“Qarabağ” Romaya yollanır

“Qarabağ” Romaya yollanır
13:17
03.12.2017
738
İdman
A
Bu gün saat 16:00-da “Qarabağ” təyyarə ilə İtaliyanın paytaxtı Romaya yola düşəcək. Çərşənbə axşamı, dekabrın 5-də, burada ağdamlılar yerli “Roma”ya qarşı Çempionlar Liqasının qrup mərhələsinin son oyununa çıxacaqlar.

Ölkə.Az xəbər verir ki, matç Bakı vaxtı ilə saat 23:45-də başlayacaq və AzTV ilə canlı yayımlanacaq.

Əsas komanda ilə yanaşı, Romaya “Qarabağ”ın U-19 komandası da yola düşüb. Onların həmyaşıdları ilə oyunu dekabrın 5-də saat 17:30-da başlayacaq.

Qeyd edək ki, bu oyunun nəticəsindən asılı olmayaraq, Azərbaycan təmsilçisi Çempionlar Liqasında və ümumilikdə, avrokuboklarda builki çıxışlarını yekunlaşdıracaq.

ŞƏRH YAZ
0

Məsut Özil Almaniya komandasından ayrıldı — “İrqçilik edirlər”

Məsut Özil Almaniya komandasından ayrıldı
23:32
22.07.2018
964
İdman
A
Türk əsilli Almaniya futboçusu Məsut Özil ölkənin milli futbol komandası ilə yollarını ayırıb.

“Ölkə.Az” Türkiyə mətbuatına istinadən xəbər verir ki, o, buna səbəb kimi özünə qarşı irqçi və hörmətsiz münasibətin olduğunu deyib.

Məsələ ilə bağlı açıqlama verən Özil bunları deyib: “Almaniya üçün etdiklərim unuduldu. Mənə qarşı olan münasibəti, türklüyümə sayqı göstərməmələri səbr kasamı dolduran son damla oldu. İrqçiliyi qəbul edə bilmərəm. Artıq Almaniya millisində oynamaq istəmirəm”.

Ölkə.Az

 

ŞƏRH YAZ
0

Azərbaycan cüdoçusu Praqada gümüş medal qazandı

Azərbaycan cüdoçusu Praqada gümüş medal qazandı
20:46
22.07.2018
1066
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışına yekun vurulub.

"Ölkə.Az" Azərbaycan Cüdo Federasiyasına istinadən xəbər verir ki, mötəbər turnirin ikinci günündə millimiz aktivinə daha bir medal yazdırıb.

81 kq çəki dərəcəsində ölkəmizi təmsil edən Murad Fətiyev yalnız final qarşılaşmasında üstünlüyü əldən verərək Avropa Kubokunun gümüş medalına sahib olub.

Bununla da, cüdoçlarımız yarışı 2 qızıl, 3 gümüş və 4 bürünc medalla başa vuraraq ümumi medal sayında ikinci olublar.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunub.

Ölkə.Az

ŞƏRH YAZ
0
BAĞLA