"Qarabağ"ın müdafiəçisi: "Oyunun dayanmağı bizim xeyrimizə oldu"

10:39
09.11.2018
1001
İdman
A
"Çətin oyun olacağını əvvəlcədən bilirdik. Hava şəraiti amili də var idi. Meydan demək olar ki, donmuşdu. Pasla oynamaq bir az çətin idi. Amma bu çətinliklərə dözdük. Öz oyunumuzu oynamağa başladıq. Maraqlı oyun keçirdi. Meydanda mübarizə hiss olunurdu. Azarkeşlər də daha maraqlı olması üçün şou etdilər. Fikrimcə, bu, bir tərəfdən yaxşı olmasa da, digər tərəfdən bizim xoşumuza gəldi. Baxmayaraq ki, paltardəyişmə otağına getdik. Oyun bir qədər sonra yenidən başladı. Hər şey qaydasında idi. Çünki 1:0 öndəydik. Bizdə motivasiya da yaxşı idi. İstəyirdik ki, axıra kimi "Vorskla" ilə mübarizə aparaq. Təəssüf ki, Bakıdakı oyunda məğlub olmuşduq. Yaxşı ki, bu görüşdə qələbə qazana bildik. Təbii ki, sevinirik. Artıq komandada yaxşı əhval-ruhiyyə yaranıb. Növbəti matçlarda da daha yaxşı oynamalıyıq".

"Ölkə.Az"ın Report-a istinadən xəbər verir ki, bu fikirləri "Qarabağ"ın futbolçusu Maksim Medvedev Avropa Liqasının qrup mərhələsinin IV turunda səfərdə Ukrayna "Vorskla"sını 1:0 hesabı ilə məğlub etdikləri oyun barədə danışarkən deyib.

29 yaşlı müdafiəçi daha sonra jurnalistlərin suallarını cavablandırıb

- Oyunun dayanmağı motivasiya baxımından sizin xeyrinizə oldu?

- Gizlətməyəcəyəm. Əlbəttə ki, xeyrimizə oldu. Çünki rəqib 0:1 hesabı ilə geridəydi. İstəyirdilər ki, pressinq etsinlər və daha çox vuruşsunlar. Səhv eləmirəmsə, matç 65-ci dəqiqədən etibarən 8 dəqiqə dayandı. Komanda olaraq paltardəyişmə otağına getdik və bir az istirahət etdik. Yenidən meydana qayıtdıq. Demək olar ki, oyunun dayanmağı bizim xeyrimizə oldu.

- Oyunun dayandırılma ehtimalını əvvəlcədən düşünmüşdünüz?

- Sözün düzü, hadisəni birinci onların azarkeşləri başlatdı. Biz də bunu normal qarşılayırıq. Belə şeylərlə bizi təəccübləndirmək olmur. Oyunun davam edəcəyini fikirləşirdik. Sonra bizim azarkeşlər də bəzi vasitələrdən istifadə etdi. Ondan sonra isə oyun dayandı.

- Qrupdakı şanslarınızı necə qiymətləndirirsiniz?

- Komandanın aktivində üç xal var. Bu çox yaxşıdır. Çalışacağıq ki, digər iki çətin rəqibdən də xal alaq. "Vorskla"da bizim kimi mübarizə aparacaq. Biz "Arsenal" və "Sportinq" komandalarının səviyyəsini başa düşürük. Onlara qarşı oynamaq çox çətindir. "Sportinq"lə Bakıda qarşılaşacağıq. Həmin oyuna da çox yaxşı hazırlaşmalıyıq.

- Rəqib sizə qarşı qaydanı pozdu və penalti təyin olundu. Həmin an barədə nə deyə bilərsiniz?

- Birinci matçda bizim qapıçımız səhvə yol vermişdi. Bu oyunda isə rəqib səhv etdi. Adi futbol epizodu idi. Müdafiəçi qapıçıya pas verdi. Qapıçının topa müdaxilə etməsini gözlədim. Topa vurmaq istədim. O da mənə toxunmağa məcbur oldu. Əlbəttə ki, həmin an yerə yıxıldım. Həmin epizodda penalti qazanmağa gedirdim.

- Meydan sürüşkən idi. Amma rəqiblə müqayisədə siz buna görə problemlə üzləşmədiniz...

- Əslində, biz də çox problem yaşadıq. Qapıçı arada bizə pas verirdi. Amma topa uyğun gedə bilmirdi. Çünki top ya bərk gəlirdi, ya da istiqamətini dəyişirdi. Ot örtüyü donmuşdu, həm də meydanı sulamışdılar.

- Ola bilər ki, bunu bilərəkdən etsinlər?

- Buna inanmıram. Qayda var ki, meydanı sulamaq lazımdır. Ona görə ot örtüyü donmuşdu. Biz də əziyyət çəkirdik. Tək biz yox, rəqib də çətinliklərlə üzləşirdi. Top çox sürətli gedirdi, saxlamaq və pas vermək olmurdu.

Ölkə.Az

ŞƏRH YAZ
0

Neymar dostlarına hər ay 11 min avro — MAAŞ VERİR

Neymar dostlarına hər ay 11 min avro
03:01
Bu gün
1390
İdman
A
''Paris Saint Germain'' də forma geyinən Braziliyalı məşhur futbolçu Neymar dostlarına maaş verir.

''Ölkə.Az'' xəbər verir ki, braziliyalı məşhur futbolçu haqqında yeni iddia ortaya atılıb. Jurnallardan birində yer alan məlumata görə,  Neymar dostları onunla gecə ziyafətlərinə gəlsin deyə onlara 11 min avro maaş ödəyir.

Hətta bu iddia haqqında zarafatlar da var:

 ''Əgər Neymarın dostusunuzsa ölkədəki iqtisadi böhrandan, işzilikdən əziyyət çəkməzsiniz''.

Maraqlısı isə sözü gedən iddiada Neymarın sadəcə 3 dostun adı çəkilir. Lakin onlar da Neymar kimi milyonluq villalarda yaşayırlar.

Qeyd edək ki, bir zamanlar Neymarın şəxsi meneceri olan Eduarda Musanın onun dostlarına xərclədiyi pulları idarə edə bilmədiyinə görə, istefa verdiyi açıqlanmışdı.

Neymar arkadaşlarına aylık 11 bin euro maaş veriyor

Nərmin Nuru

Ölkə.Az

ŞƏRH YAZ
0

Uduzdurulan Hacı Əliyev — Hakimlərə haqqımı halal etmirəm - FOTO

Uduzdurulan Hacı Əliyev
17:06
20.09.2019
2115
İdman
A
Qazaxıstanın paytaxtı Nur-Sultanda keçirilən güləş üzrə dünya çempionatını medalsız başa vuran Hacı Əliyev bu barədə “Instagram” hesabında paylaşım edib.

"Ölkə.Az" oxu.az-a istinadən xəbər verir ki, o, mundialdan medalsız ayrılmasından və ona qarşı olan haqsızlıqlardan yazıb: 

“Bu gün burdan (dünya çempionatından – S.M.) əliboş gedirəm. Amma mənim haqqıma girənləri Allaha tapşırıram və başda oturan bütün hakimlərə haqqımı halal etmirəm. Bu son deyil, inşallah hər şey qarşıda. Allah nə yazıbsa, xeyirlisi”.


Xatırladaq ki, ötən gün Hacı rusiyalı Hacımurad Rəşidovla görüşdə önə keçsə də, qarşı tərəf buna etiraz edib. Hakimlər videotəkrara baxdıqdan sonra idmançımızın xallarını silib. Üçqat dünya və üçqat Avropa çempionumuz hakimlərlə razılaşmayaraq qırmızı vərəqəni onlara tərəf atıb. Hakimlər də cavabında Hacı Əliyevə qırmızı vərəqə göstərib.

Qeyd edək ki, Hacı Əliyev dünya çempionatı vasitəsilə Tokio Olimpiadasına vəsiqə qazana bilməsə də, hələ Yaponiyaya getmək imkanlarını itirməyib. Belə ki, martın 19-22-də Macarıstanın paytaxtı Budapeştdə Avropa, 30 aprel - 3 may tarixlərində Bolqarıstanın paytaxtı Sofiyada dünya lisenziya turnirləri keçiriləcək. Hər iki turnirin finalçıları Olimpiadaya lisenziya qazanacaq.

Ölkə.Az

ŞƏRH YAZ
0
BAĞLA