“Qarabağ”ın Çempionlar Liqasında 14 potensial rəqibi müəyyənləşib

“Qarabağ”ın Çempionlar Liqasında 14 potensial rəqibi müəyyənləşib
19:07
17.04.2017
56
İdman
A
Azərbaycanı Çempionlar Liqasında təmsil edəcək komanda müəyyənləşib.

Apasport.az saytının məlumatına görə, ardıcıl 4-cü dəfə qızıl medal qazanan “Qarabağ” qitənin ən nüfuzlu klub turnirində mübarizə aparacaq.

Premyer Liqanın sonuna 2 tur qalmış 1-ci yeri təmin edən “ağ-qaralar” Çempionlar Liqasına əvvəlki illərdə olduğu kimi, yenə II təsnifat mərhələsindən başlayacaq. Bu raunda qitənin 34 çempionu qatılacaq.

Bu klublardan beşi I təsnifat mərhələsindən gələcək. Belə ki, ən zəif 10 çempion hamıdan əvvəl mübarizəyə başlayacaq. Digər 29 klub isə meydana II təsnifat mərhələsindən çıxacaq.

“Qarabağ” bu 29 komanda arasında yer alıb. Burada daha 11 komanda bəllidi. Qurban Qurbanovun komandası mərhələyə vəsiqə qazanan 12-ci iştirakçıdı. “Qarabağ” reytinqinə görə bu 12 komanda arasında üçüncüdü. Buna əsasən təmsilçimizin səpələnmişlər arasında olacağı daha inandırıcıdı. Ağdamlılar yalnız “Seltik”lə BATE-dən geri qalır.

Lakin səbətlər hələ tam dəqiqləşmədiyindən 11 komandanın hər biri potensial rəqib sayılır. I təsnifat mərhələsinin 10 iştirakçısından bəlli olan 3 komanda da potensial rəqib hesab edilir. Bu üzdən çempionumuzun 14 mümkün rəqibinin olduğunu demək olar.

Çempionlar Liqası

II təsnifat mərhələsi

“Seltik” (Şotlandiya) – 42,785

BATE (Belarus) – 29,475

“Qarabağ” (Azərbaycan) – 18,050

“Malmö” (İsveç) – 16,945

“Astana” (Qazaxıstan) – 16,800

“Rusenborq” (Norveç) – 12,665

“Hafnarfyordur” (İslandiya) – 6,175

“Jalgiris” (Litva) – 5,825

“Dandalk” (İrlandiya) – 5,815

“Mariehamn” (Finlandiya) – 2,030

“Spartak” (Latviya) – 1,975

“Samtredia” (Gürcüstan) – 1,525

I təsnifat mərhələsi

TNS (Uels) – 5,775

“Vikinqur” (Farer adaları) – 2,950

“İnfonet” (Estoniya) – 1,300

Ölkə.Az

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
461
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0

Futbol üzrə milli komandamızın heyəti açıqlanıb

Futbol üzrə milli komandamızın heyəti açıqlanıb
21:05
21.05.2018
1082
İdman
A
Azərbaycan milli komandasının heyəti açıqlanıb.

"Ölkə.Az" AFFA-ya istinadən xəbər verir ki, baş məşqçi Qurban Qurbanov 27 futbolçuya dəvət göndərib.

Qapıçılar: Kamran Ağayev (“Keşlə”), Anar Nəzirov (“Zirə”), Səlahət Ağayev (“Neftçi”)

Müdafiəçilər: Maksim Medvedev, Bədavi Hüseynov (hər ikisi “Qarabağ”), Ruslan Abışov (“Neftçi”), Ürfan Abbasov, Təmkin Xəlilzadə, İlqar Qurbanov (hamısı “Qəbələ”), Rahil Məmmədov (“Səbail”), Slavik Alxasov (“Keşlə”), Pavel Paşayev (“Aleksandriya”, Ukrayna), Ufuk Budak (“Samsunspor”, Türkiyə)

Yarımmüdafiəçilər: Qara Qarayev, Coşqun Diniyev, Riçard Almeyda (hamısı “Qarabağ”), Namiq Ələsgərov, Rəhman Hacıyev, Emin Mahmudov (hamısı “Neftçi”), Ruslan Qurbanov, Cavid Hüseynov (hər ikisi “Qəbələ”), Cavid İmamverdiyev (“Sumqayıt”), Araz Abdullayev (“Anortosis”, Kipr), Dmitri Nazarov (“Erzgebirge”, Almaniya)

Hücumçular: Ramil Şeydayev, Mahir Mədətov (hər ikisi “Qarabağ”), Amil Yunanov (“Sumqayıt”)

Qeyd edək ki, yığmamız mayın 23-dən iyunun 2-dək Bakıda, iyunun 3-dən 6-dək Astanada, iyunun 7-dən 9-dək Riqada təlim-məşq toplanışı, mayın 29-da Qırğızıstan, iyunun 6-da Qazaxıstan, iyunun 9-da Latviya ilə yoldaşlıq oyunu keçirəcək.

ŞƏRH YAZ
0
BAĞLA