“Qarabağ” UEFA-ya müraciət edib

“Qarabağ” UEFA-ya müraciət edib
22:32
17.07.2017
9
İdman
A
Xəbər verdiyimiz kimi, “Qarabağ” sabah Çempionlar Liqasının II təsnifat mərhələsinin cavab matçında “Samtredia”yla qarşılaşacaq.

Ölkə.Az-ın məlumatına görə, Azərbaycan təmsilçisi qarşılaşmada mümkün ola biləcək erməni təxribatının qarşısını almaq üçün həm Gürcüstan klubuna, həm də UEFA-ya müraciət edib.

Matça Ermənistan və qondarma Dağlıq Qarabağın bayraqlarının gətirilməsinin qarşısının alınması yönündə ağdamlıların rəsmiləri UEFA və Gürcüstan təmsilçiləri ilə görüşüb və stadiona yalnız Gürcüstan və Azərbaycan bayrağının buraxılacağı barədə qərar qəbul edilib.

Gürcüstan tərəfi də yarana biləcək erməni təxribatının qarşısını almaq üçün maksimum çalışacaqlarını bildirib.

ŞƏRH YAZ
0

UEFA Azərbaycanın 6 komandasına maliyyə yardımı edib

UEFA Azərbaycanın 6 komandasına maliyyə yardımı edib
19:31
Bu gün
195
İdman
A
UEFA Azərbaycan klublarına maliyyə yardımı edib.

"Ölkə.Az" xəbər verir ki, qitə futbol qurumu Premyer Liqada çıxış edən 6 komandaya pul göndərib.
 
2016/17 mövsümünü əhatə edən UEFA-nın “Həmrəylik ödəmələri və uşaq futbolunun inkişafı” proqramı çərçivəsində həmin mövsüm Azərbaycan Premyer Liqasında çıxış etmiş, amma UEFA Çempionlar Liqası və Avropa Liqası turnirinin qrup mərhələsinə vəsiqə qazanmamış klubların hesabına UEFA-dan ayrılan maliyyə vəsaiti AFFA-nın vasitəçiliyi ilə klublara köçürülüb.
 
Belə ki, 6 komandanın – “Zirə”, “Keşlə”, “Sumqayıt”, AZAL, “Neftçi” və “Kəpəz”in hər birinə 71 min 53 avro ödənilib.
 
Qeyd edək ki, “Kəpəz” və “Keşlə” (sabiq “İnter”) üçün nəzərdə tutulmuş vəsait klubların aylıq cari xərclərini ödəmək üçün növbəti aylarda hesablarına köçürüləcək.

ŞƏRH YAZ
0

“Qarabağ” – “Çelsi” oyununu kimlər idarə edəcək?

“Qarabağ” – “Çelsi” oyununu kimlər idarə edəcək?
15:10
Bu gün
716
İdman
A
Çempionlar Liqasının qrup mərhələsi çərçivəsində keçiriləcək “Qarabağ” – “Çelsi” matçının hakimləri açıqlanıb.

"Ölkə.Az" xəbər verir ki, Bakı Olimpiya Stadionunda baş tutacaq oyun potuqaliyalı hakimlər briqadasına həvalə olunub.

Qarşılaşmanın baş hakimi Manuel De Sousa olacaq. Ona bu işdə Alvaro Mesquita və Rikardo Santos yardım edəcəklər. Fabio Verissimo ilə Luis Migel Branko Godinyo baş hakimin əlavə köməkçiləri olacaqlar. Dördüncü hakim funksiyasını isə Nuno Pereira yerinə yetirəcək.

Qeyd edək ki, oyun noyabrın 22-də, saat 21:00-da başlayacaq.

ŞƏRH YAZ
0
BAĞLA