"Qarabağ" iştirak ərizəsini UEFA-ya təqdim etdi — SİYAHI

17:23
05.09.2019
1058
İdman
A
Azərbaycanın avrokuboklarda yeganə təmsilçisi olan "Qarabağ" klubu UEFA Avropa Liqasının qrup mərhələsinin oyunları üçün sifariş vərəqəsini UEFA-ya təqdim edib.

"Ölkə.Az" oxu.az-a istinadən xəbər verir ki, bununla bağlı UEFA-nın rəsmi saytında məlumat yerləşdirilib. 

Siyahıya aşağıdakı futbolçular daxil edilib:

Qapıçılar: 1. Asmir Beqoviç, 12. Şahrudin Məhəmmədəliyev, 13. Vaqner da Silva, 95. Məmməd Hüseynov;

Müdafiəçilər: 3. Ailton Silva, 4. Rahil Məmmədov, 5. Maksim Medvedev, 14. Rəşad Sadıqov, 23. Fayçal Rerras, 30. Abbas Hüseynov, 55. Bədavi Hüseynov;

Yarımmüdafiəçilər: 2. Qara Qarayev, 6. Simeon Slavçev, 7. Araz Abdullayev, 8. Miçel, 9. Xayme Romero, 10. Dani Kintana, 17. Abdullah Zubir, 18. İsmayıl İbrahimli, 19. Filip Ozobiç, 20. Riçard Almeyda, 21. Hacıağa Hacılı, 71. Tural Bayramov;

Hücumçular: 11. Mahir Emreli, 99. Maqaye Geye.

Qeyd edək ki, A qrupunda "Qarabağ" "Sevilya" (İspaniya), APOEL (Kipr) və "Düdelanj"la (Lüksemburq) mübarizə aparacaq. Ağdam klubu ilk matçını sentyabrın 19-u doğma meydanda "Sevilya"ya qarşı keçirəcək.

I tur

19 sentyabr

"Qarabağ" - "Sevilya"

II tur

3 oktyabr

"Düdelanj" - "Qarabağ"

III tur

24 oktyabr

"Qarabağ" - APOEL

IV tur

7 noyabr

APOEL - "Qarabağ"

V tur

28 noyabr

"Sevilya" - "Qarabağ"

VI tur

12 dekabr

"Qarabağ" - "Düdelanj" 

Ölkə.Az

ŞƏRH YAZ
0

Leyla Əliyeva polo yarışını izlədi — FOTOLAR

Leyla Əliyeva polo yarışını izlədi
23:22
15.09.2019
1682
İdman
A
Sentyabrın 15-də Azərbaycan Respublikası Atçılıq Federasiyasının (ARAF) təşkilatçılığı ilə Bakıda baş tutan 7-ci arena polo üzrə dünya kubokunun final görüşü keçirilib.

“Ölkə.Az” Azərtac-a istinadən xəbər verir ki, final görüşünə Heydər Əliyev Fondunun vitse-prezidenti Leyla Əliyeva, Azərbaycan Respublikası Atçılıq Federasiyasının prezidenti Elçin Quliyev, Milli Olimpiya Komitəsinin Baş katibinin müavini, Azərbaycan Ağır Atletika Federasiyasının vitse-prezidenti Azər Əliyev, Dünya Polo Federasiyasının prezidenti Reto Qaudenzi və digər qonaqlar baxıblar.

Turnirin həlledici görüşündə “Elite Horse & Polo Club Baku” (Azərbaycan) və “Los Nocheros Polo Club Münster” qarşılaşıblar. Bu dəfə də yüksək ustalıq nümayiş etdirən komandamız final görüşündən qalib ayrılıb - 15:4. Komandamızın heyətində Elçin Camallı (9), Tərlan Qurbanəliyev (4), Rəşad Həsənov və Namiq Orucov fərqləniblər.

Almaniyanın “Los Nocheros Polo Club Münster” ikinci, İsveçrənin “Evviva Polo Club St. Moritz” üçüncü, Rusiyanın “Planernaya Polo Club Moscow” komandası isə dördüncü yeri tutub.

Daha sonra dünya kubokunun qalibi olan komandamız mükafatlandırılıb. Azərbaycan Respublikası Atçılıq Federasiyasının prezidenti Elçin Quliyev qalib olan komandamıza turnirin kubokunu və qiymətli hədiyyələr təqdim edib. Turnirin ən yaxşı oyunçusu komandamızın poloçusu Elçin Camallı seçilib.

Turnirin bütün oyunları “Elite Horse and Polo Club”da yerləşən meydançada keçirilib.

Qeyd edək ki, gələn il sentyabrın 10-dan 20-dək 8 komandanın iştirak edəcəyi polo üzrə Avropa çempionatı da Azərbaycanda təşkil olunacaq.

Ölkə.Az

ŞƏRH YAZ
0

“Qarabağ” “Neftçi”ni məğlub etdi

“Qarabağ” “Neftçi”ni məğlub etdi
22:52
15.09.2019
1131
İdman
A
Bu gün Azərbaycan Premyer Liqasında 4-cü tura yekun vurulub.

“Ölkə.Az” xəbər verir ki, turun son matçında "Qarabağ" əzəli rəqibi "Neftçi" ilə qarşılaşıb.

Oyun “Qarabağ”ın 2:0 hesablı qələbəsi ilə başa çatıb.

"Qarabağ" bu qələbə ilə xalını 12-ə çatdırıb və vahid liderliyini qoruyub.

20:30. “Qarabağ” - “Neftçi” - 2:0

Qol: Mahir Emreli, 31, Abdullah Zubir, 69

Ölkə.Az

ŞƏRH YAZ
0
BAĞLA