KORONAVİRUSA YOLUXANLARIN SAYI - CANLI STATİSTİKA

Bakı Şəhər İcra hakimiyyəti mitinqə icazə vermədi

Bakı Şəhər İcra hakimiyyəti mitinqə icazə vermədi
15:33
12.02.2019
2566
Ölkə
A
Bakı Şəhər İcra Hakimiyyəti (BŞİH) Qarabağ Komitəsinin (QK) fevralın 16-a təyin etdiyi mitinqlə bağlı müraciətinə cavab verib.

“Ölkə.Az”ın xəbərinə görə, BŞİH-də müraciətə baxılıb və Qarabağ Komitəsinin fevralın 16-da Yasamal rayonundakı İdman Sağlamlıq Kompleksinin stadionunda (keçmiş "Məhsul") mitinq keçirməsinə razılıq verilməyib.

BŞİH aksiyanın keçirilməsini məqsədəuyğun hesab etməyib. Bununla bağlı təşkilatçılara məlumat verilib.

Qeyd edək ki, Qarabağ Komitəsi fevralın 16-da “Qarabağa azadlıq” şüarı ilə keçirmək istədiyi mitinqə icazə verilməsi üçün Bakı Şəhər İcra Hakimiyyətinə müraciət ünvanlamışdı.

Ölkə.Az

ŞƏRH YAZ
2

Ağcabədidə qonaqlıq təşkil edən şəxslər cərimələnib — VİDEO

Ağcabədidə qonaqlıq təşkil edən şəxslər cərimələnib
05:08
Bu gün
877
Ölkə
A
Ağcabədi Rayon Polis Şöbəsinin əməkdaşları tərəfindən koronavirus pandemiyası ilə mübarizədə əhalinin sağlamlığının qorunması məqsədi ilə elan edilən xüsusi karantin rejiminin pozulması hallarının qarşısının alınması istiqamətində mütəmadi olaraq tədbirlər davam etdirilir.

"Ölkə.Az" DİN Mətbuat Xidmətinin Bərdə regional qrupuna istinadən xəbər verir ki, karantin rejimi ilə bağlı məhdudiyyətlər tətbiq edilməsinə baxmayaraq bəzi şəxslər tərəfindən nizam-intizamın pozulması hallarına rast gəlinməkdədir.

Belə ki, rayon ərazisindəki restoranların birində 20 nəfərə yaxın şəxs toplaşaraq qonaqlıq təşkil edib, bununla da xüsusi karantin qaydalarını kobud şəkildə pozublar. Ağcabədi Rayon Polis Şöbəsinin əməkdaşları tərəfindən məclisdə iştirak edən 12 nəfər inzibati qaydada cərimə edilib. Digər 2 nəfər barəsində isə protokollar tərtib edilərək baxılması üçün Ağcabədi Rayon Məhkəməsinə göndərilib.

ŞƏRH YAZ
0

BDU-nun müəllimi əməliyyatdan sonra vəfat edib

BDU-nun müəllimi əməliyyatdan sonra vəfat edib
01:55
Bu gün
2120
Ölkə
A
Bakı Dövlət Universitetinin (BDU) İnformasiya Texnologiyaları Mərkəzinin mühəndisi Mustafayeva Zivayət Nurəddin qızı vəfat edib.

"Ölkə.Az" xəbər verir ki, BDU-nun Mətbuat-informasiya şöbəsinin müdiri Günel Orucəliyeva APA-ya açıqlamasında bildirib ki, Z.Mustafayevanın ölümünə səbəb ürək çatışmazlığı olub:

"Zivayət Mustafayeva ötən həftə açıq ürək əməliyyatı keçirib, dünən  axşam isə evində vəfat edib".

Günel Orucəliyeva qeyd edib ki, 1952-ci il təvəllüdlü Z.Mustafayeva 1978-ci ildən Bakı Dövlət Universitetində çalışırmış.

Ölkə.Az

ŞƏRH YAZ
0
BAĞLA