“Qarabağ”lı futbolçuların “Çelsi” paylaşımları — FOTO

“Qarabağ”lı futbolçuların “Çelsi” paylaşımları
12:58
14.09.2017
323
İdman
A
Xəbər verdiyimiz kimi, “Qarabağ” UEFA Çempionlar Liqasının qrup mərhələsinin ilk oyununda “Çelsi”yə 0:6 hesabı ilə uduzub.

"Ölkə.Az" Qafqazinfo-ya istinadən xəbər verir ki, Ağdam klubunun futbolçuları sosial şəbəkə hesablarında matçla bağlı paylaşımlar ediblər. 

Sizi həmin paylaşımlarla tanış edirik:

Polşalı müdafiəçi Yakub Jezniçak “Çelsi” ilə matçdan foto paylaşaraq, üzərinə “yaxşı dərsdir, çünki bu Çempionlar Liqasıdır” yazıb. 

Cənubi Afrikalı hücumçu Dino Ndlovu isə London təmsilçisi ilə matçdakı fotosuna bu sözlərlə şərh verib: “Məğlubiyyət hər zaman pis təsir edir. Amma biz “Qarabağ”ıq. Biz uğursuz və məğlubiyyətlərə alışan komanda deyilik”.

Komandanın gənc oyunçusu Mahir Mədətovun fikirləri isə belə olub: “Bəzən qazanarsan, bəzən isə öyrənərsən”.

Ağdam klubunun yeni transferi Pedro Konzen Enrike də düşüncələrini fotosu ilə birlikdə bölüşüb: “Uğursuz nəticəyə rəğmən, bu şounun bir hissəsi olmaq möhtəşəmdir. Əlbəttə ki, daha yaxşısını edə bilərik. Biz bir komandayıq, biz “Qarabağ”ıq. Amma rəqibin böyüklüyünü və oyun keyfiyyətini unutmamalıyıq”.

Qara Qarayev isə matçdan sonra David Luiz və Pedro Rodrigezlə fotosunu paylaşaraq azarkeşlərə təşəkkür edib: “Hər kəsə təşəkkür edirəm. Belə anlarda sizin dəstəyinizi hiss etmək möhtəşəmdir”.

ŞƏRH YAZ
0

Gənc cüdoçularımız 8 medal qazandılar

Gənc cüdoçularımız 8 medal qazandılar
00:48
Bu gün
931
İdman
A
Çexiyanın paytaxtı Praqa şəhərində gənc cüdoçuların Avropa Kuboku yarışı keçirilir.

"Ölkə.Az" xəbər verir ki, mötəbər turnirin ilk günü millimiz üçün uğurlu olub. Belə ki, təmsilçilərimiz 2 qızıl, 2 gümüş və 4 bürünc medal qazanıblar.

Rövşən Əliyev (55 kq) və Şəfəq Həmidova (44 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Balabəy Ağayev (55 kq) və Yaşar Nəcəfov (60 kq) Avropa Kubokunun gümüş medallarına yiyələniblər. Tofiq Məmmədov (60 kq), Nurlan Osmanov (66 kq), Ramilə Əliyeva (44 kq) və Gültac Məmmədəliyeva (52 kq) isə bürünc medal qazanıblar.

Bununla da, millimiz Avropa Kuboku yarışının birinci günündə medalların əyarına və sayına görə ilk pillədə qərarlaşıb.

Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunur.

Ölkə.Az

ŞƏRH YAZ
0

İdmançılarımız qızıl medal qazandılar

İdmançılarımız qızıl medal qazandılar
18:18
21.07.2018
1358
İdman
A
Rumıniyanın Kluj-Napoka şəhərində stolüstü tennis üzrə gənclər arasında Avropa Çempionatı keçirilir.

“Ölkə.Az” xəbər verir ki, 44 ölkədən 42 kişi və 39 qadın komandasının iştirak etdiyi çempionatda qızlardan ibarət Azərbaycan stolüstü tennisçiləri finalda Rusiya komandasına qalib gələrək qızıl medal qazanıb. Bu, Azərbaycan stolüstü tennis tarixində ən yüksək nəticədir.

Xatırladaq ki, 2017-ci il gənclərin Avropa çempionatında qızlardan ibarət yığmamız bürünc medal qazanıb.

Çempionat şəxsi yarışlarla davam edir.

 

 

ŞƏRH YAZ
0
BAĞLA