“Qarabağ erməniləri Azərbaycan pasportlarını hələ də saxlayırlar” — Bayram Səfərovdan ŞOK AÇIQLAMA

“Qarabağ erməniləri Azərbaycan pasportlarını hələ də saxlayırlar”
11:14
14.03.2018
5904
Siyasət
A
“Qarabağda yaşayan ermənilərin hamısı Azərbaycan pasportlarını hələ də özlərində saxlayıblar. Çünki onlar Azərbaycan vətəndaşları olduqlarını yaxşı bilirlər. Azərbaycan öz torpaqlarını işğaldan azad edəndən sonra həmin ermənilər gizlətdikləri pasportları ilə qaça-qaça gəlib üzr istəyəcəklər”.

Bu fikirləri “Ölkə.Az”a açıqlamasında Şuşa Rayon İcra Hakimiyyətinin başçısı, “Dağlıq Qarabağın Azərbaycanlı İcması” İctimai Birliyinin sədri Bayram Səfərov bildirib.

B.Səfərov deyib ki, hazırda Qarabağda yaşayan ermənilərin hamısı Azərbaycan vətəndaşlarıdır:
“Onları biz çıxartmadıqca, Azərbaycan vətəndaşlığından çıxmayıblar. İnanın ki, onların əksəriyyəti hələ də köhnə Azərbaycan pasportlarını gizlədib saxlayırlar. Yəqin ki, zamanı gələndə ermənilər həmin pasportları gətirib Azərbaycan tərəfinə göstərəcəklər. Deyəcəklər ki, baxın, biz Azərbaycan vətəndaşlarıyıq, sadəcə olaraq Ermənistan hakimiyyəti bizə imkan vermirdi və sairə. 

Hər kəs də bilir ki, Qarabağda yaşayan ermənilər Azərbaycan vətəndaşlarıdır. Ötən əsrin 90-cı illərinin əvvəllərinə qədər həmin ermənilər Azərbaycan pasportları daşıyırdı. İndi də daşıyırlar, sadəcə olaraq Ermənistan hakimiyyətindən qorxduqları üşün həmin pasportları gizlədib saxlayıblar. Əmin olun ki, zamanı gələndə ermənilər həmin pasportları gizlətdikləri yerlərdən çıxarıb çox fəxrlə gətirib bizə göstərəcəklər. Deyəcəklər ki, biz də Azərbaycan vətəndaşlarıyıq”.

Ermənistanda yeni prezidentin seçilməsinə də toxunan B.Səfərov Armen Sarkisyanın formal prezident olduğunu söyləyib:
“Əslində Armen Sarkisyanın böyük səlahiyyətləri yoxdur. Ermənistanda hakimiyyəti idarə edənlər yenə də quldur və işğalçı Serj Sarkisyan və onun cinayətkar komandasıdır. Armen Sarkisyanı da formal olaraq gətirib prezident seçiblər. Məqsəd də Ermənistanın “demokratik” görünməsidir. Ancaq bütün dünya bilir ki, Ermənistanda demokratiyadan söz açmağa dəyməz. Hakimiyyəti idarə edənlər quldur və işğalçı rejimdir”.

Vasif Həsənli
Ölkə.Az

ŞƏRH YAZ
0

Məmmədyarov Paraqvay səfəri çərçivəsində görüşlər keçirib

Məmmədyarov Paraqvay səfəri çərçivəsində görüşlər keçirib
11:20
Bu gün
184
Siyasət
A
Xarici işlər naziri Elmar Məmmədyarov Paraqvay Respublikasına ilk rəsmi səfəri çərçivəsində Paraqvayın Xarici işlər naziri Luis Alberto Kastiqlioni ilə görüşüb.

"Xarici İşlər Nazirliyindən "Ölkə.Az"a verilən məlumata görə, görüşdə Azərbaycan və Paraqvay arasında siyasi münasibətlərin hazırkı səviyyəsindən məmnunluq ifadə olunaraq, siyasi dialoqun möhkəmləndirilməsi mexanizmlərinə dair müzakirələr aparılıb. Həmçinin kənd təsərrüfatı, nəqliyyat, sərmayələrin qoyuluşu, təhsil və digər sahələrdə əməkdaşlıq imkanlarına dair fikir mübadiləsi aparılaraq, gələcəkdə bu istiqamətlərdə əməkdaşlığın inkişaf etdirilməsi üçün hüquq-müqavilə bazasının yaradılması barəsində razılığa gəlinib, eləcə də iqtisadi əlaqələrin genişləndirilməsi məqsədilə Azərbaycan-Paraqvay Ticarət Palatasının təsis edilməsinə dair ortaq niyyət ifadə olunub.

Paraqvaylı nazir iki ölkə arasında məsafə uzaqlığına baxmayaraq, artıq yüksək səviyyədə əməkdaşlığın mövcud olduğunu, Azərbaycan xarici işlər nazirinin Paraqvaya ilk rəsmi səfərinin ikitərəfli münasibətlərin daha da irəlilədilməsinə təkan verəcəyini qeyd edib.

Elmar Məmmədyarov Azərbaycan hökuməti tərəfindən iqtisadi-sosial sahədə həyata keçirlmiş islahatlar, Azərbaycanın təşəbbüsü və iştirakı ilə uğurla reallaşdırılan genişmiqyaslı enerji və infrastruktur layihələri barəsində danışıb. Bu xüsusda, Nazir Məmmədyarov ümumilikdə Cənubi Qafqaz regionunda inteqrasiya proseslərinə başlıca əngəl olan, regionun təhlükəsizliyi üçün ciddi təhdid olan Ermənistan-Azərbaycan Dağlıq Qarabağ münaqişəsi və münaqişənin həlli üzrə danışıqlar prosesinin cari vəziyyəti haqqında məlumat verərək, münaqişənin BMT Təhlükəsizlik Şurasının məlum qətnamələrinə uyğun olaraq Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı prinsipləri əsasında həll edilməli olduğunu və məcburi köçkünlərin öz doğma yurdlarına qayıtmasının labüd olduğunu diqqətə çatdırıb. Elmar Məmmədyarov Paraqvay Milli Konqresinin Deputatlar Palatası tərəfindən Xocalıda törədilmiş soyqırımının pislənməsinə dair bəyanatın qəbulunun yüksək qiymətləndirildiyini vurğulayıb.

Azərbaycan və Paraqvayın çoxtərəfli platformada uğurla əməkdaşlıq etdiyini bildirən Nazir Elmar Məmmədyarov Azərbaycanın Qoşulmama Hərəkatına sədrliyi çərçivəsində cari ilin oktyabr ayında hərəkatın Bakıda Zirvə Toplantısının keçiriləcəyini və Paraqvay tərəfinin bu əhəmiyyətli tədbirdə yüksək səviyyədə təmsil olunacağına ümidvar olduğunu bildirib.

Daha sonra Elmar Məmmədyarov paraqvaylı həmkarını Azərbaycana rəsmi səfərə dəvət edib. Dəvəti məmnuniyyətlə qəbul etdiyini bildirən Nazir Kastiqlioni bu dəvəti dəyərləndirəcəyini diqqətə çatdırıb.

Sonda “Paraqvay Respublikası Hökuməti ilə Azərbaycan Respublikası Hökuməti arasında diplomatik, rəsmi və ya xidməti pasportlara malik şəxslər üçün viza tələbinin qarşılıqlı olaraq aradan qaldırılması haqqında” saziş imzalanıb.

Səfər çərçivəsində Nazir Elmar Məmmədyarov, həmçinin Paraqvay Milli Konqresinin Senatı və Deputatlar Palatasının Xarici Əlaqələr Komitəsinin sədrləri Viktor Qonsales və Volter Harms ilə görüşüb. Görüş zamanı ikitərəfli münasibətlərin inkişafında parlamentlərarası əlaqələrin gücləndirilməsinin vacibliyi vurğulanıb və hər iki ölkənin qanunverici orqanlarının qarşılıqlı səfərlərinin təşkilinin faydalı ola biləcəyi qeyd olunub.

Ölkə.Az

ŞƏRH YAZ
0

İlham Əliyev yunanıstanlı həmkarını təbrik edib

İlham Əliyev yunanıstanlı həmkarını təbrik edib
11:08
Bu gün
159
Siyasət
A
Azərbaycan Prezidenti İlham Əliyev Yunanıstan Prezidenti Prokopis Pavlopulosa təbrik məktubu göndərib.

“Ölkə.Az”ın məlumatına görə, məktubda deyilir:

"Ölkənizin milli bayramı – Müstəqillik Günü münasibətilə Sizi və bütün xalqınızı öz adımdan və Azərbaycan xalqı adından səmimi qəlbdən təbrik edirəm.

Bu əlamətdar gündə Sizə möhkəm cansağlığı, işlərinizdə uğurlar, dost Yunanıstan xalqına daim əmin-amanlıq və rifah arzulayıram".

Ölkə.Az

ŞƏRH YAZ
0
BAĞLA