“Qarabağ” Kopenhagendə də tək qalmayacaq — Türklərdən möhtəşəm jest

“Qarabağ” Kopenhagendə də tək qalmayacaq
13:48
08.08.2017
144
İdman
A

"Qarabağ" futbol klubunun Danimarkanın Kopenhagen şəhərində 23 avqust 2017-ci il tarixində "Kopengahen" klubu ilə baş tutacaq oyununa soydaşlarımızın hazırlığı davam edir. 

Bu günlərdə doğma klubumuza Skandinaviya Türk Federasiyası tərəfndən dəstək gəlib.

"Ölkə.Az" xəbər verir ki, Federasiya başqanı, yazar İlhan Esen "Qarabağ" klubunun Danimarkaya gələcəyi ilə bağlı xəbəri eşidən gündən ciddi hazırlaşdıqlarını bildirib:

"Doğma klubumuza dəstək üçün federasiya olaraq Azərbaycan və Türkiyə bayraqları ilə meydandan olacağıq. Bununla bağlı üzvlərimiz məlumatlanıblar. Qarabağ özünü türk hiss edən hər bir insanın ürəyindəki yaradır. Ora sadəcə Azərbaycanın deyil, türk dünyasının gerçək yurdudur. O səbəbdən də, "Qarabağ" klubu bizim mənəvi və milli bir simvolumuzdur. Həm də Qarabağın azadlığı üçün meydanda "Qarabağ"a dəstək verəcəyik".

Federasiya başqanı heç bir zaman Qarabağın işğalı ilə barışmayacaqlarını da qeyd edib: 

"Skandinaviyada Qarabağ həqiqətlərinin çatdırılmasına çalışırıq. Bu milli vəzifəmizdir. Qarabağ bizim üçün müqəddəs əmanətdir", -deyə İ.Esen əlavə edib.

Elnur Eltürk
Ölkə.Az

ŞƏRH YAZ
0

Qış Olimpiya Oyunlarında Azərbaycanın bayraqdarı kim olacaq?

Qış Olimpiya Oyunlarında Azərbaycanın bayraqdarı kim olacaq?
16:55
22.01.2018
452
İdman
A
Cənubi Koreyanın Pxençxan şəhərində keçiriləcək XXIII Qış Olimpiya Oyunlarında Azərbaycan nümayəndə heyətinin tərkibi və bayraqdar müəyyənləşib.

 "Ölkə.Az" xəbər verir ki, bu barədə "Report"a Milli Olimpiya Komitəsinin (MOK) beynəlxalq əlaqələr İdarəsinin müdiri və Azərbaycanın şef de-missionu Anar Bağırov məlumat verib.

Onun sözlərinə görə, fevralın 9-da start götürəcək olimpiadanın Açılış mərasimində bayraqdar funksiyasını ölkənin yeganə təmsilçisi Patrik Braxner yerinə yetirəcək. Braxner slalom və böyük slalom yarışlarına qatılacaq.

A.Bağırov bildirib ki, əvvəlki qış olimpiadalarında nümayəndə heyətinin istənilən üzvü bayrağı daşımaq imkanına malik olub. Amma bu dəfə Beynəlxalq Olimpiya Komitəsi ölkə bayrağını yalnız idmançının daşımalı olduğuna dair tələb irəli sürüb. Ona görə də bu missiyanı elə avstriyalı legionerin özü yerinə yetirməli olacaq.

Nümayəndə heyətində isə ümumilikdə 11 nəfər, o cümlədən, MOK-un vitse-prezidenti Çingiz Hüseynzadə, baş katibin müavini Azər Əliyev, gənclər və idman nazirinin müavini İsmayıl İsmayılov, nazirliyin idman şöbəsinin müdiri Fərid Mansurov, Azərbaycan Dağ Xizəkçiliyi Federasiyasının prezidenti Rauf Xəlilov yer alacaq.

Braxner ardıcıl ikinci olimpiadada Azərbaycanı təmsil edəcək. O, 2014-cü il Soçi Qış Olimpiya Oyunlarında da iştirak edib. Həmin vaxt böyük slalom növündə 53-cü yeri tutmuş Braxner slalomçuların mübarizəsində finişə çata bilməyib.

Qeyd edək ki, ümumilikdə 2500 idmançının qatılacağı "Pxençxan-2018"ə fevralın 25-də yekun vurulacaq. 

ŞƏRH YAZ
0

Kriştianu Ronaldu oyun vaxtı al-qana qərq oldu — VİDEO

Kriştianu Ronaldu oyun vaxtı al-qana qərq oldu
13:12
22.01.2018
713
İdman
A
"Real Madrid" klubunun hücumçusu Kriştianu Ronaldu İspaniya çempionatında zədələnib.

 "Ölkə.Az" xəbər verir ki, "Deportivo" ilə oyun vaxtı portuqaliyalı oyunçu yerə düşən topa kəllə vurmaq istəyib. Rəqib komandanın müdafiəçisi isə səhvən top yerinə Ronaldunun başına təpik vurub.

Nəticədə Ronaldunun başı partlayıb və o, meydançanı tərk etmək məcburiyyətində qalıb. Meydançanı tərk edən futbolçu telefon vasitəsilə sifətini nəzərdən keçirib. Ronaldu gördüyü mənzərədən narazı qalıb.

Qeyd edək ki, 7-1 "Real Madrid"in qələbəsi ilə başa çatan oyunda Ronaldu 2 qola imza atıb.

Hikmət Həsənov
Ölkə.Az

ŞƏRH YAZ
0
BAĞLA