırdı.
Sarkofaqın ölçüləri də maraqlı olub. Uzunluğu 265 sm, hündürlüyü 185, eni isə 165 sm-dir.
5 metr dərinlikdən çıxarılan sarkofaq salamat qalıb. Hazırda alimlər onu açmağa və içindəkiləri tədqiq etməyə hazırlaşırlar.
Hikmət Həsənov
Ölkə.Az
