"Qarabağ" Çempionlar Liqasında mübarizəyə başlayır

08:48
11.07.2018
6991
İdman
A
Bu gün "Qarabağ" klubu Çempionlar Liqasının I təsnifat mərhələsində mübarizəyə başlayacaq.

"Ölkə.Az" Report-a istinadən xəbər verir ki, Qurban Qurbanovun baş məşqçi olduğu kollektiv səfərdə Sloveniyanın "Olimpiya" komandası ilə üz-üzə gələcək.

Lyublyanadakı "Stojitse" stadionunda keçiriləcək qarşılaşmaya Lourens Visserin rəhbərlik etdiyi belçikalı hakimlər briqadası təyinat alıb.

"Qarabağ" Çempionlar Liqasının formatı dəyişdiyinə görə, ilk dəfə I təsnifat mərhələsində çıxış edəcək. Ardıcıl 5-ci dəfə qitənin ən nüfuzlu klub turnirində iştirak edən Ağdam klubu ilk sədləri uğurla keçə bilib.

Yay fasiləsində 11 futbolçu ilə vidalaşan "Qarabağ" heyətini 6 yeni oyunçu ilə gücləndirib. İbrahim Şehiç və Anton Kanibolotski ilə yollarını ayıran komanda 2 yeni qapıçı transfer edib. Son ölkə çempionu Tor Hannes Haldorsson və Vaqner Da Silvanı heyətinə qatıb.

Ağdam klubu həmçinin müdafiəçi Rahil Məmmədov, yarımmüdafiəçilər Abdullah Zubir, Simoen Slavçev və Filip Ozobiçi komandaya cəlb edib.

Bu qarşılaşma "Olimpiya"nın baş məşqçisi İliya Stolitsanın ilk rəsmi oyunu olacaq. 39 yaşlı mütəxəssis iyundan komandaya rəhbərlik edir.

Lyublyana təmsilçisi heyətinə 4 yeni oyunçu cəlb edib. Komanda Marko Putintsa, Andriya Kaluceroviç, Haris Kadriç və Matiç Çrniçinin transferlərini reallaşdırıb. Əvəzində Rok Vodişek, Mitç Apau, Rikardo Alveslə yollarını ayıran klub Dario Kanadio və Ceyson Devidsonu Xorvatiya "Riyeka"sına icarəyə verib.

Çempionlar Liqası, I təsnifat mərhələsi

22:00 "Olimpiya" (Sloveniya) - "Qarabağ" (AZƏRBAYCAN)

Hakimlər: Lourens Visser, Karel De Rokker, Jo de Veirdt, Bram Van Dressxe (hamısı Belçika)

Lyublyana, "Stojitse" stadionu.

ŞƏRH YAZ
0

İdman gimnastlarımız Dünya Kubokunda çıxış ediblər

İdman gimnastlarımız Dünya Kubokunda çıxış ediblər
11:52
Bu gün
104
İdman
A
Dohada (Qətər) idman gimnastikası üzrə Dünya Kuboku keçirilib.

Azərbaycan Gimnastika Federasiyasından "Ölkə.Az"a verilən məlumata görə, Tokio Olimpiya Oyunlarına təsnifat xarakterli ilin sonuncu kubokunda Azərbaycanın qadın və kişi təmsilçiləri də mübarizə aparıblar.

Gimnastlarımızdan ən yaxşı nəticə isə qadın idmançımız Marina Nekrasovaya aid olub. Belə ki, dayaqlı tullanma hərəkətlərində Marina 6-cı yerdən finala vəsiqə qazanıb. Yekun mərhələdə isə hakimlərdən 13.216 xal alan gimnastımız, yarışları 8-cı yerdə başa vurub.

Ölkə.Az

ŞƏRH YAZ
0

"Neftçi"nin çempion olacağına dair mənə heç nə deyilməyib" — Qurban Qurbanov

21:14
24.03.2019
776
İdman
A
"Bizim üçün önəmli matç idi. Hazırda yığmaların oyunları keçirildiyi üçün düşərgədə əsas heyətdən cəmi 10 futbolçumuz var. Yoxlama görüşü olsa da, oyunçular məsuliyyətli idilər. Hər iki komanda üçün faydalı oldu".

"Ölkə.Az" bildirir ki, bunu "Qarabağ"ın baş məşqçisi Qurban Qurbanov "Zirə"ni 2:1 hesabı ilə məğlub etdikləri oyundan sonra söyləyib.

 Yakub Jezniçakın zədəsi ciddidir?

- Deyilənə görə, çox ciddi deyil. Sabah baxılandan sonra bəlli olacaq. Yəqin 3-5 gün kənarda qalacaq.

Milli komandanın AVRO-2020-nin seçmə mərhələsində Xorvatiyaya səfərdə 1:2 hesabı ilə uduzduğu matç barədə nə deyə bilərsiniz?

- Normal oyun oldu. İlk matçda futbolçuların istəkli olduqları hiss edilirdi. Çətin oyun olsa da, layiqli mübarizə apardılar.

Heyət seçimi və ya taktiki baxımdan sizin üçün gözlənilməz nəsə oldu?

- Hər hansı fikir söyləməyim düzgün olmaz. Təcrübəli məşqçidir, ən doğrusun etməyə çalışıb.

Yığmaya rəhbərlik etdiyiniz vaxt Maksim Medvedevdən mərkəz müdafiəçisi qismində yararlanırdınız. Ancaq xələfiniz Nikola Yurçeviç onu sağ cinahda saxlayıb, mərkəzdə gənc Rahil Məmmədova şans verdi...

- Rahil mənim dönəmimdə də mərkəz müdafiəçisi kimi oynamışdı. "Qarabağ"da həmin mövqedə çıxış edir.

Milli bu oyunla Avropa çempionatına vəsiqə qazana bilər?

- Yenə deyirəm, fikir bildirməyim düzgün olmaz. Çox istəkli idilər. Milliyə uğurlar arzulayıram.

Peşəkar Futbol Liqasının prezidenti Ramin Musayev deyib ki, cari mövsümdə "Neftçi" Azərbaycan çempionu olacaq. Bu barədə nə deyə bilərsiniz?

- Mənə heç nə deyilməyib. Belə bir fikir oxumamışam.

Növbəti turda "Sumqayıt"la qarşılaşacaqsınız. Rəqib uzun müddətdir qələbə qazana bilmir...

- Çətin olacaq. Çünki rəqib qalib gəlməyə çalışacaq. Yəqin ki, fasilədən maksimum yararlanmağa çalışıblar. Bizim üçün asan olmayacaq.

Ölkə.Az

ŞƏRH YAZ
0
BAĞLA