"Qarabağ" "Roma" ilə qarşılaşacağı üçün narahatlıq keçirməməlidir — İtaliyalı məşqçi

13:20
26.09.2017
395
İdman
A
"Roma" "Qarabağ"la keçirəcəyi qarşılaşmaya özünü "Real Madrid"lə görüşəcəkmiş kimi hazırlamalıdır. Əks halda, BATE aqibəti yaşana bilər".

"Ölkə.Az"ın "Report"a istinadən məlumatına görə, bunu məşhur italiyalı məşqçi Arriqo Sakki Çempionlar Liqasının II tur matçından əvvəl "La Gazzetta dello Sport"dakı məqaləsində yazıb. Təcrübəli mütəxəssisin fikrincə, "Qarabağ" "Roma" kimi komanda ilə qarşılaşacağı üçün narahatlıq keçirməməli, əksinə, İtaliya təmsilçisi matça daha ciddi yanaşmalıdır.

"Roma"nın hamı üçün "canavarlar" kimi qəbul olunduğunu deyən Sakki "sarı-qırmızılar"ın layiqli qələbə üçün əlindən gələni edəcəyinə əminliyini dilə gətirib.

Qeyd edək ki, sentyabrın 27-də Bakı Olimpiya Stadionunda keçiriləcək matç saat 20:00-da başlanacaq. "Roma" Çempionlar Liqasında 2015-2016 mövsümündə Belarus BATE-sinə səfərdə 2:3 hesabı ilə uduzub, evdə isə qolsuz bərabərliklə kifayətlənib. Arriqo Sakki isə əvvəllər İtaliya milli komandasının, eləcə də bir çox tanınmış yerli klubu və İspaniya "Atletiko"sunun baş məşqçisi olub.  

ŞƏRH YAZ
0

Gənc cüdoçularımız 8 medal qazandılar

Gənc cüdoçularımız 8 medal qazandılar
00:48
Bu gün
317
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışı keçirilir.

"Ölkə.Az" xəbər verir ki, mötəbər turnirin ilk günü millimiz üçün uğurlu olub. Belə ki, təmsilçilərimiz 2 qızıl, 2 gümüş və 4 bürünc medal qazanıblar.

Rövşən Əliyev (55 kq) və Şəfəq Həmidova (44 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Balabəy Ağayev (55 kq) və Yaşar Nəcəfov (60 kq) Avropa Kubokunun gümüş medallarına yiyələniblər. Tofiq Məmmədov (60 kq), Nurlan Osmanov (66 kq), Ramilə Əliyeva (44 kq) və Gültac Məmmədəliyeva (52 kq) isə bürünc medal qazanıblar.

Bununla da, millimiz Avropa Kuboku yarışının birinci günündə medalların əyarına və sayına görə ilk pillədə qərarlaşıb.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunur.

Ölkə.Az

ŞƏRH YAZ
0

İdmançılarımız qızıl medal qazandılar

İdmançılarımız qızıl medal qazandılar
18:18
21.07.2018
792
İdman
A
Rumıniyanın Kluj-Napoka şəhərində stolüstü tennis üzrə gənclər arasında Avropa Çempionatı keçirilir.

“Ölkə.Az” xəbər verir ki, 44 ölkədən 42 kişi və 39 qadın komandasının iştirak etdiyi çempionatda qızlardan ibarət Azərbaycan stolüstü tennisçiləri finalda Rusiya komandasına qalib gələrək qızıl medal qazanıb. Bu, Azərbaycan stolüstü tennis tarixində ən yüksək nəticədir.

Xatırladaq ki, 2017-ci il gənclərin Avropa çempionatında qızlardan ibarət yığmamız bürünc medal qazanıb.

Çempionat şəxsi yarışlarla davam edir.

 

 

ŞƏRH YAZ
0
BAĞLA