KORONAVİRUSA YOLUXANLARIN SAYI - CANLI STATİSTİKA

Bakı Şəhər İcra hakimiyyəti mitinqə icazə vermədi

Bakı Şəhər İcra hakimiyyəti mitinqə icazə vermədi
15:33
12.02.2019
2580
Ölkə
A
Bakı Şəhər İcra Hakimiyyəti (BŞİH) Qarabağ Komitəsinin (QK) fevralın 16-a təyin etdiyi mitinqlə bağlı müraciətinə cavab verib.

“Ölkə.Az”ın xəbərinə görə, BŞİH-də müraciətə baxılıb və Qarabağ Komitəsinin fevralın 16-da Yasamal rayonundakı İdman Sağlamlıq Kompleksinin stadionunda (keçmiş "Məhsul") mitinq keçirməsinə razılıq verilməyib.

BŞİH aksiyanın keçirilməsini məqsədəuyğun hesab etməyib. Bununla bağlı təşkilatçılara məlumat verilib.

Qeyd edək ki, Qarabağ Komitəsi fevralın 16-da “Qarabağa azadlıq” şüarı ilə keçirmək istədiyi mitinqə icazə verilməsi üçün Bakı Şəhər İcra Hakimiyyətinə müraciət ünvanlamışdı.

Ölkə.Az

ŞƏRH YAZ
2

Polşada cəbhəyə dəstək aksiyası keçirildi — VİDEO

Polşada cəbhəyə dəstək aksiyası keçirildi
17:48
Bu gün
1180
Ölkə
A
Polşanın paytaxtı Varşavada yaşayan azərbaycanlılar birlik nümayiş etdirirlər.

Ölkə.Az xəbər verir ki, onlar Azərbaycanın Polşadakı səfirliyinin önünə yığışıraq ermənilərin səfirliyin binasına qarşı təxribatının qarşısını alırlar.

Onlar “Var olsun, Azərbaycan”, “var olsun Qarabağ” şüarları səsləndirirlər. 

Məlumat üçün bildirək ki, ötən gün ermənilər Polşadakı səfirliyin önünə yığışaraq, Azərbaycan bayrağını yandıracaqlarını və səfirliyin binasına yumurta atacaqlarını bildirmişdilər.

 

Ölkə.Az

ŞƏRH YAZ
0

Döyüşlər davam edir — Şəhidimiz var - SON DƏQİQƏ

Döyüşlər davam edir
17:45
Bu gün
748
Ölkə
A
İyulun 16-da səhər saat 05.45-dən başlayaraq Azərbaycan-Ermənistan dövlət sərhədinin Tovuz rayonu istiqamətində aktiv döyüş əməliyyatları keçirilir.

Müdafiə Nazirliyindən "Ölkə.Az"a verilən məlumata görə, hazırki vaxtadək davam edən döyüşlərdə düşmənin 20-yə yaxın canlı qüvvəsi, 1 zirehli texnikası, 1 radioelektron mübarizə (REM) vasitəsi, döyüş postları və dayaq məntəqəsi bölmələrimizin sərrast atəşi ilə məhv edilib.

Döyüşlər zamanı Azərbaycan Ordusunun müddətdən artıq həqiqi hərbi xidmət hərbi qulluqçusu əsgər İsmayılov Nazim Əfqan oğlu şəhid olub.

Müdafiə Nazirliyinin rəhbərliyi şəhidin ailəsinə başsağlığı verir və səbr diləyir. Allah rəhmət eləsin!

Bölmələrimiz düşmənin döyüş aktivliyinin qarşısını almaq məqsədi ilə cavab tədbirləri görür.

ŞƏRH YAZ
0
BAĞLA