"Qarabağ" "Çelsi"yə böyük hesabla uduzdu — YENİLƏNİB

00:36
13.09.2017
641
İdman
A
Bu gün UEFA Çempionlar Liqasında qrup mərhələsinə start verilib

Ölkə.Az xəbər verir ki, Azərbaycan futbolu tarixində ilk dəfə qitənin ən mötəbər klub turnirinin qrup mərhələsinə yüksələn “Qarabağ” da debüt oyununa çıxıb. Klubumuz səfərdə "Çelsi" klubunun qonağı olub. "Qarabağ" "Çelsi"dən 6 cavabsız top buraxıb.

12 sentyabr

UEFA Çempionlar Liqası

Qrup mərhələsi, I tur

22:45. “Çelsi” (İngiltərə) - “Qarabağ” (Azərbaycan) 6-0

Qol: Pedro, 5, Zappakosta, 30, Aspilikueta, 55, Bakayoko, 71, Batşuay, 76, 82
Baş hakim: Anastasios Sidiropoulos 
Yan xətt hakimləri: Polixronis Kostaras, Lazaros Dimitriadis
Əlavə yardımçı hakimlər: Xaralambos Kalogeropoulos, Alexandros Aretopoulos 
Dördüncü hakim: Damianos Efthimiadis (Hamısı Yunanıstan)
London. “Stemford Bric”

22.45. "Roma" (İtaliya) - "Atletiko" - (İspaniya)

ŞƏRH YAZ
0

AFFA baş məşqçini cəzalandırıb

AFFA baş məşqçini cəzalandırıb
14:35
Bu gün
32
İdman
A
AFFA İntizam Komitəsinin növbəti iclası keçirilib.

"Ölkə.Az" xəbər verir ki, iclasda Azərbaycan Premyer Liqasının XVI turunun “Qəbələ” – “Zirə” matçında baş verənlər geniş müzakirə olunub. Komitə oyunun video yazısını izlədikdən sonra “Zirə”ni 5 futbolçusunun sarı vərəqə ilə cəzalanması səbəbindən 800 manat cərimələnib, baş məşqçi Ayxan Abbasov stadionun dəhlizində təhqiredici ifadələr işlətdiyi üçün 5 oyunluq cəzalanıb, klub 4000 manat ziyana düşüb. Baş məşqçiyə verilmiş 5 oyunluq cəzanın 3 oyunu şərti tətbiq edilib və 6 ay sınaq müddəti verilib. Sınaq müddəti ərzində o, yenidən cəzalanacağı təqdirdə sanksiyanın növbəti hissəsi qüvvəyə minəcək.

“Qəbələ”nin futbolçuları Qismət Alıyev və Cavid Hüseynov, “Zirə”nin legionerləri Riçard Qadze və Sadio Tounkara aqressiv hərəkətlərə yol vermələri səbəbindən 2 oyunluq cəzalanıb, hər iki klub 3200 manat cərimə olunub. 

“Qəbələ” klubu təhlükəsizliyi və ictimai asayişi tam təmin etmədiyinə görə 4000 manat cərimələnib. Bu hal yenidən təkrarlanacağı təqdirdə klub daha ağır cəzalanacaq.

Komandanın məşqçisi Sənan Qurbanov texniki zona qaydalarını pozduğuna görə 1 oyun cəzalanıb, klub 800 manat cərimələnib.

ŞƏRH YAZ
0

“Allaha sığınıram və Qurani-Kərim oxuyuram” — Ulduz futbolçudan maraqlı açıqlamalar

“Allaha sığınıram və Qurani-Kərim oxuyuram”
00:42
20.02.2018
2843
İdman
A
İngiltərənin Liverpul klubunun seneqallı ulduzu Sadio Mane uşaqkən yaşadığı çətinliklər və futbolda yaşadığı anlar haqqında Liverpul televiziyasına müsahibə verib.

“Ölkə.Az” xəbər verir ki, sürəti və texnikası ilə seçilən ulduz futbolçu bildirib ki, uşaq yaşlarından çox sürətli olub.

“Özümü tanıyandan sürətliyəm. Sürətim üçün əlavə olaraq məşq etməmişəm. Bu, Allahın mənə bəxş etdiyi istedaddır. Sürətli olduğum üçün məni məktəbdə də tez-tez yarışlara göndərirdilər. Davamlı olaraq qaçırdım. Uzun məsafələrə də qaça bilirəm”, - deyə Mane qeyd edib.

Hücumçu həyatı ilə bağlı da danışıb: “Çətin anlarımda həmişə Allaha sığınmışam və Qurani-Kərim oxumuşam. Din mənim üçün çox önəmlidir. İslamın bütün vacib şərtlərinə əməl edirəm və gündə 5 vaxt namaz qılıram. Orqanizmimi tanıyıram, nələrin mənə xeyir verəcəyini bilirəm. Xüsusi aşpazım var və xoşladığım yeməkləri bişirir. Təbii qidalarla qidalanmağa üstünlük verirəm. Ömrümdə heç vaxt alkoqollu içki içməmişəm. Siqaret də çəkməmişəm”.

Ölkə.Az

ŞƏRH YAZ
0
BAĞLA