“Qarabağ”ın matçına bilet tükəndi
“Qarabağ”ın Çempionlar Liqasının pley-off mərhələsində qarşılaşacağı “Kopenhagen”lə matçın biletlərinin hamısı satılıb.
Ölkə.Az qafqazinfo-ya istinadən xəbər verir ki, hazırda Tofiq Bəhramov adına Respublika stadionunun qarşısındakı kassalarda bilet tükənib və satış dayanıb. Satışa çıxarılan 30 mindən çox 3 gün ərzində tükənib.
Kassalar önündə yüzlərlə azarkeş əliboş şəkildə geri qayıdırlar. Məlumata görə, hazırda “qara bazar”da bilet var və öz qiymətindən baha satılır.
Qeyd edək ki, “Qarabağ” üçün tarixi matç avqustun 15-də saat 20:00-da başlayacaq.
