“Qarabağ”ın oyunlarını keçirəcəyi stadion məlum oldu

“Qarabağ”ın oyunlarını keçirəcəyi stadion məlum oldu
17:58
20.06.2019
1752
İdman
A
"Qarabağ"ın Çempionlar Liqasının birinci təsnifat mərhələsində qarşılaşacağı "Partizani" (Albaniya) klubu ilə ev oyununun stadionu müəyyənləşib.

"Ölkə.Az" klubun saytına istinadən xəbər verir ki, görüş "Dalğa Arena"da keçiriləcək. Qurban Qurbanovun komandasının ikinci mərhələyə yüksələcəyi təqdirdə ev oyunu həmin stadionda olacaq. 

Buna səbəb 21-27 iyul tarixləri arasında olacaq Avropa Gənclər Yay Olimpiya Festivalının ölkəmizdə keçirilməsidir. Belə ki, bu festivalın bir neçə yarışı məhz Tofiq Bəhramov adına Respublika stadionunda baş tutacaq.

"Qarabağ" "Partizani" səddini keçəcəyi təqdirdə, ikinci təsnifat mərhələsində Dundalk” (İrlandiya) – “Riqa” (Latviya) cütünün qalibi ilə qarşılaşacaq. 

Qeyd edək ki, 1-ci təsnifat mərhələsinin ilk oyunları 9-10 iyul, cavab qarşılaşmaları bir həftə sonra keçiriləcək. 2-ci raundun matçları isə 23-24 iyul və 30-31 iyul tarixlərində olacaq. 

ŞƏRH YAZ
0

Qurban Qurbanov məğlubiyyətdən danışdı

Qurban Qurbanov məğlubiyyətdən danışdı
23:48
19.09.2019
219
İdman
A
"Məğlub olmaq istəmirdik. Bu cür rəqibə qarşı mübarizə aparmaq çətindir. Dinamik kollektivdir və topla sürətli davranırlar. Yenə də futbolçularıma təşəkkür edirəm. Belə komandaya qarşı oynamağı hər bir oyunçu gözləyir. Çünki, həm öz, həm də rəqibin gücünü bilir. Son vaxtlar 3-4 qollu matçlar çox olur. Rəqibi yaxşı oyuna görə təbrik edirəm. Azarkeşlərə də təşəkkürümü bildirirəm".

“Ölkə.Az” report-a istinadən  xəbər verir ki, bu fikirləri "Qarabağ"ın baş məşqçisi Qurban Qurbanov "Sevilya"ya uduzduqları (0:3) Avropa Liqasının qrup mərhələsinin I tur matçından sonra mətbuat konfransında deyib.

47 yaşlı mütəxəssis bildirib ki, qrupun birinci tur matçlarından sonra fikirləri dəyişib: "Bu gündən sonra daha ciddi və diqqətli olmalıyıq. Futbolda məğlubedilməz kollektiv yoxdur. Sonrakı matçlara daha da ciddi hazırlaşmalıyıq".

Qurbanov İspaniya və Azərbaycan futbolu arasındakı fərqdən danışıb: "Əlavə şərhə ehtiyac yoxdur. La Liqa ən çox izlədiyim çempionatdır. İlk qola kimi mübarizə apara bildik. Ondan sonra bəzi dəyişikliklər etdik, önə çıxmaq istədik. Dərhal bundan yararlandılar. Bu, onların necə güclü çempionatdan gəldiyini göstərir".

Təcrübəli məşqçi Xayme Romeronun durumu barədə də danışıb: ""Neftçi" ilə matçda da onun xəstə olduğunu demişdim. Bu gün onun zədələnmə ehtimalı var idi. Ona görə əvəzlədik. Tarazlığı qorumaq üçün Dani Kintananı oyuna daxil etdim".

Mütəxəssis futbolçulardan razı qaldığını söyləyib: "Əsas hücumçumuz Mahir Emreli zədəli idi. Bütün imkanlarımızdan istifadə etdik. Bu isə hər dəfə alınmır".

Ölkə.Az

ŞƏRH YAZ
0

“Qarabağ” “Sevilya” ilə bacarmadı

“Qarabağ” “Sevilya” ilə bacarmadı
22:52
19.09.2019
840
İdman
A
UEFA Avropa Liqasında qrup mərhələsinin I turunda "Qarabağ" "Sevilya" (İspaniya) ilə qarşılaşıb.

“Ölkə.Az” xəbər verir ki, "Qarabağ" ilk hissədə rəqibinə ciddi müqavimət göstərsə də, ikinci hissədə qolların qarşısını ala bilməyib.

"Qarabağ" 0:3 hesabı ilə məğlub olub.

20:55. “Qarabağ” (Azərbaycan) – “Sevilya” (İspaniya) - 0:3 

Qollar: Çiçarito, 62, Munir, 78, Torres, 85

Komandalar meydana aşağıdakı "11-lik"lə çıxıblar:

"Qarabağ": 1. Asmir Beqoviç, 2. Qara Qarayev, 3. Ailton Silva, 5. Maksim Medvedev (k), 8. Miçel, 9. Xayme Romero, 17. Abdullah Zubir, 20. Riçard Almeyda, 30. Abbas Hüseynov,  55. Bədavi Hüseynov. 99. Maqaye Qeye

"Sevilya": 1. Tomaş Vatslik, 11. Munir, 12 Jyul Kunde, 14. Xavyer Ernandes, 15. Alexandro Pozo, 17. Nemanya Qudel, 18. Serxio Eskudero (k), 20. Dieqo Karlos , 21. Oliver Torres, 22, Franko Vaskes, 24. Joan Jordan

Qeyd edək ki, bu gün Tofiq Bəhramov adına Respublika Stadionunda keçiriləcək qarşılaşma saat 20:55-də başlayacaq.

ŞƏRH YAZ
0
BAĞLA