Qarabağda mərmi partladı — Erməni xəstəxanalıq oldu

Qarabağda mərmi partladı
20:54
19.06.2019
1694
Hadisə
A
Azərbaycanın işğal altında olan Dağlıq Qarabağ bölgəsində avia mərminin partlaması nəticəsində 34 yaşlı Ararat Sarkisyan yaralanıb.

"Ölkә.Az"ın məlumatına görə, o, üzüm bağında işləyərkən mərmi partlayıb və ağır xəsarət alıb.

Yaralı xəstəxanaya yerləşdirilib. 

Hadisənin detalları barədə məlumat verilmir.

Ölkә.Az

ŞƏRH YAZ
0

Qusarda qar qəzaya səbəb oldu: “VAZ” yük maşınına çırpıldı — VİDEO

Qusarda qar qəzaya səbəb oldu: “VAZ” yük maşınına çırpıldı
15:52
Bu gün
199
Hadisə
A
Qusarda yol-nəqliyyat hadisəsi baş verib.

"Ölkə.Az"ın Trend-ə istinadən məlumatına görə, hadisəyə səbəb kimi qarlı hava şəraiti göstərilir.

Belə ki, “VAZ” markalı avtomobil buzlu yolda hərəkətdə olarkən idarətməni itirib. Yoldan çıxan minik avtomobili kənarda park edilən yük avtomobilinə çırpılıb.

Hadisədə xəsarət alanın olub-olmamağı barədə məlumat yoxdur. Qəza yerinə Dövlət Yol Patrul xidmətinin əməkdaşları cəlb olunublar.

ŞƏRH YAZ
0

Mingəçevirdəki atışma ilə bağlı həbs edilənlər var

Mingəçevirdəki atışma ilə bağlı həbs edilənlər var
12:39
Bu gün
459
Hadisə
A
Xəbər verildiyi kimi, yanvarın 20-də Mingəçevir şəhər sakini Ziyad Mirzəyevin odlu silahdan açılmış atəş nəticəsində xəsarət alaraq xəstəxanaya daxil olması faktı ilə bağlı Mingəçevir şəhər prokurorluğunda cinayət işi başlanmış, müvafiq ekspertizalar təyin olunmuş, eləcə də iş üzrə digər zəruri istintaq-əməliyyat tədbirləri həyata keçirilib.

Baş Prokurorluğun Mətbuat xidmətindən "Ölkə.Az"a verilən məlumatda deyilir ki, aparılan istintaqla, qeyd edilən tarixdə saat 18 radələrində Mingəçevir şəhər sakini Elsevər Quliyevin qohumu Firdovsi Qasımov ilə birlikdə sonuncunun idarə etdiyi “Hyundai Sonata” markalı avtomobillə ilə əvvəllər aralarında baş vermiş münaqişə ilə əlaqədar Ziyad Mirzəyevdən qisas almaq məqsədilə sonuncunun sərnişini olduğu “VAZ 2107” markalı avtomobilin qarşısını kəsərək avtomobildən düşüb üzərində gəzdirdiyi odlu silahdan 2 dəfə atəş açaraq onu yaralamasına, Ziyad Mirzəyev avtomobildən düşüb qaçarkən Elsevər Quliyevin ona doğru üçüncü dəfə atəş açmasına, lakin yaranmış səs-küylə bağlı ətrafa xeyli adamın toplaşması səbəbindən cinayətkar niyyətini başa çatdıra bilmədən gəldiyi avtomobillə hadisə yerindən uzaqlaşmasına əsaslı şübhələr müəyyən edilib.

Qeyd olunub ki, təxirəsalınmaz istintaq-əməliyyat tədbirləri ilə E.Quliyevlə qabaqcadan əlbir olan və Z.Mirzəyevi izləyərək onun yeri barədə E.Quliyevə məlumat verən digər qohumu Ülvi İsmayılovun hadisə zamanı odlu silahdan açılan atəş nəticəsində yaralanan və hadisə yerindən qaçan Z.Mirzəyevi öldürmək məqsədi ilə üzərində gəzdirdiyi baltanı götürüb onu təqib etməsinə, Z.Mirzəyevin yaşayış binalarının arasında gözdən itməsi və yaranmış əlverişsiz şəraitlə əlaqədar öz cinayətkar niyyətini başa çatdıra bilmədən hadisə yerindən uzaqlaşmasına şübhələr üçün əsaslar müəyyən edilib.

Bundan başqa, istintaqla E.Quliyev və Ü.İsmayılovun qabaqcadan əlbir olaraq törətmiş olduqları xüsusilə ağır cinayətin qohumları Nahid Həsənov və Firdovsi Qasımov tərəfindən bilərəkdən gizlədilməsinə əsaslı şübhələr müəyyən edilib.

E.Quliyev və Ü.İsmayılova Cinayət Məcəlləsinin 29, 120.2.1-ci (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürməyə cəhd) maddəsi ilə ittiham elan edilərək barələrində məhkəmənin qərarı ilə həbs, F.Qasımov və N.Həsənova isə Cinayət Məcəlləsinin 307.3-cü (qabaqcadan vəd etmədən xüsusilə ağır cinayəti gizlətmə) maddəsi ilə ittiham elan edilərək barələrində polisin nəzarəti altına vermə qətimkan tədbiri seçilib.

Hazırda iş üzrə zəruri istintaq tədbirləri davam etdirilir.

ŞƏRH YAZ
0
BAĞLA