Qarabağda separatçı rejimi dəstəkləyən fırıldaqçı erməni iş adamı öldü

Qarabağda separatçı rejimi dəstəkləyən fırıldaqçı erməni iş adamı öldü
14:36
18.10.2017
243
Dünya
A
Rusiyada yaşayan iş adamı Levon Ayrapetyan ölüb.

"Ölkə.Az" xəbər verir ki, Levon Dağlıq Qarabağdakı separatçı rejimi maliyyələşdirirdi. Ayrapetyanın ölüm xəbərini Ermənistanın XİN-in mətbuat katibi Tiqran Balayan Tvitter hesabında paylaşıb.

Bəs Ayrapetyan kimdir? Levon Rusiyada Başkiriyanın keçmiş senatoru İqor İzmestyevin anasından 700 min dollar oğurladığı üçün cinayət məsuliyyətinə cəlb edilmişdi. İstintaq bildirir ki, iş adamı senatorun anasını aldadaraq 700 min dollarını alıb. Terrorizmdə ittiham edilən İzmestyev ömürlük həbsə məhkum edilmişdi. Ayrapetyan isə guya 700 min dollar müqabilində işi yüngülləşdirəcəkdi.

İstintaqın getdiyi iki il ərzində iş adamı müvəqqəti təcridxanada saxlanılıb. 2016-cı ilin iyun ayında Moskva məhkəməsi Ayrapetyanı 4 il müddətinə azadlıqdan məhrum etdi. Levon bundan başqa zərərçəkmişə 20.8 milyon rubl təzminat ödəməli idi.

Levonun vəkili apellyasiya şikayəti versə də, məhkəmə Levonun əmlakından həbsi götürmək barədə qərarını ləğv etməyib.

Hikmət Həsənov
Ölkə.Az

ŞƏRH YAZ
0

Stiven Hokinqin şəxsi əşyaları satışa çıxarıldı

Stiven Hokinqin şəxsi əşyaları satışa çıxarıldı
11:58
Bu gün
60
Dünya
A
Stiven Hokinqin bəzi şəxsi və qiymətli əşyaları satışa çıxarılıb.

“Ölkə.Az” xəbər verir ki, Hokinqin doktorluq üzrə elmi işi və əlil arabası da satışa çıxarılan əşyaların arasındadır.

Hokinq 2018-ci ilin 14 mart tarixində dünyasını dəyişib və ona məxsus 22 əşya internet vasitəsilə satışa çıxarılıb. Onlar arasında, bəzi mükafatlar, doktorluq elmi işi, əlil arabası da var. Hərrac 31 oktyabr- 8 noyabr tarixləri arasında baş tutacaq.

Mərhum alimin 1965-ci ildə Kembric universitetində hazırladığı elmi işinə 130 min dollar qiymət qoyulub. Bu elmi işi yazmağa başlayanda Stiven ALS xəstəliyinə tutulub. Xəstəlikdən sonra Hokinq tamamilə iflic olmuşdu və danışa bilmirdi. Onun əlil arabasında isə 19 min dollar qiymət qoyulub.

Satışa çıxarılan əşyalar arasında “The Simpsons” çizgi filminin bəzi senariləri də var. Əldə edilən gəlir isə Stiven Hokinq fondunun hesabına köçürüləcək.

Hikmət Həsənov
Ölkə.Az

ŞƏRH YAZ
0

Amerikalı milyarder Corc Sorosa sui-qəsd

Amerikalı milyarder Corc Sorosa sui-qəsd
10:55
Bu gün
524
Dünya
A
Amerikalı milyarder Corc Sorosun Nyu-Yorkdakı evinin poçt qutusunda partlayıcı maddə tapılıb.

"Ölkə.Az” xəbər verir ki, Sorosun evdə olmadığı vaxt göndərilən partlayıcı maddə dolu paket mütəxəssislər tərəfindən zərərsizləşdirilib. Corc Soros Demokratlar partiyasını dəstəklədiyi üçün ifrat sağ görüşlü qrupların hədəflərindən birinə çevrilib.

Nyu-York polisi və FBİ xəfiyyələrinin axın etdiyi evdən verilən məlumata görə, Sorosun işçilərindən biri poçt qutusuna qoyulan paketi yoxlayıb. Paketin içində partlayıcı maddə olduğunu başa düşən şəxs onu meşə ərazisinə aparıb və polisə xəbər verib. Hazırda istintaqla FBİ məşğul olur.

Hikmət Həsənov
Ölkə.Az

 

ŞƏRH YAZ
0
BAĞLA