"Qarabağ" "Çelsi"də oynamış qapıçı aldı — Mövsümün transferi

13:43
02.09.2019
3577
İdman
A
Avropada transfer pəncərəsinin bağlanmasının sonuncu günü "Qarabağ” yeni qapıçı alıb.

Qol.az-ın əldə etdiyi xəbərə görə, Ağdam klubu İngiltərə Premyer Liqa təmsilçisi "Bornmut”un qapıçısı Asmir Beqoviçi heyətinə cəlb edib. Bosniya millisinin 32 yaşlı qapıçısı ilə 1 illik icarə müqaviləsi imzalanıb.

Gün ərzində "Qarabağ” klubu rəsmi olaraq transferi açıqlayacaq.

Qeyd edək ki, Beqoviç İngiltərədə müxtəlif vaxtlarda "Çelsi”, "Stok Siti”, "Portsmut”, "Yovil Taun”, "İpsviç Taun”, həmçinin Belçikada "La Luvyer” komandalarında da oynayıb.

Şehiç niyə transfer edilmədi?

Qol.az-ın əldə etdiyi xəbərə görə, "Qarabağ” son ana qədər sabiq futbolçusu, Bosniya millisinin başqa qapıçısı İbrahim Şehiçi almaq istəyib. Məşqçilər heyəti hesab edib ki, Şehiçin komandaya uyğunlaşması çox zaman aparmayacaq. Futbolçu özü də yenidən Azərbaycanda oynamağa razılıq verib. Lakin onun hazırkı klubu "Ərzurumspor” (Türkiyə) yüksək təzminat tələb etdiyindən "Qarabağ” son anda ondan imtina edərək Asmir Beqoviçi almaq qərarı verib.

Ölkə.Az

ŞƏRH YAZ
0

Çempionlar Liqası 1:1-lərlə başladı

Çempionlar Liqası 1:1-lərlə başladı
00:24
Bu gün
165
İdman
A
UEFA Çempionlar Liqasının qrup mərhələsinə start verilib.

“Ölkə.Az” xəbər verir ki, günün ilk iki matçı 1:1-lik bərabərliklə başa çatıb.

20:55. "İnter" (İtaliya) - "Slaviya" (Çexiya) - 1:1

Qol: Olayinka, 64 (0:1), Barella, 90+3 (1:1)

20:55. "Lion" (Fransa) - "Zenit" (Rusiya) - 1:1

Qollar: Azmun, 41 (0:1), Depay, 50-pen. (1:1)

Ölkə.Az

ŞƏRH YAZ
0

"Qarabağ" öz futbolçusunun qardaşını da — TRANSFER ETDİ

16:10
17.09.2019
549
İdman
A
“Qarabağ” daha bir futbolçunu transfer edib.

"Ölkə.Az" oxu.az-a istinadən xəbər verir ki, bu, əsas komandanın ispaniyalı futbolçusu Xayme Romeronun özündən altı yaş kiçik qardaşı Daniel Romerodur.

Daniel Romero sərbəst futbolçu kimi transfer edilib və Ağdam klubunun əvəzedici komandası üçün sifariş edilib. Artıq o, üç gün əvvəl əvəzedici komandaların da mübarizə apardığı “Qarabağ”ın səfərdə “Zirə”ni 7:1 darmadağın etdiyi oyunda ehtiyat oyunçular skamyasında olub. Lakin baş məşqçi Azər Məmmədov ispan legionerin xidmətinə ehtiyac duymayıb.

23 yaşlı futbolçunun üç gün sonra Bakı Olimpiya Stadionunun ehtiyat meydançasında “Qarabağ” və “Səbail”in əvəzedici komandaları arasında keçiriləcək I divizion qarşılaşmasında debüt edəcəyi gözlənilir.

Ölkə.Az

ŞƏRH YAZ
0
BAĞLA