"Qarabağ"ın baş məşqçisi olduğum üçün fəxr edirəm" — Qurban Qurbanov

01:43
13.09.2017
425
İdman
A

“Çempionlar Liqasının qalibi olmağa namizəd bir komanda ilə oynadıq, “Çelsi”nin gücü hər kəsə məlumdur”.

 

Ölkə.az-ın məlumatına görə, bu sözləri “Qarabağ”ın baş məşqçisi Qurban Qurbanov Çempionlar Liqasının qrup mərhələsində “Çelsi” ilə səfər oyunundan sonra keçirilən mətbuat konfransında deyib.

 

O, London klubuna 0:6 hesabı ilə uduzmalarını turnirdə təcrübələrinin olmamaları ilə əlaqləndəririb:

 

“Təbii ki, müəyyən səhvlər etdik, bu da bizim bu turnirdə ilk oyunumuz olmağı ilə bağlıdır. Səhvlərimiz üzərində işləyəcəyik. Çempionlar Liqası bizim üçün yenidir. “Qarabağ”ın baş məşqçisi olduğum üçün fəxr edirəm. Komandamızın Azərbaycanı təmsil etməsi məsuliyyətimizi artırır. Səhvlərimizdən nəticə çıxarıb öz üzərimizdə işləməyə davam edəcəyik. “Çelsi” və Antonio Konteni də qələbə münasibəti ilə təbrik edirəm”.

ŞƏRH YAZ
0

İspaniya İranı məğlub etdi

İspaniya İranı məğlub etdi
00:24
Bu gün
310
İdman
A
Futbol üzrə İspaniya millisi DÇ-2018-in qrup mərhələsinin ikinci turunda İran üzərində qələbə qazanıb.

“Ölkə.Az” xəbər verir ki, Kazanın "Kazan Arena" stadionunda keçirilən görüş ispanların 1:0 hesablı qələbəsi ilə başa çatıb.

Yeganə qolu 54-cü dəqiqədə Dieqo Kosta vurub. Bu, Kostanın DÇ-2018-də 3-cü qolu olub. 30 yaşlı forvard daha əvvəl Portuqaliya ilə 3:3 hesablı heç-heçə etdikləri görüşdə dubla imza atıb.

İran yığması hesabda geri düşdükdən sonra qol vurmağı bacarsa da, VAR sisteminə müraciət olunduqdan sonra həmin epizodda ofsayd qeydə alınıb. Bu qələbə sayəsində İspaniya xallarını 4-ə çatdıraraq, Portuqaliyanın liderliyinə şərik çıxıb. 3 xala malik İran da 1/8 fnala vəsiqə şanslarını qoruyur. Xalsız Mərakeş isə qrupda qalıb.

Qeyd edək ki, bu gün keçirilmiş hər 3 qarşılaşmada 1:0 hesabı qeydə alınıb. A qrupunda Uruqvay Səudiyyə Ərəbistanını, B qrupunda isə Portuqaliya Mərakeşi minimal hesabla yenib.

DÇ-2018, II tur, B qrupu

16:00. Portuqaliya - Mərakeş 1:0

Qol: Kriştianu Ronaldu, 4

Hakimlər: Mark Geyger (ABŞ), Co Fletçer (Kanada), Frank Anderson (ABŞ), Sergey Karasyov, Anton Averyanov (hər ikisi Rusiya)

Moskva, "Lujniki" stadionu

A qrupu

19:00. Uruqvay - Səudiyyə Ərəbistanı - 1:0

Qol: Luis Suares, 23

Hakimlər: Kleman Turpen, Nikola Dano, Siril Qrinqor (hamısı Fransa), Con Pitti, Qabriel Viktoriya (hər ikisi Panama)

Rostov-Don, "Rostov Arena"

B qrupu

22:00. İran - İspaniya - 0:1

Qol: Dieqo Kosta, 54

Hakimlər: Andres Kunya, Nikolas Taran, Maurisio Espinoza (hamısı Uruqvay), Xulio Baskunyan, Kristian Şimann (hər ikisi Çili)

Kazan, "Kazan Arena".

Ölkə.Az

ŞƏRH YAZ
0

Uruqvay da Rusiya kimi 1/8 finala vəsiqəni təmin etdi — VİDEO

Uruqvay da Rusiya kimi 1/8 finala vəsiqəni təmin etdi
21:24
20.06.2018
307
İdman
A
Rusiyada keçirilən futbol üzrə Dünya Çempionatının qrup mərhələsinin ilk turu davam edir.

"Ölkə.Az" xəbər verir ki, "A" qrupu çərçivəsində baş tutan matç Uruqvay və Səudiyyə Ərəbistanı milliləri arasında keçirilib.

Oyun uruqvaylıların 1-0 hesablı qələbəsi ilə yekunlaşıb. Matçda yeganə qolu 23-cü dəqiqədə qapıçının çıxışdakı səhvindən yararlanan Luis Suarez vurub.

Artıq "A" qrupunda növbəti mərhələyə adlayan komandalar məlumdur. Hər iki görüşlərini qələbə qazanaraq xallarını 6-ya çatdıran Rusiya və Uruqvay milliləri 1/8 finala vəsiqəni təmin ediblər. Misir və Səudiyyə Ərəbistanı isə son qrupdakə son oyunlarından asılı olmayaraq qrupda qalıblar.

Bildirək ki, günün son matçı Bakı vaxtı ilə saat 22:00-da İran və İspaniya komandaları arasında baş tutacaq.

Ölkə.Az

ŞƏRH YAZ
0
BAĞLA