“Qarabağ” “Vorskla” ilә matçda hesabı açdı — YENİLӘNİB

“Qarabağ” “Vorskla” ilә matçda hesabı açdı
00:21
09.11.2018
1082
İdman
A
"Qarabağ" Avropa Liqasında bu mövsüm ilk qolunu vurdu.

"Ölkә.Az" xәbәr verir ki, "Qarabağ"ın qolunu matçın 13-cü dәqiqәsindә penaltidәn Araz Abdullayev vurub.

***

Futbol üzrə UEFA Avropa Liqasının qrup mərhələsinin dördüncü turu çərçivəsində noyabrın 8-də saat 00:00-da başlayacaq “Qarabağ”–“Vorskla” görüşü üçün komandaların start heyətləri açıqlanıb.

"Ölkə.Az" xəbər verir ki, “Qarabağ”ın start heyətində Hannes Tur Halldorsson, Qara Qarayev, Maksim Medvedev, Simoen Slavçev, Miçel, Araz Abdullayev, Rəşad Sadıqov, Abdulah Zubir, Con Delarj, Yakub Jezniçak və Donald Gerye yer alıblar.

“Vorskla” klubunun ilk onbirliyində isə meydana Boqdan Şust, İqor Perduta, Nadjip Yakubu, Aleksandr Sklya, Vladislav Kulaç, Vyaçeslav Şarpar, Vladimir Çesnakov, Vadim Sapay, Yuri Kolomoyets, Ardin Dallku və Pavlo Rebenyo çıxacaqlar.

Aleksey Butovski adına stadionda keçiriləcək qarşılaşmanı İsveçrədən olan hakimlər briqadası idarə edəcək. Görüşün baş hakimi Sandro Şörer olacaq. Bekim Zoqay və Ştefan De Almeyda isə yan xətt hakimi funksiyasını yerinə yetirəcəklər.

“E” qrupunun digər oyunu İngiltərədə oynanılacaq. “Arsenal” klubu İngiltərənin “Sportinq” komandasını qəbul edəcək.

Üç turdan sonra “E” qrupuna 9 xalla “Arsenal” liderlik edir. “Sportinq”in 6, “Vorskla”nın 3 xalı var. Ağdam təmsilçisi qrupda keçirdiyi hər üç görüşdə uduzub.

UEFA Avropa Liqasının 2018-2019-cu il mövsümünün final oyunu gələn il mayın 29-da Bakı Olimpiya Stadionunda keçiriləcək.

Ölkə.Az

ŞƏRH YAZ
0

“Mançester Yunayted”də iki ciddi itki

“Mançester Yunayted”də iki ciddi itki
01:17
Bu gün
132
İdman
A
İngiltərənin “Mançester Yunayted” klubunun futbolçuları Antonio Marsyal və Cessi Linqard 2-3 həftə yaşıl meydanlardan kənarda qalacaq.

“Ölkə.Az” xəbər verir ki, bu barədə “qırmızı şeytanların” baş məşqçisi Ole-Qunnar Sulşer məlumat verib.

Onun sözlərinə əsasən, hər iki futbolçu İngiltərə kubokunun 1/8 finalında “Çelsi”,  Premyer Liqanın 27-ci turunda “Liverpul”la oyunları dəqiq buraxacaqlar.

Onlar Çempionlar Liqasının 1/8 finalında PSJ ilə cavab matçında da iştirak etməyə bilərlər.

Qeyd edək ki, hər iki oyunçu PSJ ilə ilk qarşılaşmada zədələnib.

Ölkə.Az

ŞƏRH YAZ
0

Arvadını döyən dünya çempionu həbs edildi

Arvadını döyən dünya çempionu həbs edildi
14:16
15.02.2019
2296
İdman
A
Azərbaycanın kikboks üzrə dörd qat dünya çempionu Anar Süleymanov həbs olunub.

"Ölkə.Az" xəbər verir ki, bu barədə “Qafqazinfo” məlumat yayıb.

A.Süleymanov arvadı Ş.-nı döyməkdə ittiham olunur. İttihama görə, idmançı 2018-ci il noyabrın 5-də Nərimanov rayonunda yaşadığı evdə arvadını döyüb. Əvvəllər tələbəsi olmuş həyat yoldaşı da kikboks üzrə dünya çempionudur. 

Xanım polisə izahatında göstərib ki, A.Süleymanovla cəmi iki ay evli olub:

“Həmin müddət ərzində də məni qapalı yerdə saxlayıb, dəfələrlə döyüb. Məni boğaraq dilimi ağzımdan çıxarıb öldürmək istəyirdi. Sonuncu dəfə döyüldükdən sonra qayınanamın evdə olmasından istifadə edib qapını açıb qaçaraq atam evinə qayıtdım. Lakin Anar məni və ailə üzvlərimi ölümlə hədələyirdi. Evli olduğumuz vaxt mənə deyirdi ki, “kriminal aləmin üzvləriyik, biz heç kimdən qorxmuruq”. Üzümə yumruqla vururdu, saçımdan tutub evdə sürüyürdü, təpikləyirdi”. 

Zərərçəkmiş Ş. 17-ci Polis Bölməsinə şikayət edib və A.Süleymanov barəsində İnzibati Xətalar Məcəlləsinin 157-ci (döymə) maddəsi ilə protokol tərtib olunub. Nərimanov rayon Məhkəməsinin hakimi Vüsal Qurbanov protokol üzrə qərarını elan edib və A.Süleymanov fevralın 13-dən etibarən 20 gün müddətinə inzibati qaydada həbs olunub. 

A.Süleymanov Azərbaycan Kikboks Federasiyasının qızlardan ibarət milli komandanın baş məşqçisi olub.

ŞƏRH YAZ
0
BAĞLA