"Qarabağ" Aqolliyə əvəz tapdı — İDDİA

11:24
03.01.2018
4696
İdman
A
"Qarabağ" klubu Rumıniya milli komandasının və Buxarest "Dinamo"sunun futbolçusu Steliano Filipi transfer etməyə hazırlaşır.

"Ölkə.Az" Report-a istinadən xəbər verir ki, 24 yaşlı sol cinah oyunçusu Azərbaycan təmsilçisindən təklif alıb. "Dinamo"nun bu keçid üçün 400 min avro tələb etdiyi bildirilir. Danışıqlar müsbət yekunlaşsa, Filip tezliklə "Qarabağ"ın sıralarına qoşulacaq.

Müdafiəçi yayda Ukraynanın "Dinamo" komandasına keçməyə yaxın olub. Kiyev klubu 800 min avro təklif etsə də, Buxarest təmsilçisinin sahibi İonut Neqoita 1,5 milyon avro istəyib. Nəticədə danışıqlar pozulub. Bundan sonra Filipin aylıq maaşı 4,5 min avrodan 10 min avroya qaldırılıbş Hazırda o, 1000 avro çox maaş alan Adam Nemetsdən sonra komandanın ikinci ən ödənişli oyunçusudur. Son zamanlar çıxışında eniş müşahidə olunduğundan, Rumıniya klubu bu futbolçunu 400 min avroya da satmağa hazırdır. Filip eyni zamanda, Türkiyənin bir neçə komandasından və İtaliyanın ikinci dərəcəli klubundan təklif alıb. Lakin təkliflərin ən ciddisi elə "Qarabağ"dan gəlib.

Qeyd edək ki, Buxarest "Dinamo"su bir neçə gün əvvəl yarımmüdafiəçi Paul Antonu Rusiya "Anji"sinə 500 min avroya satıb. Steliano Filip indiyədək Rumıniya millisində 8 oyuna çıxıb. Hazırda "Qarabağ"da sol cinah müdafiəçisi mövqeyində Ansi Aqolli çıxış edir.

Ölkə.Az

ŞƏRH YAZ
0

İdmanla bağlı milli strategiya hazırlanacaq

İdmanla bağlı milli strategiya hazırlanacaq
20:45
Bu gün
78
İdman
A
Azərbaycanda kütləvi bədən tərbiyəsi və idmanın inkişafı üzrə milli strategiya hazırlanacaq.

"Ölkə.Az"ı məlumatına görə, bu, 2019-cu il dövlət büdcəsinin zərfində öz əksini tapıb.

Sənəd layihəsinə əsasən, bu məsələ 2019-2022-ci illər üzrə idman sahəsində dövlət siyasətinin əsas istiqamətlərindən biri kimi müəyyən edilib.

Digər prioritetlər uşaq, yeniyetmə və gənclər arasında bədən tərbiyəsi və idmanın geniş təbliği, təhsil alan yeniyetmə və gənclərin maraqları, yaşı və sağlamlıq səviyyələri nəzərə alınmaqla, bədən tərbiyəsi məşğələlərinin təşkili olacaq.

Bununla yanaşı, əhalinin bütün təbəqələrindən olan insanların fiziki inkişaf səviyyəsinin yüksəldilməsi üçün lazımi şəraitin yaradılması, idman sənayesinin yaradılması, idman sahəsində sponsorluq fəaliyyətinin stimullaşdırılması nəzərdə tutulur.

Ölkə.Az

ŞƏRH YAZ
0

"Qarabağ" klubuna texniki məğlubiyyət verildi

16:35
Bu gün
232
İdman
A
AFFA İntizam Komitəsi "Qarabağ" klubuna texniki məğlubiyyət verib.

"Ölkə.Az" Peşəkar Futbol Liqasının saytına istinadən xəbər verir ki, buna səbəb Ağdam komandasının Azərbaycan Premyer Liqasının VIII turunda evdə "Səbail"i 1:0 hesabı ilə məğlub etdiyi matç zamanı adı protokolda olmayan futbolçunu meydana buraxmasıdır. 

Abbas Hüseynovun adı matçın iştirak ərizəsində göstərilməsə də, baş məşqçi Qurban Qurbanov onu ikinci hissədə kapitan Rəşad Sadıqovun əvəzinə meydana buraxıb. Buna görə də görüşün nəticəsi ləğv olunub və kluba 0:3 hesablı texniki məğlubiyyət verilib. Kluba isə 8 min manat cərimə kəsilib.

Qeyd edək ki, görüş "Qarabağ"ın 1:0 hesablı qələbəsi ilə yekunlaşıb. AFFA İntizam Komitəsi Premyer Liqada daha öncə "Zirə"yə də texniki məğlubiyyət verib. Qurum həmçinin I Divizionda "Səbail-2"ni də texniki məğlubiyyətlət cəzalandırıb. 

ŞƏRH YAZ
0
BAĞLA