“Qarabağ”ın “Atletiko”ya uduzmamasının sirri... — ESPN açıqladı

“Qarabağ”ın “Atletiko”ya uduzmamasının sirri...
16:00
20.01.2018
8612
İdman
A
Atletiko”nun cari mövsümdəki çıxışı ABŞ mətbuatında müzakirə mövzusuna çevrilib.

 "Ölkə.Az"  apasport.az-a istinadən xəbər verir ki, İspaniya Kral Kubokunun 1/4 final mərhələsində evdə “Sevilya”ya (1:2) məğlubiyyətdən sonra məşhur ESPN şirkəti uğursuzluğun səbəbini araşdırıb.

Maraqlıdı ki, həmkarlarımız Madrid təmsilçisinin bu mövsüm doğma arenasındakı sürpriz nəticələrini stadionla əlaqələndiriblər. Belə ki, bu mövsümdən “Visente Kalderon”la vidalaşaraq, yeni inşa edilən “Vanda Metropolitano”ya köçən Dieqo Simeonenin yetirmələri azarkeşlərini burda sevindirə bilmir.

Bununla bağlı geniş yazı dərc edən nəşr Çempionlar Liqasının qrup mərhələsində “Qarabağ”la keçirilən qarşılaşmanı da yada salıblar: “Vanda Metropolitano”da atmosfer “Visente Kalderon”dakı kimi deyil. Həm La Liqada, həm də avrokubokda iştirak edən heç bir komanda “Visente Kalderon”a səfər etmək istəmirdi. Həmin atmosfer tamamilə yox olub. “Vanda Metropolitano”ya gələnlər “Çelsi”nin qələbəsini, “Qarabağ”ın layiqli heç-heçəsi gördülər. Yeni arenada keçirilən “böyük oyun” (“Sevilya”, “Vilyarreal”, “Barselona”, “Real” və avrokubokdakı rəqiblər) adlandırdığınız 8 qarşılaşmanın cəmi 2-də “Atletiko” qələbə qazana bildi. “Visente Kalderon”da bu hal heç vaxt baş verməzdi. Unutmayaq ki, Çempionlar Liqasında “Çelsi” və “Qarabağ”ı məğlub edə bilməyən həmin “Atletiko” ötən mövsüm qrupu “Bavariya”nın önündə tamamlayan komandadı”.

 

Qeyd edək ki, “Qarabağ” “Atletiko” ilə Bakıda 0:0, Madriddə isə 1:1 hesablı bərabərə qalmışdı.

ŞƏRH YAZ
0

“Mançester Yunayted”də iki ciddi itki

“Mançester Yunayted”də iki ciddi itki
01:17
Bu gün
103
İdman
A
İngiltərənin “Mançester Yunayted” klubunun futbolçuları Antonio Marsyal və Cessi Linqard 2-3 həftə yaşıl meydanlardan kənarda qalacaq.

“Ölkə.Az” xəbər verir ki, bu barədə “qırmızı şeytanların” baş məşqçisi Ole-Qunnar Sulşer məlumat verib.

Onun sözlərinə əsasən, hər iki futbolçu İngiltərə kubokunun 1/8 finalında “Çelsi”,  Premyer Liqanın 27-ci turunda “Liverpul”la oyunları dəqiq buraxacaqlar.

Onlar Çempionlar Liqasının 1/8 finalında PSJ ilə cavab matçında da iştirak etməyə bilərlər.

Qeyd edək ki, hər iki oyunçu PSJ ilə ilk qarşılaşmada zədələnib.

Ölkə.Az

ŞƏRH YAZ
0

Arvadını döyən dünya çempionu həbs edildi

Arvadını döyən dünya çempionu həbs edildi
14:16
15.02.2019
2272
İdman
A
Azərbaycanın kikboks üzrə dörd qat dünya çempionu Anar Süleymanov həbs olunub.

"Ölkə.Az" xəbər verir ki, bu barədə “Qafqazinfo” məlumat yayıb.

A.Süleymanov arvadı Ş.-nı döyməkdə ittiham olunur. İttihama görə, idmançı 2018-ci il noyabrın 5-də Nərimanov rayonunda yaşadığı evdə arvadını döyüb. Əvvəllər tələbəsi olmuş həyat yoldaşı da kikboks üzrə dünya çempionudur. 

Xanım polisə izahatında göstərib ki, A.Süleymanovla cəmi iki ay evli olub:

“Həmin müddət ərzində də məni qapalı yerdə saxlayıb, dəfələrlə döyüb. Məni boğaraq dilimi ağzımdan çıxarıb öldürmək istəyirdi. Sonuncu dəfə döyüldükdən sonra qayınanamın evdə olmasından istifadə edib qapını açıb qaçaraq atam evinə qayıtdım. Lakin Anar məni və ailə üzvlərimi ölümlə hədələyirdi. Evli olduğumuz vaxt mənə deyirdi ki, “kriminal aləmin üzvləriyik, biz heç kimdən qorxmuruq”. Üzümə yumruqla vururdu, saçımdan tutub evdə sürüyürdü, təpikləyirdi”. 

Zərərçəkmiş Ş. 17-ci Polis Bölməsinə şikayət edib və A.Süleymanov barəsində İnzibati Xətalar Məcəlləsinin 157-ci (döymə) maddəsi ilə protokol tərtib olunub. Nərimanov rayon Məhkəməsinin hakimi Vüsal Qurbanov protokol üzrə qərarını elan edib və A.Süleymanov fevralın 13-dən etibarən 20 gün müddətinə inzibati qaydada həbs olunub. 

A.Süleymanov Azərbaycan Kikboks Federasiyasının qızlardan ibarət milli komandanın baş məşqçisi olub.

ŞƏRH YAZ
0
BAĞLA