"Ölkə.Az"ın məlumatına görə, "Qarabağ" öz meydanında "Qəbələ"ni qəbul edib. Qarşılaşmada hesabı 30-cu dəqiqədə A.Zubir açıb - 1:0. Birinci hissəyə əlavə olunmuş vaxtda (45+1) A.Abdullayev hesabdakı fərqi 2-yə çatdırıb - 2:0.

Oyunun ikinci hissəsinədə ev sahibi daha fəal başlayıb və 61-ci dəqiqədə C.Delarjın qolu ilə hesab 3:0 olub. 11 dəqiqə sonra (72-ci dəqiqə) A.Zubir özünün 2-ci komandasının 4-cü qolunu vurub - 4:0. Əsas vaxtın sonuncu dəqiqəsində "Qəbələ"nin oyunçusu R.Ramaldanov komandasının oyundakı yeganı qolunu vurub.

Qonaqların oyunçusu T.Xəlilzadə 90+2-ci dəqiqədə qırmızı vərəqə alaraq meydandan qovulub.

Oyun 4:1 hesbaı ilə başa çatıb.

Ölkə.Az

"Ölkə.Az" bildirir ki, bu fikirləri AFFA-nın baş katibi Elxan Məmmədov səsləndirib.

“Biz “Arsenal” klubu, Mxitaryan və onun ailəsi tərəfindən birgə qəbul edilmiş bu əsassız qərara görə təəssüflənirik. Oyunçunun şəxsi qərarını başa düşürük, lakin bir daha qeyd etmək istəyirəm ki, oyuna ev sahibliyi edən ölkə olaraq Azərbaycan UEFA-nın da tələb etdiyi kimi, Mxitaryanın təhlükəsizliyinin təmin edilməsinə zəmanət verir. Azərbaycanın zəmanətini hansısa şübhə altına qoymaq üçün heç bir əsas yoxdur”.

“ Son onilliklərdə çoxlu sayda erməni idmançı heç bir insident olmadan Azərbaycanda keçirilmiş beynəlxalq yarışlarda iştirak edib. Hesab edirik ki,  təəssüf doğuran bu məqam böyük idman bayramının üzərinə kölgə salmayacaq. Hər iki komandanın  Bakıya gəlişini səbirsizliklə gözləyirik”, - deyə AFFA rəsmisi bəyan edib.

Xatırladaq ki, London klubu erməni əsilli Henrix Mxitaryanın Bakıya  gəlməyinə icazə verməyib.

“ Biz təəssüflə qeyd edirik ki, Henrix Mxitaryan komandayla birlikdə Avropa Liqasının final oyununda  iştirak etmək üçün Bakıya getməyəcək. Biz Mxitaryanı komandanın heyətinə qəbul etmək üçün bütün yolları araşdırdıq.

Lakin bu məsələni onunla və ailə üzvləri ilə müzakirə etdikdən sonra, onun getməməsinə dair birgə qərar verdik. Biz bu barədə UEFA-ya dərin narahatlığımızı bildirmişik. Mxitaryan qələbə yolunda bizim üçün əsas oyunçulardan biridir və onun oyunda iştirak etməməsi bizim üçün böyük itkidir. Oyunçunun finalı buraxması nadir hallardandır. Biz Bakıya gedənə qədər o hazırlıq məşqlərində iştirak edəcək”, - deyə “Arsenal” rəhbərliyi bildirib.

Ölkə.Az

“Növbəti həftənin çərşənbə günü UEFA Avropa Liqasının final oyununda “Çelsi” ilə qarşılaşacaq “Arsenal” komandasının futbolçusu Henrix Mxitaryanın Bakıya gəlməməsi ilə bağlı klubun açıqlaması, anladığımız qədər “Arsenal”, futbolçu və onun ailəsi tərəfindən kollektiv şəkildə verilmiş bu əsaslandırılmamış qərar bizi təəssüfləndirdi. 

Futbolçunun ölkəmizə gəlməməklə bağlı şəxsi qərarını anlasaq da, bir daha bildiririk ki, UEFA-nın tələblərinə uyğun olaraq, Azərbaycan finalın ev sahibi kimi Mxitaryanın şəxsi təhlükəsizliyinə təmin olunmasına zəmanət verdi. Azərbaycan tərəfinin verdiyi zəmanətin ciddiliyini şübhə altına salmaq üçün heç bir səbəb yoxdur. Ötən illər ərzində Azərbaycan öz ərazisində keçirilmiş beynəlxalq idman tədbirlərində çoxsaylı erməni əsilli idmançıların problemsiz iştirakını təmin edib.

Nəhayət, hesab edirik ki, bu təəssüf doğuran açıqlama səbirsizliklə gözlədiyimiz final oyununun keyfiyyətinə və möhtəşəmliyinə heç bir şəkildə mənfi təsir göstərməyəcək. Tezliklə Bakıya təşrif buyuracaq hər iki komandanı qarşılamağa tam hazırıq”.

Ölkə.Az