Qaradağda 22 km yol təmir olunur

Qaradağda 22 km yol təmir olunur
20:00
12.01.2019
5666
Ölkə
A
Prezident İlham Əliyevin tapşırıq və sərəncamlarına əsasən, Azərbaycan Avtomobil Yolları Dövlət Agentliyi tərəfindən Bakı şəhərinin qəsəbələrini birləşdirən avtomobil yollarının yenidən qurulması işləri 2019-cu ildə də yüksək keyfiyyətlə və sürətlə davam etdirilir.

Avtomobil Yolları Dövlət Agentliyindən "Ölkə.Az"a verilən məlumata görə, vətəndaşların rahatlığı üçün hesablanmış layihələrin icrası çərçivəsində Qaradağ rayonunda 22.9 kilometr uzunluğa malik iki mühüm layihənin icrası işləri artıq yekunlaşır. Bu, uzunluğu 13,8 kilometr olan Lökbatan-Qızıldaş və 9,1 kilometrlik Lökbatan-Güzdək qəsəbələrarası avtomobil yollarıdır. 

Lökbatan-Qızıldaş və Lökbatan-Güzdək avtomobil yollarının əsaslı şəkildə təmir olunmadan uzun illər istismar olunması, əsasən ağır tonnajlı yük maşınlarının hərəkəti nəticəsində yol geyimi və yol əsası deformasiyaya uğramış, qabarma və çalalar əmələ gəlmişdi. Bu isə vətəndaşların gediş-gəlişində çətinliklərə səbəb olurdu. Buna görə dövlət agentliyi tərəfindən sözügedən yolların ötən il əsaslı şəkildə təmirinə start verilmişdi. 

Hər iki avtomobil yolu iki hərəkət zolaqlı olmaqla üçüncü texniki dərəcəyə uyğun olaraq yenidən qurulub. Layihəyə uyğun yolun hərəkət hissəsi 7 metr olmaqla, yol yatağının eni 12-13 metr təşkil edir. 

Yollar boyu yeni yol yatağı inşa olunub. Bu çərçivədə yağıntılar zamanı yolların hərəkət hissəsinə suların dolmasının qarşısını almaq məqsədilə kənardan xüsusi material gətirilərək yol yatağı 1-1,4 metr hündürlüyə qaldırılıb. Daha sonra lazımi qalınlıqda optimal-qırmadaş və qum-çınqıl qarışığından ibarət yol əsasının inşası işləri aparılıb. 

Torpaq işləri bitəndən sonra hər iki yola 2 qat olmaqla 12 santimetr qalınlığında yeni asfalt-beton örtüyünün döşənməsi işləri aparılır ki, bu işlər də yaxın günlərdə tam olaraq bitəcək. Yollar boyu asfaltlanan ərazinin sahəsi 160 min kvadratmetrdən çoxdur. 

Bundan başqa, layihəyə uyğun olaraq Lökbatan-Qızıldaş və Lökbatan-Güzdək avtomobil yollarında ümumilikdə 5 nöqtədə yolun altından suların ötürülməsi üçün suötürücü dəmir-beton boru quraşdırılıb, mövcud 5 metr uzunluğunda dördbucaqlı su keçidi əsaslı şəkildə bərpa olunub. Layihənin zəruri ərazilərində yeni piyada səkiləri və yol ayırıcı inşa edilib, kənarlarına yeni səki daşları düzülüb. 

Ölkə.Az

ŞƏRH YAZ
0

Azercell abunəçilərini Novruz bayramında sevindirməyə davam edir

Azercell abunəçilərini Novruz bayramında sevindirməyə davam edir
12:24
Bu gün
40
Ölkə
A
Azərbaycanın telekommunikasiya bazarında lider mobil operator olan Azercell abunəçilərini Novruz bayramı ərəfəsində sevindirməyə davam edir. Bu dəfə Azercell mart ayının 19-dan 31-dək hər yeni Fakturasız Xətt nömrə alan abunəçiyə şəbəkədaxili danışıqlar üçün pulsuz 500 dəqiqə hədiyyə təqdim edir.
Kampaniya haqqında ətraflı məlumat üçün https://www.azercell.com/az/personal/campaigns/monthly/welcomecamapaign/ səhifəsinə daxil olun. 
Şirkət bayramlarda ölkə xaricinə sayahət edən abunəçilərini də ututmayıb. 
 
Azercell rominq internet paketlərinin çalışdığı ölkələr siyahısını növbəti dəfə genişləndirərək, siyahıya BƏƏ və Çin ölkələrini də əlavə edib. Belə ki, artıq Azercell abunəçiləri 52 ölkədə 70-dən çox operatorun şəbəkəsində Rominq İnternet Paketlərindən istifadə etmə imkanına malikdirlər və siyahı daim yenilənir. 
 
Qeyd edək ki, Azercell istifadəçilərinə rominqdə internet xidmətlərindən faydalanmaq üçün 2 paket təqdim edir: 19.90 AZN ödəməklə 1GB həcmində internet paketi və yaxud 9.90 AZN ödəməklə 400MB həcmində internet paketi. 
Xatirladaq ki, hazırda Türkiyə, Gürcüstan, ABŞ, Qətər, Belarus, Finlandiya, Özbəkistan, Yeni Zelandiya, BƏƏ və Çin kimi populyar istiqamətlərdə  Azercell abunəçiləri prioritet operatoru seçmək zərurəti olmadan istənilən operatorun şəbəkəsində internet xidmətindən istifadə edə bilərlər,.çünki rominq internet paketləri həmin ölkələrdə bütün şəbəkər üçün etibarlıdır.
 
Rominq internet paketləri haqqında ətraflı məlumat üçün https://www.azercell.com/az/personal/roaming/internetroaming/ səhifəsinə daxil olun. 
 
Azercell-in Novruz bayramında təklif etdiyi fürsətləri qaçırmayın! Bu bayram əzizləriniz və sevdikləriniz ilə bol-bol ünsiyyətdə olun! 
Daha ətraflı məlumat üçün [email protected] ünvanına müraciət edə bilərsiniz.
 
Azərbaycanın mobil rabitə sektorunun lideri və qeyri-neft sektorunun ən böyük vergi ödəyicisi və sərmayəçisi Azercell Telekom MMC 1996-cı ildə təsis edilmişdir. Azərbaycanın mobil rabitə sektorunda 49% bazar payına malik olan Azercell-in şəbəkəsi ölkə ərazisinin 99.1% (işğal altında olan ərazilər istisna olmaqla), əhalinin isə 99,8% əhatə edir. Hazırda 4,5 milyon abunəçi Azercell-in xidmətlərindən istifadə edir. Ölkəyə bir sıra yenilikləri ilk dəfə olaraq məhz Azercell gətirib: GSM texnologiyası, öncədən ödəmə sistemi, mobil internet xidmətləri, metropoliten ərazisində şəbəkənin qurulması, 24/7 Telefon Mərkəzi, həftənin 7 günü fasiləsiz ön ofis xidmətləri, M2M xidmətləri, 1 nöqtədə 3 xidmət göstərən Azercell Ekspres ofisləri, mobil müştəri xidmətləri, onlayn müştəri xidmətləri və sosial media üzərindən müştəri xidmətləri, mobil elektron imza xidməti “Asan İmza” və s. 2012-ci ildə Azercell ölkədə ilk dəfə 4G xidmətini təqdim etmişdir. Radio siqnalların şəbəkə keyfiyyətini ölçən və simsiz rabitənin əhatə dairəsi üzrə ixtisaslaşan beynəlxalq sistemlər tərəfindən aparılmış araşdırmaların nəticələrinə əsasən, Azercell şəbəkəsi Azərbaycanın mobil operatorları arasında ən yüksək göstəricilər nümayiş etdirmişdir. Azercell ölkədə və MDB məkanında beynəlxalq “İnvestors İn People” İnsana Sərmayə Qızıl Sertifikatına layiq görülən yeganə şirkətdir.
ŞƏRH YAZ
0

Təmas xəttində yeni hərbi hissəsi istifadəyə verildi — FOTO

Təmas xəttində yeni hərbi hissəsi istifadəyə verildi
12:18
Bu gün
96
Ölkə
A
Ermənistan ilə dövlət sərhədinin Qazax və Ağstafa rayonlarının ərazisindən keçən hissəsindəki təmas xəttində xidməti-döyüş fəaliyyətinin təşkili Azər­baycan Prezidenti, Silahlı Qüvvələrin Ali Baş Komandanı İlham Əliyev tərəfindən Dövlət Sərhəd Xidmətinə (DSX) həvalə edildikdən sonra bu əra­zilərdə dövlət sərhədlərinin müdafiəsi və mühafizəsi infrastruk­turunun yaradılması tədbirləri surətlə davam etdirilir.

DSX-dan "Ölkə.Az"a bildirilib ki, sərhədçilər üçün ən müasir tələblərə cavab verən sərhəd döyüş məntəqələri, digər hərbi obyektlər qısa müddət ərzində tiki­lərək istifadəyə verilir. 

Martın 18-də Dövlət Sərhəd Xidmətinin Sərhəd Qoşunlarının“Qazax”sər­həd dəs­təsinin yeni hərbi his­səsi xidməti istifadəyə verilib.

Tədbirdən əvvəl Dövlət Sərhəd Xidmətinin rəhbər heyəti ümummilli lider Heydər Əliyevin abidəsi önünə əklil qoyub, qızıl gül dəstələri düzmüş, Azərbaycan Sərhəd Mühafizəsinin banisi olan dahi öndərə dərin hörmət və ehtiramlarını ifadə ediblər.

Hərbi hissənin açılışı münasibətilə təşkil olunan təntənəli mərasimdə çıxış edən Dövlət Sər­həd Xid­mətinin rəisi general-polkovnik Elçin Quliyev Azərbaycan sərhəd­çi­sinin döv­­lət­­çiliyin və sərhəd­lərimizin keşi­yində ayıq-sayıq dayandığını, Dövlət Sər­həd Xidmətinin bütün şəxsi heyəti üçün Ali Baş Ko­man­danın tapşırıqlarını icra etməyin böyük şərəf və yüksək məsuliy­yət­ olduğunu bildi­rib, Azərbaycan Prezidenti Silahlı, Qüvvə­lərin Ali Baş Komandanı İlham Əliyevin ali diqqəti sayə­sində Dövlət Sərhəd Xidmətinin bütün hərbi hissə və bölmələrində şəxsi heyət üçün yüksək xidməti və məişət şəraitinin yara­dıl­ma­sını qeyd edib.

Ermənistan ilə dövlət sərhədinin Qazax və Ağstafa rayonları ərazisindən ke­çən hissəsinin Dövlət Sərhəd Xidməti tərəfindən mühafizəyə götürülməsinin dövlət sərhədlərinin bütövlüyünün təmin edilmə­sinin başlanğıcı olması xüsusi vurğulan­ıb, Azərbay­can sərhədçisinin Azər­bay­can Prezidenti Silahlı Qüvvələrin Ali Baş Komandanı İlham Əliyevin əmr və tapşırıqlarını böyük şərəflə icra etməyə hər zaman hazır olması bildirilib. 

Tədbirdə iştirak edən Qazax rayon İcra Hakimiyyətinin başcısı Rəcəb Ba­başov sər­həd­çiləri təbrik edərək onlara şərəfli xidmətlərində uğurlar arzulayıb. 

Tədbir zamanı xidmətdə yüksək nəticələr göstərmiş bir qrup hərbi qulluqçu təltif olunub.

Açılışı bildirən rəmzi lent kəsildikdən sonra hərbi hissəyə baxış keçirilib. Hərbi hissədə xidməti-döyüş fəaliyyətinin yüksək sə­viyyədə təş­kili və sərhədçilərin istirahəti üçün hər cür şə­rait yara­dılıb. Yeni hərbi hissədə qərargah və ida­rəetmə bölmələri üçün binalar kompleksi, müddətli hərbi qulluqçuların kazarma bi­naları, hərbi qulluqçular və ailə üzvləri üçün xidməti mənzillər, tibb mən­təqəsi, tex­niki təyinatlı bina­lar, döyüş texnikası parkı inşa olunmuş, 150 metr də­rinlikdə artezian quyusu qazılıb. 

Həmçinin yerli əhaliyə köməklik məqsədilə Dövlət Sərhəd Xidməti tərəfindən yeni kənd tibb məntəqəsinin inşası davam etdirilir.

Təntənəli mərasimin bədii hissəsində Dövlət Sərhəd Xidmətinin nümunəvi hərbi orkestrinin, rəqs ansamblının, vokal-instrumental qrupunun, tanınmış mü­ğən­­­nilərin ifaları, şəxsi heyət qarşısında çıxışları hərbi qulluqçular tərəfindən bö­yük rəğbətlə qarşılanıb.

Tədbirin sonunda Dövlət Sərhəd Xidmətinin rəisi general-polkovnik Elçin Quliyev və qonaqlar şəxsi heyətlə birlikdə nahar edib. 

Səfər çərçivəsində Dövlət Sərhəd Xidmətinin rəhbər heyəti düşmənlə təmas xəttində yerləşən sərhəd döyüş məntəqələrində xidməti-döyüş fəaliyyətinin vəziy­yəti ilə tanış olub, sərhədçi əsgərləri Novruz bayramı münasibətilə təbrik edib. 

Ölkə.Az

ŞƏRH YAZ
0
BAĞLA