“Qarabağ münaqişəsinin həllində müharibədən başqa yol görmürəm”

Bunu “Ölkə.Az”a açıqlamasında millət vəkili Elman Məmmədov deyib.

 Onun sözlərinə görə,  hər iki tərəf ümidlə və öz mövqeləri ilə görüşə gedirlər. “Azərbaycan  tərəfinin mövqeyi bəllidir və hər zaman olduğu kimi yenə də işğalçı ordunun işğal olunmuş ərzilərindən çıxarılmasını, işğal faktına son verilməsini, qaçqın və məcburi köçkünlərin öz yurdlarına dönməsini tələb edəcək. Ermənistan tərəfinin də mövqeyi  bəllidir və onlarl işğal siyasətinə son vermək niyyətində deyildirlər. Azərbaycan da bu mövqe ilə heç zaman barışmayıb və barışmayacaq da…”, - deputat bildirib.
Deputat hesab  edir ki,  belə olan şəraitdə  XİN başçılaırnın görüşündən nəsə müsbət nəticə gözləməyə dəyməz.

Məsələ ilə bağlı olaraq həmsədrlərin mövqeyinə toxunan deputat deyib ki, ATƏT MQ həmsədr ölkələrin Qarabağ məsələsində mövqeləri heç də İrəvanın mövqeyindən fərqlənmir: 
“ATƏT MQ həmsədr ölkələr Azərbaycanın ərazi bütövlüyünü bəyan etsələr də,  Qarabağ münaqişəsinin güc yolu ilə  həllini mümkünsüz hesab edirlər. Onlar da münaqişənin  danışıqlar yolu ilə həllini dəstəkləyirlər ki, bu da ancaq ermənilərin marağına xidmət edir.

Həmsədr ölkələr münaqişənin həllində güc tətbiqinin yolverilməzliyini deyəndə, Azərbaycanı nəzərdə tuturlar.Bu isə o deməkdir ki, ATƏT MQ həmsədr ölkələr də ermənilər kimi düşünür”.

 O, əlavə edib ki, ermənilər dünyaya Azərbaycanın onları müharibə ilə hədələməkdə, hərbi gücünü artırmaqda, Türkiyə ilə birgə hərbi təlimlər keçməklə bağlı hay-küy salırlar. ATƏT MQ həmsədrləri də ermənilər kimi eyni mövqedən çıxış edir.

Deputatın fikrincə, münaqişənin  nəticəsiz danışıqlar  yolu ilə uzadılmasının əsas məqsədi vaxt udmağa xidmət edir: 

“Belə ki, nəsillər dəyişsin və Azərbaycan nə zamansa  ərazi məsləsindən vaz keçsin. Onlar bu düşüncə ilə yaşayırlar və siyasətlərini də bu istiqamətdə qurublar. Siz təsəvvür edin Dağlıq Qarabağdakı  qondarma rejim artıq ərazilərini 11,5 min kvadratkilometr göstərir. Halbuki Dağlıq Qarabağ Muxtar Vilayətinin mövcud olduğu dövrdı bu ərazilər 4,4 min kvadrat metr olub. Bu o deməkdir ki, separatçı rejim bura Kəlbəcərin, Laçının, o cümlədən Ağdam, Goranboy, Göygöl rayonlırnın bir qismini də salıblar. Belə olan şəraitdə təbii ki, görüşlər nəticəsiz olacaq. MQ həmsdər ölkələr də ermənilərə təzyiq etmək niyyətində deyil. Həmsdər ölkələrin bu  və digər təklifləri ermənilərin xeyrinə işləyir. Hesab edirəm ki, Azərbaycan bununla razılaşmayacaq. Belə olan təqdirdə təbii ki, təmas və cəbhə xəttində gərginlik artmalıdır. Sonda Azərbaycan məcbur olub  torpaqları işğaldan azad etmək üçün güc tətbiq etməli olacaq. Münaqişənin həllinin bəlkə də başqa yolu var, mən görmürəm. Mənim gördüyüm budur”, - deyə deputat qeyd edib.

 Mürtəza
Ölkə.Az