“Qarabağ” Avropa Liqasının beşqat qalibi ilə qarşılaşacaq

“Qarabağ” Avropa Liqasının beşqat qalibi ilə qarşılaşacaq
10:46
19.09.2019
1210
İdman
A
Futbol üzrə Azərbaycan çempionu “Qarabağ” bu gün növbəti avrokubok matçını keçirəcək.

"Ölkə.Az" xəbər verir ki, Ağdam klubu Avropa Liqasının qrup mərhələsində mübarizəyə başlayacaq.

A qrupunun I turu çərçivəsində "Qarabağ" klubu İspaniyanın “Sevilya” komandası ilə qarşılaşacaq.

Qeyd edək ki, indiyədək qrup mərhələsinə iki dəfə evdə başlayan Ağdam klubu beş il öncə “Sent-Etyenn”, üç il əvvəl “Slovan”la heç-heçə edib.

Avropa Liqası
Qrup mərhələsi

I tur
19 sentyabr
A qrupu
Baş hakim: Yevgeni Aranovski
Baş hakimin köməkçiləri: Semyon Şlonçak, İqor Alyoxin
Dördüncü hakim: Yaroslav Kozik (hamısı Ukrayna)
Hakim-inspektor: Elmir Pilav (Bosniya və Herseqovina)
UEFA nümayəndəsi: Boris Stankov (Bolqarıstan)
Bakı. Tofiq Bəhramov adına Respublika Stadionu
20:55. “Qarabağ” (Azərbaycan) – “Sevilya” (İspaniya). (baku.ws)

Ölkə.Az

ŞƏRH YAZ
0

Bu stadiona Ronaldonun adı veriləcək

Bu stadiona Ronaldonun adı veriləcək
04:51
Bu gün
892
İdman
A
“Yuventus”un və Portuqaliya millisinin hücumçusu Kriştiano Ronaldonun adı stadiona veriləcək.

“Ölkə.Az” matc.az-a istinadən xəbər verir ki, “Sportinq” (Lissabon) klubu stadionuna keçmiş futbolçusu Ronaldonun adını verməyi planlaşdırır.

Klubun prezidenti Federiko Varandas məsələylə bağlı danışaraq, bunları deyib:

“Ronaldonun adını klubumuzla, stadionumuzla əlaqələndirməkdən qürur duyarıq. Aşağı yaş komandalarının yerləşdiyi binanın divarlarında Ronaldoya aid bir çox məlumat, şəkil var. Stadiona da onun adını vermək bizi daha da qürurlandırar. O, bütün dövrlərin ən yaxşı portuqaliyalı futbolçusu və tarixin ən yaxşı idmançılarından biridir”.

Portuqaliya təmsilçisinin stadionun adını dəyişmək üçün Ronaldonun karyerasını bitirməsini gözlədiyi bildirilir.

“Sportinq”in yetirməsi olan və peşəkar karyerasına bu klubda başlayan Ronaldo, 2002-2003-cü illərdə bu komandanın şərəfini qoruyub.

Ölkə.Az

ŞƏRH YAZ
0

Marko Rossi Yurçeviçi mətbuat konfransında 10 dəqiqəyədək gözləyib

Marko Rossi Yurçeviçi mətbuat konfransında 10 dəqiqəyədək gözləyib
03:31
Bu gün
604
İdman
A
Macarıstan yığması ilə AVRO-2020-nin seçmə qrup matçından sonra Azərbaycan millisinin baş məşqçisi Nikola Yurçeviçin keçirdiyi mətbuat konfransı zamanı qeyri-adi olay baş verib.

“Ölkə.Az” report-a istinadən xəbər verir ki, yerli komandanın baş məşqçisi Marko Rossi xorvatiyalı həmkarını 10 dəqiqəyədək gözləməli olub.

O, konfrans zalına daxil olduğu vaxt Yurçeviç jurnalistlər qarşısında olub. Macarıstan millisinin nümayəndəsi UEFA-nın məsul rəsmisindən Yurçeviçin mətbuat konfransını tezliklə bitirməsini xahiş edib. O, Rossinin zalda gözlədiyini səbəb göstərib. Avropa futbol qurumunun nümayəndəsi isə tələsməməyi məsləhət görüb.

Rossi isə mətbuat konfransına italyanca başlasa da, sonradan azərbaycanlı jurnalistləri nəzərə alaraq, çıxışına ingiliscə davam edib.

Qeyd edək ki, matç Macarıstanın qələbəsi ilə yekunlaşıb - 1:0.

Uzatma dəqiqələrində Azərbaycan millisi təmiz qol vursa da, referi əllə oyuna işarə edərək, saymayıb.

Ölkə.Az

ŞƏRH YAZ
0
BAĞLA