“Qarabağ Azərbaycandır və nida işarəsi” devizi altında yürüş keçirilib

“Qarabağ Azərbaycandır və nida işarəsi” devizi altında yürüş keçirilib
17:44
09.11.2019
925
Siyasət
A
Müdafiə Nazirliyi və Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin birgə təşkilatçılığı ilə Dövlət Bayrağı Günü münasibətilə “Qarabağ Azərbaycandır və nida” devizi altında yürüş keçirilib.

Müdafiə Nazirliyindən "Ölkə.Az"a verilən məlumata görə, yürüşdə Müdafiə Nazirliyinin, Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin nümayəndələri, Qarabağ müharibəsi əlilləri və veteranları, həmçinin ictimaiyyət nümayəndələri də iştirak edib.

İştirakçılar Azərbaycan Respublikasının Prezidenti, Ali Baş Komandan cənab İlham Əliyevin "Valday" Beynəlxalq Diskussiya Klubunun XVI illik iclasının plenar sessiyasında çıxışı zamanı səsləndirdiyi "Qarabağ Azərbaycandır və nida işarəsi" fikrinə dəstək olaraq reallaşdırdıqları yürüş boyunca Bakıdan Tərtərə, Qazaxdan Gəncəyə, Biləsuvardan Beyləqana gedən avtomobil yollarının üzərində yerləşən şəhər və rayonlardakı şəhidlər xiyabanlarını ziyarət edib, həlak olmuş döyüş yoldaşlarının məzarlarını ziyarət edib, xatirələrini ehtiramla anıblar. Yolboyu Gəncə Qarnizonu İdeoloji və Mədəniyyət Mərkəzinin səyyar səsyazma avtomobili vasitəsilə Azərbaycan xalqının zəfər marşı səsləndirilib.

Sonda isə tədbir iştirakçıları düşmənlə təmas xəttində yerləşən “N” hərbi hissəsində xidmət edən hərbi qulluqçularla görüşüb və onları bayram günü münasibətilə təbrik ediblər.

ŞƏRH YAZ
0

Azərbaycan XİN Ukrayna xalqına başsağlığı verib

Azərbaycan XİN Ukrayna xalqına başsağlığı verib
16:30
Bu gün
282
Siyasət
A
Azərbaycan Xarici İşlər Nazirliyi Ukraynanın Odessa şəhər kollecində baş verən yanğın zamanı həyatını itirənlərin ailələrinə başsağlığı verib.

"Ölkə.Az" bildirir ki, Azərbaycan XİN bu barədə özünün “Twitter” səhifəsində məlumat yayıb:

“Dekabrın 5-də Odessa şəhər kollecində baş verən yanğınla əlaqədar Ukraynada milli matəm günü elan olunub. Biz yanğında həyatını itirənlərin ailələrinə və Ukrayna xalqına dərin hüznlə başsağlığı verir, yaralananların tezliklə sağalmasını diləyirik”.

ŞƏRH YAZ
0

11 ölkə nasizmi pisləyən birgə bəyanat yaydı — Aralarında Azərbaycan da var

11 ölkə nasizmi pisləyən birgə bəyanat yaydı
03:11
Bu gün
1261
Siyasət
A
Azərbaycan, Rusiya, Belarus, Ermənistan, Qazaxıstan, Özbəkistan, Qırğızıstan, Tacikistan, Türkmənistan, Moldova və Serbiya xarici işlər nazirləri İkinci Dünya müharibəsində Qələbənin 75 illiyi ilə bağlı birgə bəyanat imzalayıblar.

"Ölkə.Az" APA-ya istinadən xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Rusiya XİN rəsmi internet səhifəsində ATƏT  XİN başçıları Şurasının Bratislavada keçirilən 26-cı iclasında 11 ölkənin xarici işlər nazirləri tərəfindən qəbul olunan birgə bəyanatın mətni yerləşdirilib.

Bəyanatda İkinci Dünya müharibəsinin tarixdə on milyonlarla insanın həyatına son qoyan və bəşəriyyət üçün dəhşətli əzablara səbəb olan ən şiddətli və qanlı münaqişələrdən biri olduğu qeyd olunub. 

Bildirilib ki, nasizm üzərində qələbə xalqlarımızın sarsılmaz birliyi və həmrəyliyi, anti-Hitler koalisiyası ölkələrinin birgə mübarizəsi sayəsində mümkün olub. 

Bəyanatda ön və arxa cəbhələrdə misilsiz şücaət və cəsarət göstərərək sivilizasiyamızı məhv olmaqdan xilas edənlərin fədakarlığı xatırlanıb: “Bizim müqəddəs borcumuz tarixi həqiqəti qorumaqdır. Biz Qızıl Ordunun əsgər və sərkərdələrinin abidələrinin, Avropanın faşistlərdən azad edilməsi uğrunda canlarını vermiş insanların məzarlarına hörmətsizliyi təhqir hesab edirik. Bu cür xatirə obyektlərinə qarşı vandalizmə heç bir haqq qazandırmaq olmaz. Bütün ölkələri qəhrəmanların xatirəsinə ehtiram göstərməyə və hərbi məzarları yaxşı vəziyyətdə saxlamağa çağırırıq".

Bəyanatda həmçinin İkinci Dünya müharibəsinin nəticələrini saxtalaşdırmağa cəhdlər də qətiyyətlə pislənilib: "Bir sıra ölkələrin nasist cinayətkarlarının və onların silahdaşlarının reabilitasiyası və qəhrəmanlaşdırılması səylərindən narahatıq. Nürnberq Beynəlxalq Hərbi Tribunalının müddəti bitməyən qərarlarına ciddi riayət edilməsinin zəruriliyini hesab edirik. Etnik və dini nifrət əsasında olan cinayətlərə susmaq dünyanı yeni bir fəlakətə aparacaq”.

 “BMT Baş Assambleyasının 74-cü sessiyasında qəbul olunan "Nasizmin qəhrəmanlaşdırılması, irqçilik, irqi ayrı-seçkilik, ksenofobiya və onunla bağlı olan dözümsüzlüyün təşviqinə xidmət edən neonasizm və onun digər növlərinə qarşı mübarizə” adlı qətnamənin vacibliyini qeyd edirik" - deyə, birgə bəyanatda qeyd olunub.

Ölkə.Az

ŞƏRH YAZ
0
BAĞLA