“Qarabağ” reytinq siyahısında mövqeyini qoruyub

“Qarabağ” reytinq siyahısında mövqeyini qoruyub
19:45
06.04.2018
1250
İdman
A
Avrokubokların 1/4 final mərhələsinin ilk oyunları başa çatdıqdan sonra klubların UEFA reytinqi açıqlanıb.

 "Ölkə.Az"ın  məlumatına görə, bu raundda əsasən qitənin güclüləri meydana çıxdığından dəyişikliklər də məhz ön sıralarda qeydə alınıb.

Düzdü, İtaliya, İspaniya, Almaniya və İngiltərə təmsil edən, lakin liderlərdən çox uzaq olan komandaların da mövqeyində müəyyən dəyişikliklər yaşanıb. Lakin bunlar klubların öz əmsalı deyil, ölkə reytinqinə görə gerçəkləşib.

Siyahının ilk “onluğ”unda da yerdəyişməyə təsadüf olunub. “Arsenal” Dortmund “Borussiya”sını arxada qoyub və 9-cu sıraya yüksəlib.

Avropanın 442 komandasının yer aldığı cədvəldə Azərbaycan təmsilçiləri də var. Ən yaxşı klubumuz “Qarabağ”dı. Cari mövsümdə Çempionlar Liqasının qrupuna qədər irəliləyən Qurban Qurbanovun yetirmələri 73-cü sıraya şərikdi. Ağdam klubu 5 mövsümün nəticəsində 20,500 xala malikdi. Təmsilçimizin göstəricisi BATE (Belarus) və “Yanq Boyz”la (İsveçrə) eynidi.

Ölkəmizin digər klublarından “Qəbələ” 5,250 xalla 191-ci, “Neftçi, “Xəzər Lənkəran”, “Keşlə”, “Zirə” və “Kəpəz” 3,825 xalla 244-cü yerə şərikdi.

Qeyd edək ki, hesabında 155,000 xal olan “Real” siyahıya başçılıq edir.

İlk “onluq”

1. “Real” (İspaniya) – 155,000

2. “Atletiko” (İspaniya) – 133,000

3-4. “Barselona” (İspaniya) – 132,000

“Bavariya” (Almaniya) – 132,000

5. “Yuventus” (İtaliya) – 124,000

6. “Sevilya” (İspaniya) – 112,000

7. PSJ (Fransa) – 109,000

8. “Mançester Siti” (İngiltərə) – 100,000

9. “Arsenal” (İngiltərə) – 90,000

10. “Borussiya” (Dortmund, Almaniya) – 89,000

“Qarabağ” və qonşuları

66. “Lester” (İngiltərə) – 22,000

67. “Astana” (Qazaxıstan) – 21,750

68-69. “Feyenoord” (Hollandiya) – 21,500

“Rapid” (Vyana, Avstriya) – 21,500

70-72. “Selta” (İspaniya) - 20,971

“Real Sosyedad” (İspaniya) - 20,971

“Betis” (İspaniya) - 20,971

73-75. “Qarabağ” (Azərbaycan) – 20,500

“Yanq Boyz” (İsveçrə) – 20,500

BATE (Belarus) – 20,500

76. “Trabzonspor” (Türkiyə)– 18,000

77. “Dinamo” (Xorvatiya) – 17,500

78-80. “Partizan” (Serbiya) – 17,000

“Everton” (İngiltərə) – 17,000

“Slovan” (Çexiya) – 17,000

Digər Azərbaycan klubları

191. “Qəbələ” – 5,250

244-256. “Neftçi” - 3,825

“Keşlə” - 3,825

“Zirə” - 3,825

“Kəpəz” - 3,825

“Xəzər Lənkəran” - 3,825

ŞƏRH YAZ
0

Turan Bayramov “Buenos-Ayres-2018”in finalında

Turan Bayramov “Buenos-Ayres-2018”in finalında
23:27
14.10.2018
584
İdman
A
Argentinanın paytaxtı Buenos-Ayresdə təşkil olunan Yeniyetmələrin III Yay Olimpiya Oyunlarında güləş yarışlarına bu gün yekun vurulur.

"Ölkə.Az" xəbər verir ki, sərbəst güləşçimiz Turan Bayramov (65 kq) mübarizəyə “A” qrupunda start verib. Dünya və Avropa çempionu ilk görüşdə Yeni Zelandiya təmsilçisi Tahi Pehi Eynsli Uesterlini elə ilk hissədə çətinlik çəkmədən məğlub edib. İdmançımız Pakistan güləşçisi İnayət Ullaha da rahat qalib gəlib və “A” qrupunda birinci yeri tutub.

Beləliklə, güləşçimiz Olimpiadanın finalına vəsiqə qazanıb. Həmyerlimiz finalda “B” qrupunun qalibi olan iranlı pəhləvan Məhəmməd Baqi Kərimiseyfabad ilə qarşılaşacaq.

Ölkə.Az

ŞƏRH YAZ
0

“Azərbaycan fantastik komandadır” — Malta yığmasının baş məşqçisi

“Azərbaycan fantastik komandadır”
23:09
14.10.2018
513
İdman
A
"Komandam yaxşı performans göstərdi. Azərbaycan çox yaxşı komandadır. Biz səfərdə qol vurduq, qələbə qazandıq. Oyunçular hər şeyini verdi. Kosovo ilə oyundan fərqli çıxış etdik. Baxmayaraq ki, çətin oyundan gəlmişdik, komandanın çıxışından razı qaldım".

"Ölkə.Az" "Report"a istinadən xəbər verir ki, bunu Malta yığmasının baş məşqçisi Rey Farruciya Bakıda Azərbaycanla 1:1 hesablı heç-heçə etdikləri UEFA Millətlər Liqasının IV tur matçından sonra mətbuat konfransında deyib. Daha sonra təcrübəli mütəxəssis jurnalistlərin suallarını cavablandırıb:

- Kosovoya məğlubiyyətdən sonra komanda çox tənqid olunurdu. Bu gün isə daha güclü rəqiblə oyundan xalla ayrıldınız...

- Həyat belədir. Mən təbii ki, insanlara qulaq asır, onlardan öyrənirəm. Hamının fikrini eşidirəm. İnsanların bizi tənqid etməyə haqqı var. Bundan daha da güclənirik. Bizim yaşı 21-dən aşağı olan bir neçə futbolçumuz var. Düzgün istiqamətdə irəliləyirik. Daha da güclü olmağımız üçün vaxta ehtiyac var.

- Bu gün gənc futbolçuların çıxışı sizi qane etdi?

- Bu, bizim işimizdir. Artıq fəlsəfəni dəyişməyin vaxtı çatıb. Cavanlar təcrübəlilərdən öyrənməlidir. Çox yaxşı oynadıq. Azərbaycan fantastik komandadır. Buna görə də nəticə çox ürəkaçan oldu.

- Matçdan əvvəl komandaya inandığınızı deyirdiniz. Bu, nədən qaynaqlanırdı?

- 12 illik təcrübəm var. Məni tanıyanlar bilir ki, heç vaxt təslim olmuram. Maltanın baş məşqçisi olmaq çox çətindir. İnkişafın ilkin cücərtiləri var. Zamanla bu, daha da yaxşı olacaq.

- Qrupda hər iki xalınızı Azərbaycandan almısınız. Bu rəqibinizin hansı zəif nöqtəsini tapmısınız?

- Hər oyunun öz hekayəsi var. Azərbaycana qarşı iki yaxşı oyun keçirdik. Amma qrupda ən yaxşı matçımız Farer adalarına qarşı oldu. Baxmayaraq ki, məğlub olmuşduq. Bu gün nəticədən çox komandanın oyunundan razı qaldım.

- Növbəti iki oyundan gözləntiləriniz nədir?

- İki oyunçumuz geri qayıdacaq. Kiçik adayıq və hər oyunçunun hazır olması lazımdır. Pozitivik və növbəti oyunları səbirsizliklə gözləyirik.

- 1 xalı antifutbolla qazandığınızı demək olarmı? Çünki futbolçularınız tez-tez yerdə qalır, vaxt uzadırdılar...

- Bu, futbolun bir hissəsidir. Mən komandamdan razıyam. Çox yaxşı oynadıq.

Ölkə.Az

ŞƏRH YAZ
0
BAĞLA