"Qarabağ” Türkiyənin “Sabah” qəzetinə sərt cavab verdi

11:48
21.10.2017
1660
İdman
A
"Qarabağ"ın direktoru Əmrah Çəlikəl Türkiyənin “Sabah” qəzetində dərc olunan köşə yazısına sərt reaksiya verib.

"Ölkə.Az"ın Qafqazinfo-ya istinadən xəbərinə görə, o  bildirib ki, ən böyük  fağırlıq Azərbaycan və Qarabağın uğurlarına dəstək olmamaqdır: “Əgər mənəviyyatdan xəbəriniz olsaydı, belə səviyyəsiz köşə yazıb, özünü gülünc vəziyyətə salmazdınız. Bir türk qəzeti olaraq Qarabağ həqiqətlərini Avropaya və dünyaya başa salsanız, o zaman “ezik” olmaqdan qurtula bilərsiniz. Tərtəmiz qəlblərlə və əllərlə yazılmış “Qarabağ” adı bizim üçün müqəddəsdir. O hərfləri yazan təmiz əllər var olsun”.

ŞƏRH YAZ
0

AÇ: Azərbaycan İtaliyaya qalib gəldi

AÇ: Azərbaycan İtaliyaya qalib gəldi
01:13
Bu gün
222
İdman
A
Yunanıstanda keçirilən şahmat üzrə klublararası Avropa çempionatında (AÇ) IV tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız İsrailin “Beer Şeva” klubu ilə üz-üzə gəlib.

Görüşdə qalib müəyyənləşməyib - 4:4. İlk xal itkisi ilə üzləşən komandamız yeddi xalla III pillədədir.

“Odlar Yurdu”nun qadınlar komandası isə İtaliyanın “Çaissa” klubu ilə üzləşib. Qızlarımızın dördü də öz görüşlərini qələbə ilə başa vurub - 4:0. Komandamız dörd xalla öz qrupunda III pillədədir.

Ölkə.Az

ŞƏRH YAZ
0

"Hətta komanda qalib gələn zaman mənə təhqirlər davam edirsə, buna başqa izah verə bilmirəm” — Mahir Mədətov

00:44
Bu gün
249
İdman
A
"İştirakım olmayan epizodlarda, mövqeyimdən uzaq baş verənlərdə, hətta komandamız qalib gələn zaman mənə təhqirlər davam edirsə, buna başqa izah verə bilmirəm”.

"Ölkə.Az" xəbər verir ki, bunu report-a açıqlamasında "Qarabağ” klubunun və Azərbaycan milli komandasının futbolçusu Mahir Mədətov ev oyunları zamanı fitə basılmasına cavab olaraq deyib.

Mədətov son oyunlarda qol vura bilməməsini belə izah edib:

"Hamıdan çox fərqlənib komandama kömək etmək istəyirəm. Futbol bir komanda oyunudur. Komanda yoldaşım fərqlənirsə, bu, hamımızın uğurudur. Azarkeş də komandanı dəstəkləyir, hansısa bir futbolçunu yox. Hər zamankından daha çox çalışıram ki, komandaya xeyir verim. Düzdür, beynəlxalq oyunlarda hələ qol vurmamışam. Amma inanıram ki, o da olacaq”.

"Özümü kiməsə sübut etmək kimi fikrim yoxdur” deyən hücumçu əsas məqsədinin baş məşqçi Qurban Qurbanovun verdiyi tapşırıqları yerinə yetirməkdən ibarət olduğunu vurğulayıb:

"Futbolçuyam, öz işimi görürəm, baş məşqçinin verdiyi tapşırıqlara əməl edirəm. Üzərimə düşən vəzifəmi, işimi icra etməyə çalışıram.

Mahir Mədətov "Qarabağ"ın İngiltərə "Arsenal"ı ilə Avropa Liqası, Azərbaycan yığmasının isə Malta ilə UEFA Millətlər Liqası matçlarında qol epizodlarından yararlana bilmədiyi üçün azarkeşlərin sərt reaksiyası ilə qarşılaşıb.

Ölkə.Az

ŞƏRH YAZ
0
BAĞLA