"Qarabağ" - "Neftçi" matçının vaxtı dəyişdirilib

18:18
20.08.2018
3539
İdman
A
“Qarabağ” klubu Peşəkar Futbol Liqasına müraciət edib.

"Ölkə.Az" PFL-ə istinadən xəbər verir ki, ölkəmizi Avropa Liqasının pley-off mərhələsində təmsil edən “Qarabağ” oyuna daha yaxşı hazırlaşmaq məqsədilə Premyer Liqasının III turunda “Neftçi”yə qarşı keçiriləcək oyunun vaxtının dəyişdirilməsini xahiş edib. 

“Qarabağ”ın avrokuboklarda çıxışını və Əsasnaməni rəhbər tutan PFL “Qarabağ” – “Neftçi” matçının 25 avqust tarixdən 26 avqust tarixə keçirilməsinə qərar verib.

Bütün görüşlərin canlı yayımlanmasını təmin etmək məqsədilə hər iki klubun razılıq məktubundan sonra “Zirə” – “Sabah” matçı ilə bağlı da dəyişiklik reallaşıb. Sözügedən oyun 26 avqust tarixdən 25 avqust tarixə keçirilib.

ŞƏRH YAZ
0

Messi “Barselona”ya qələbə qazandırdı — VİDEO

Messi “Barselona”ya qələbə qazandırdı
22:06
Bu gün
42
İdman
A
İspaniya La Liqasının 25-ci turunun oyunları davam edir.

“Ölkə.Az” xəbər verir ki, “Sevilya” öz meydanında “Barselona”nı qəbul edir. Qollu keçən qarşılaşma qonaqların 4-2 hesablı qələbəsi ilə başa çatıb. “Barselona”nın geridə olduğu oyunda Messinin vurduğu 3 qol həll edii olub.

“Sevilya” 2-4 “Barselona”

Qollar: Xesus Navas 22, Merkado 42; Messi 4, 67, 85, Suarez 93

Qeyd edək ki, bununla da, “Barselona” 57 xalla birinci, “Sevilya” isə 37 xalla 5-ci pillədə qərarlaşıb.

Ölkə.Az

ŞƏRH YAZ
0

Anatoli Banişevski — 73

Anatoli Banişevski
20:57
Bu gün
146
İdman
A
Bu gün "Neftçi”nin əfsanəvi futbolçusu Anatoli Banişevskinin anadan olmasından 73 il ötür.

“Ölkə.Az” klubun saytına istinadən məlumat verir ki, 1946-cı il fevralın 23-də Bakıda anadan olan A.Banişevski "ağ-qaralar”ın heyətində (1964-1973, 1975-1978) SSRİ çempionatlarında 288 oyunda 121 qol, SSRİ kuboklarında isə 30 oyunda 15 qol vurub.

1966-cı ildə "Neftçi” ilə SSRİ çempionatının, SSRİ yığması ilə dünya çempionatının bürünc, 1972-ci ildə isə Avropa çempionatının gümüş medalını qazanıb. SSRİ yığmasında ən çox oyun keçirmiş (49 oyun) və fərqlənmiş (19 qol) "Neftçi”li "Marakana” stadionunda Braziliyanın qapısına qol vurmuş ilk sovet futbolçusudur.

SSRİ-nin Əməkdar idman ustası və Qriqori Fedotov klubunun üzvü olan A.Banişevski daha sonra "Neftçi”də (1981-1982) məşqçi, Mingəçevirin "Avtomobilçi” klubunda (1984-1987), Burkina-Fasonun gənclər yığmasında (1987-1988) və "Kəpəz”də (1988) baş məşqçi kimi çalışıb.

Afrika ölkəsində işlədiyi zaman ağır xəstəliyə tutulan A.Banişevski 1997-ci il dekabrın 9-da 51 yaşında vəfat edib. A.Banişevski ölümündən bir il əvvəl "Şöhrət ordeni” ilə təltif olunub.

"Neftçi”yə sədaqətini heç vaxt itirməyən "9 nömrə” azarkeşlərin yaddaşında əbədi olaraq qalacaq.

Ölkə.Az

ŞƏRH YAZ
0
BAĞLA