“Qarabağ” qalib gəldi

“Qarabağ” qalib gəldi
22:55
11.08.2017
40
İdman
A
Bu gün Topaz Premyer Liqasında 2017/2018 mövsümü start götürüb.

Ölkə.Az xəbər verir ki, mövsümün ilk matçında “Neftçi” və “Qarabağ” qarşılaşıb.

Çempionatın son qalibi “Qarabağ” rəqibi qarşısında üstün oyun nümayiş etdirib və 3-1 hesablı qələbə qazanıb. “Qarabağ”ın heyətində Mahir Mədətov 2, Ndlovu isə 1 qola imza atıb.

“Neftçi”nin təsəlli qolunu da “Qarabağ”ın futbolçusu vurub. Belə ki, matçın son dəqiqələrində Rahid Əmirquliyev topu öz qapısına vurub.

“Neftçi” – “Qarabağ” - 1:3

Qollar: Rahid Əmirquliyev, 90+2 (öz qapısına) - Mahir Mədətov, 14, 40, Dino Ndlovu, 63

ŞƏRH YAZ
0

"Qəbələ" "Arsenal"la qarşılaşacaq

16:55
Bu gün
110
İdman
A
“Qəbələ” futbol komandasının qış fasiləsindəki hazırlıq planı müəyyənləşib.

"Ölkə.Az" "Report"- a istinadən məlumat verir ki, “qırmızı-qaralar” mövsümün ikinci yarısına Türkiyənin Antalya şəhərində hazırlaşacaq.  Komandanın qonşu ölkədəki hazırlığı iki hissədən ibarət olacaq. İlk mərhələ 2018-ci il yanvarın 5-dən 17-dək davam edəcək.

“Qəbələ” bu müddətdə üç yoxlama oyunu keçirəcək. Roman Qriqorçukun baş məşqçi olduğu kollektiv yanvarın 10-da Türkiyə “Akhisar Bələdiyyəspor”u, 17-də isə İsveçrə “Sürix” ilə qarşılaşacaq. Daha bir matç ayın 14-də baş tutacaq ki, həmin rəqibin adı dəqiqləşməyib.  Toplanışın ilk hissəsini başa vurduqdan sonra üçgünlük istirahətə buraxalacaq komanda yanvarın 21-də yenidən bir araya gələcək. “Qırmızı-qaralar”ın hazırlıq prosesi fevralın 3-dək davam edəcək.

Bu müddətdə “Qəbələ” daha 4 yoxlama görüşünə çıxacaq. Yanvarın 24-də Makedoniyanın “Rabotniçki”, 27-də Rusiyanın “Arsenal” (Tula), 31-də Çexiyanın “Bohemians” klubu ilə görüşəcək komanda fevralın 3-də Makedoniya “Şkendiya”sı ilə qarşılaşmada qüvvəsinə sınayacaq.

ŞƏRH YAZ
0

""Qarabağ"ın uduzacağını Əmrah Çəlikələ də demişdim"

22:58
15.12.2017
455
İdman
A
Xəbər verdiyimiz kimi, "Sumqayıt" Azərbaycan kubokunun ¼ final mərhələsində "Qarabağ"a 2:0 hesabı ilə qalib gələrək yarımfinala yüksəlib.

Ölkə.Az "qafqazinfo"-ya istinadən xəbər verir ki, oyundan sonra Peşəkar Futbol Liqasının prezidenti Ramin Musayev jurnalistlərin suallarını cavablandırıb. Musayev ilk olaraq oyun haqda danışıb:

"Baxımlı, əzmkar oyun oldu. "Sumqayıt" layiqli qələbə qazandı. Baxmayaraq ki, komandanın baş məşqçisi Samir Abasov ölkə hüdudlarından kənardadır. Ona işiylə bağlı uğurlar diləyirəm.

- Bu nəticəni gözləyirdiniz?

- Desəm ki, gözləyirdim, inanmayacaqsınız. Amma bunu gözləyirdim. "Qarabağ"ın uduzacağını Əmrah Çəlikələ də demişdim (gülür).

- "Sumqayıt"ın paltardəyişmə otağına daxil olanda səs-küy qopdu. Nə baş verirdi?

- Komandanı təbrik etdim. Hamısı yerli futbolçularımızdır.Təbrik etmək ixtiyarımız yoxdur?

- Adətən belə səs-küy mükafat veriləndə olur...

- Mükafat üçün pul var? Olsa verərəm (gülür). Pul olsa, böyük məmnuniyyətlə verərdim. Amma maddi sıxıntılar var. Büdcəmizdə qırmızı işıq yanır.

ŞƏRH YAZ
0
BAĞLA