"Qarabağ" klubunu təhqir edən türk jurnalist üzr istədi — FOTO

14:51
21.10.2017
3464
Ölkə
A
Türkiyə və Azərbaycan sosial şəbəkələri dünəndən bu yana "Sabah" qəzetinin köşə yazarı Mevlud Tezelin yazısını müzakirə edir.

"Ölkə.Az" xəbər verir ki, jurnalistin "Qarabağ" klubu fanatlarını tənqid edən yazısı kəskin reaksiyalara səbəb olub.

Türk Tvitter istifadəçiləri Mevludun səhifəsinə "ürək" sözlərini qeyd edib, onu iki qardaş ölkə arasında ixtilaf salmaqda ittiham ediblər. Bir çox Tvitter istifadəçisi isə jurnalisti kəskin şəkildə təhqir və tənqid edib.

Tezel isə Tvitter hesabında yazısına görə üzr istəyib. Amma necə deyərlər, üzrü qəbahətindən böyük. Köşə yazarının qərəzli üzrünü oxuculara tərcümə edirik:

 “Diqqətlə oxusanız, yazımın bu xareoqrafiya haqqında sadəcə əylənci bir fikir olduğunu görərsiniz. Əgər Azərbaycanı və Qarabağ xalqını üzdümsə, üzr istəyirəm”.

Tvitter istifadəçiləri isə Tezeli erməni olmaqda ittiham ediblər. Bu isə, əsassız deyil. Çünki bir müddət əvvəl Mevlud ermənilərlə bağlı bu tviti yazmışdı:
"Erməni olmaq qürurdur. Erməni qardaşlarımı çox sevirəm. Onları hər sahədə dəstəkləməyə hazıram".

Hikmət Həsənov
Ölkə.Az

ŞƏRH YAZ
0

Sürücü avtobusla 20 yaşlı qızı öldürdü — RƏSMİ

Sürücü avtobusla 20 yaşlı qızı öldürdü
11:45
Bu gün
712
Ölkə
A
Oktyabrın 19-da saat 11:30 radələrində paytaxtın Sabunçu rayonu ərazisində Zaur Quliyevin 131 saylı marşrut xətti üzrə idarə etdiyi “General Avtocompany” MMC-yə məxsus “Daewoo BS 090” markalı 90-TH-257 dövlət qeydiyyat nişanlı avtobusu yolun sağ tərəfində saxlayıb sərnişin düşürdükdən sonra avtobusu arxaya doğru hərəkət etdirərkən piyada keçidində yolu keçmək istəyən 1998-ci il təvəllüdlü Aysel Məmmədovanı vurub üzərindən keçərək ölümünə səbəb olmasına şübhələr üçün əsaslar müəyyən edilib.

"Ölkə.Az" xəbər verir ki, Bakı şəhər Baş Polis İdarəsinin və şəhər prokurorluğunun birgə məlumatına görə, fakta görə Sabunçu rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma zərərçəkmiş şəxsin ölümünə səbəb olduqda) maddəsi ilə cinayət işi başlanaraq zəruri ekspertizalar təyin edilmiş, şahidlər dindirilib.

Z.Quliyev iş üzrə təqsirləndirilən şəxs qismində cəlb olunaraq ona Cinayət Məcəlləsinin qeyd edilən maddəsi ilə ittiham elan edilməklə məhkəmənin qərarı ilə barəsində həbs qətimkan tədbiri seçilib.

İstintaq zamanı avtobusun sürücüsünün narkotik vasitələrdən istifadə etməsi müəyyən edildiyindən sürücünün sərnişindaşıma ilə məşğul olmasına şərait yaratmış “General Avtocompany” MMC-nin vəzifəli şəxsləri barəsində Bakı şəhər prokurorluğunun İstintaq İdarəsində araşdırmalara başlanılıb.

Hazırda cinayət işi üzrə zəruri istintaq tədbirləri davam etdirilir.

Ölkə.Az

ŞƏRH YAZ
0

Nəcməddin Sadıkov İsraildə səfərdədir

Nəcməddin Sadıkov İsraildə səfərdədir
11:37
Bu gün
398
Ölkə
A
Azərbaycan müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov israilli həmkarı general-leytenant Qadi Ayzenkotun dəvəti ilə oktyabrın 23-də Tel-Əviv şəhərinə yola düşüb.

Bu barədə "Ölkə.Az"a Müdafiə Nazirliyinin mətbuat xidmətindən məlumat verilib.

Rəsmi səfər çərçivəsində general-polkovnik N.Sadıkovun İsrailin müdafiə naziri, Baş Qərargah rəisi və digər rəsmi şəxslərlə görüşü, müdafiə sənayesi sahəsində fəaliyyət göstərən müəssisələri ziyarət etməsi nəzərdə tutulub.

Ölkə.Az

ŞƏRH YAZ
0
BAĞLA