““Qarabağ\"ın büdcəsi bizdən qat-qat çoxdur”
"Partizani"nin baş məşqçisi Franko Lerda “Qarabağ”la oyundan öncə mətbuat konfransı keçirib.
“Ölkə.Az” xəbər verir ki, o, ilk oyundakı nəticədən sonra Bakıya ümidli gəldiklərini söyləyib:
“Mərhələ adlamaq üçün əlimizdən gələni edəcəyik. Bura turist kimi gəlməmişik. Var gücümüzlə çıxış edəcəyik. İlk oyun geridə qalıb. Cavab matçında uğurlu nəticə qazanmağa çalışacağıq. Qələbə qazanacağımıza 100 faiz əmin deyilik. "Qarabağ"ın büdcəsi bizdən qat-qat çoxdur. Amma futbolda hər şey ola bilər”.
Qeyd edək ki, “Partizani” sabah Çempionlar Liqasının I təsnifat mərhələsi çərçivəsində "Qarbağ"ın qonağı olacaq.
Ölkə.Az
