“Qarabağ”ın yarımmüdafiəçisi zədələndi

“Qarabağ”ın yarımmüdafiəçisi zədələndi
18:33
12.10.2017
312
İdman
A
“Qarabağ” komandası futbol üzrə Çempionlar Liqasının qrup mərhələsinin III turunda Bakıda İspaniya “Atletiko”su ilə keçirəcəyi oyun ərəfəsində heyətlə bağlı problemlə üzləşib.

"Ölkə.Az" Report-a istinadən xəbər verir ki, bu barədə Ağdam komandasının kapitanı Rəşad Sadıqov açıqlama verib. O, oktyabrın 13-də Azərbaycan Premyer Liqasının VII turunda “İnter” və ayın 18-də “Atletiko”ya qarşı matçlara tam heyətlə hazırlaşacaqlarına ümid etdiyini söyləyib: “Yakub Jezniçak, Maksim Medvedev əvvəldən zədəli idi. Miçel son məşqlərdə ayağında ağrı hiss etdi. Hazırda o, məşq etmir. Futbolçularımız millinin düşərgəsindən yorğun qayıdıb. Bədavi Hüseynov və mənim ayağımda ağrılar var. Sıx qrafiklə çıxış edirik. Oyunlar da ağır olduğundan stresləri çoxdur, fiziki cəhətdən xeyli güc sərf edirik. Hazırda ən əsas problemimiz mikrozədələrdir. İnanıram ki, həm "İnter", həm də "Atletiko" ilə oyunlara tam heyətlə hazırlaşa biləcəyik”.

Eyni zamanda, “Qarabağ”ın U-19 komandasının baş məşqçisi olan R.Sadıqov UEFA Gənclər Liqasında İspaniya təmsilçisi “Atletiko”ya qarşı keçirəcəkləri oyunda iştirak etməyəcəyini bildirib. O, bunu əsas komandanın görüşü ilə əlaqələndirib: “Gənclər komandasının oyununa o qədər də fəal hazırlaşmayacağam. Fikrimi əsas komandanın matçına yönəldəcəyəm. Fürsət düşdükcə, məşqlərdə iştirak edəcəyəm. Lakin əsas komandanın matçında iştirak etsəm, gənclərin qarşılaşmasında məşqçi skamyasında yer almayacağam”.

Qeyd edək ki, Rəşad Sadıqov “Qarabağ”ın Gənclər Liqasındakı ilk iki oyununda məşqçi skamyasında yer alıb. Onun rəhbərlik etdiyi kollektiv səfərdə İngiltərə “Çelsi”sinə 0:5, Bakıda isə İtaliya təmsilçisi “Roma”ya 0:3 hesabı ilə uduzub.

ŞƏRH YAZ
0

Şəhriyar Məmmədyarov Levon Aronyanla xalları bölüb

Şəhriyar Məmmədyarov Levon Aronyanla xalları bölüb
00:48
Bu gün
148
İdman
A
ABŞ-ın Sent-Luis şəhərində keçirilən "Sinquefield Cup" turnirinin IV turunda Azərbaycan şahmatçısı Şəhriyar Məmmədyarov ağ fiqurlarla ermənistanlı Levon Aronyanla qarşılaşıb.

"Ölkə.Az" xəbər verir ki, oyun 24-cü gedişdən sonra heç-heçə ilə yekunlaşıb - 0,5:0,5.

Bununla da Məmmədyarov xallarını 2,5-ə çatdırıb.

Turun digər görüşlərinə gəldikdə, rusiyalı Aleksandr Qrişuk fransalı Maksim Vaşye-Laqravla heç-heçə edib. Hazırda hindistanlı keçmiş dünya çempionu Vişvanatan Anandla norveçli hazırkı dünya çempionu Maqnus Karlsen qarşılaşır. Eyni zamanda Uesli So (ABŞ) - Sergey Karyakin (Rusiya) və Fabiano Karuana (ABŞ) - Hikaru Nakamura (ABŞ) görüşləri keçirilir.

On şahmatçının mübarizə apardığı "Sinquefield Cup" 300 min dollar mükafat fonduna malikdir. Qalib 75 min dollar qazanacaq.

Ölkə.Az

ŞƏRH YAZ
0

Xankəndidə tanınmamışların Avropa çempionatı keçiriləcək

Xankəndidə tanınmamışların Avropa çempionatı keçiriləcək
21:37
21.08.2018
388
İdman
A
2019-cu ilin iyununda Xankəndidə tanınmamış qurumların futbol komandalarının iştirakı ilə Avropa çempionatı təşkil olunacaq.

"Ölkə.Az" xəbər verir ki, bu barədə 2013-cü ildən İsveçdə fəaliyyət göstərən CONIFA (Müstəqil Futbol Assosiasiyalarının Konfederasiyası) qərar qəbul edib.

Üçüncü dəfə keçiriləcək bu çempionata qondarma Dağlıq Qarabağ Respublikasının komandası ev sahibliyi edəcək. Həmçinin 2017-ci ildəki Avropa çempionatının finalçıları – Padaniya (İtaliyanın səkkiz şimal regionunu təmsil edir – S.M.) və Şimali Kirpin, eləcə də bu ilin dünya çempionları Karpatoyyonun (Ukraynanın Zakarpatye ərazisində yaşayan macarları təmsil edirlər – S.M.) Xankəndidəki turnirdə iştirakı dəqiqləşib.

Yeri gəlmişkən, AFFA bu məsələ ilə bağlı öz etirazını bildirib və Azərbaycanın işğal olunmuş ərazisində beynəlxalq turnir keçirilməsini pisləyib.

Qeyd edək ki, 2014-cü ildə FİFA üzvlüyünə daxil olmayan qurumlar arasında İsveçdə keçirilən ilk dünya çempionatında erməni separatçıları iştirak ediblər və keçirdiyi iki matçda məğlub olublar. Həmin vaxt AFFA belə bir komandanın Dağlıq Qarabağ adından iştirak etməsinə görə FİFA, UEFA, CONIFA və İsveç Futbol Federasiyasına şikayət etmişdi. Bu üzdən ikinci və üçüncü dünya çempionatlarında ermənilər “Artsax” yox, Qərbi Ermənistan adı ilə çıxış etməli olmuşdular.

Ölkə.Az

ŞƏRH YAZ
0
BAĞLA